व्हिडियोकोन डी२एच चा वैयक्तिक अनुभव खूप चांगला आहे. जास्तीत जास्त च्यानल्स कमीत कमी किंमतीत मिळतात. सुस्पष्ट चित्र आणि आवाजाची गुणवत्ता आहे. वेगवेगळी च्यानेल प्याकेजेस आहेत शिवाय हवे ते च्यानेल्स a la carte पद्धतीने देखील निवडता येतात.

संपादक मंडळाला विनंती सदर धागा सदाहरीत धाग्यामधे हलवावा. माझ्या घरी डीश टिव्ही आहे. ४-५ वर्षांपासून पण hd चा अनुभव नाही.

Airtel चा Universal Remote हा प्रकार फार आवडला. TV च्या remote ची फारशी गरज पडतच नाही. पण थोड्याशा पावसातही Airtel चे signals गडबडतात. त्याबाबतीत Tata Sky चा performance चांगला वाटला , अगदी मुसळधार पावसातच फक्त सिग्नल मिळत नाही.

कोणताही घेतला तरी फक्त २ टक्के चानल चांगली आहेत.इंग्रेजी सिनेमा चानलचा सगळा रंग उडाला आहे. हॉलिवूड ही थकत चालले आहे.

तुम्ही ज्या भागात राहता तेथे कोणत्या नेटवर्कची सर्विस चांगली आहे ते पहा. काही भागात डीश टीव्ही प्रभावी आहे तर काही भागात टाटास्काय. मी कस्टमरला टाटास्काय सजेस्ट करते कारण आमच्याकडे ती सर्विस चांगली आहे, एच डी पण.हल्ली या कंपन्या एकत्र येऊन एकाचवेळी पॅकेज किंमत ठरवतात, न विचारता नविन चॅनल्स चालू करतात, त्याबाबतीत जागरूक राहणे आवश्यक असते. येणारे मेसेज न वाचता डीलिट करू नका. कस्टमर केअर फोन करून योग्य माहिती मिळवा, फोन करायचा कंटाळा करून स्वतःचे नुकसान होते. आपण न पाहता नेटवर्क बंद झाले की अस्वस्थ होऊन लगेच रीचार्ज करून टाकतो. टाटास्काय १८७०/- एक महिना फ्री. २७०/- चे पॅकेज फ्री. डीश टीव्ही सेम. १६००/- + रीचार्ज ( पॅकेज कॉस्ट प्रमाणे)

माझ्यामते टाटा स्काय ह्या सगळ्यात उत्तम आहे. उत्तम कस्टमर केअर, चांगले पॅकेज, अगदी ४के पर्यंतचे सेट टॉप बॉक्स, टाटा स्काय प्लस मध्ये रेकॉर्डींग आणी मोबाईल वॉचींग सुविधा आणी इतर बरेच. (त्यामुळे माझ्या पर्सनल अनुभवानुसार टाटा स्काय बेस्ट)

जाणकार आणि अनुभवी मिपाकर म्हणून सांगतो, कोणतेही कनेक्शन न घेता आहे तो टीव्ही विकून/देऊन टाका, जीवन जास्त आनंदमय, मंगल आणि सृजनशील होईल.

माज्याकडे आहे dish tv महिना 260 बेसीक पॅक..बाकी ala carte घ्याचे.. धुवांधार पाऊस पडला की बंद पडतो.. कष्टमर केअर वाले रोज फोन करतात..पॅक अपग्रेड करा म्हणुन.. पायजे असल्यास कळवा निम्या किमतीत देऊन टाकीन.

मनोरंजनाचं साधन आहे जेवढे पैसे ओताल तेवढी मजा वाढतच जाते.

मला तर बुवा रात्री स्वीट डिश आवडते. टीवी सहसा पाहत नाही.

टाटा स्काय चा अनुभव चांगला आहे. एकंदरीत स्वानुभव आणि मित्रमंडळींकडून जे ऐकलय त्यावरून टाटा स्कायची ग्राहक सेवा जास्त उजवी आहे असं वाटतं.

डी टी एच सेक्टर मध्ये ६ पर्याय आहेतः १. टाटा स्काय २. डिश टीव्ही ३. व्हिडीओकोन ४. एयरटेल ५. सन ६. रिलायन्स. सन आणी रिलायन्स फार कुठे दिसत नाहित. टाटा, डिश आणी व्हिडीयोकोनची स्पर्धा आहे खरे सांगायचे तर. व्हिडीयोकोनचा सबस्क्रायबर बेस वेगाने वाढत आहे इतरांच्या मानाने. सगळ्यात अद्ययावत प्लॅटफॉर्म देखील माझ्या मते त्यांचाच आहे. सर्व्हिस चांगली आहे. पॅकेजेस सगळ्यांची थोड्याफार फरकाने सारखीच असतात. क्वालिटीत फार फरक पडणार नाही. पण व्यक्तिशः मला टाटा आणी व्हिडीओकोन इतरांपेक्षा उजवे वाटतात. मात्र बाकीचेही फार वाईट नसावेत. व्हिडीयोकोन चे अ‍ॅड ऑन पॅकेजेस चांगले आहेत. डीटुएच सिनेमा या अ‍ॅड ऑन चॅनलवर (महिना ६० रुपये) साधारण २-३ महिने जुने चित्रपट सतत दाखवतात (एका आठवड्याला एक). तसेच किड्स साठी एक पॅकेज आहे. ज्यात नर्सरी र्‍हाइम्स आणि स्टोरिज चे २ वेगळे चॅनल्स येतात (रु. २५ प्र.मा.). एकुणात मला डी टु एच सर्वात चांगले वाटले.

चेपूवर आणि कायअप्पावर फुकट मनोरन्जन होत असतना कशाला ह्वाय इडीयट बॉक्स...!?

डिश टीव्हीचा गेले तीन वर्षांचा अनुभव आहे. एरवी काही अडचण येत नाही. पण घेतलेल्या पॅकमधील चॅनेल मनमानी पद्धतीने काढले / अ‍ॅडवले जातात. म्हणजे तुम्ही अमुक एक चॅनेल हवा म्हणून विशिष्ट पॅक घ्याल, पण नंतर तो चॅनेल दिसेनासा होईल. तुम्ही तक्रार केल्यावर तो चॅनेल आता त्या पॅकमध्ये नाही असं तुम्हाला सांगण्यात येईल. तसेच तुम्हाला या पॅकवरून त्या पॅकवर मायग्रेट केले जाईल (तुम्हाला न विचारताच). तुम्ही जो पॅक घेतला होता तो आता अस्तित्वातच नाही असे तुम्हाला कळेल. हवे ते चॅनेल अ-ला-कार्टे घेतले तर खूप महाग पडतात. क्रिकेट मॅच पाहण्याचा शौक असेल तर डीटीएच पेक्षा केबलवाला चांगला. हा डिश टीव्हीचा अनुभव असला तरी बहुधा टाटा स्काय आणि एअरटेल यांचाही इतरांना तसाच अनुभव असेल.

टाटा स्कायचा अनुभव चांगला आहे,तक्रार नोंदवल्यास पटकन मदत मिळाल्याचा अनुभव आहे. त्यांच सेटटॉपबॉक्स मात्रं एक नंबरच मंद आहे, २-३ वेळा बटन दाबले तरच हिरवा -लाल-हिरवा असा खेळ करुनच ते चालु होते { माझे हे टिनपाट डबडे २-४ वेळा बदलुन देखील या त्याच्या सुस्तीत बदल नाही.} बाकी एचडी चॅनल्स महाग होत चालले आहेत, त्यामुळे पुढच्या वेळी अ‍ॅन्यूअल पॅक रिचार्ज करणार नाही अशा विचारात आहे.

मदनबाण.....

आजची स्वाक्षरी :- भींगी भींगी सड़कों पे मैं तेरा इंतज़ार करूँ, धीरे धीरे दिल की ज़मीं को तेरे ही नाम करूँ... :-SANAM RE

मी पूर्वी डिश टीव्ही चा कस्टमर होतो. दोन वर्षापूर्वी टाटा स्काय घेतले. डिश टीव्ही वर बरेच चॅनेल फ्री पॅक मध्ये आहेत जे दूरदर्शन च्या फ्री डिश वर देखील मोफत दिसतात . पण हेच चॅनल टाटा वर पेड आहेत . बाकी टाटा चा अनुभव बारा आहे. मी सध्या बाकी सगळी झेंगट बंद करून 99/-बेस पॅक + 26/- मराठी पॅक चालू ठेवला आहे . त्यामुळे 125/- महिना रेंट मध्ये फ्री चॅनल अधिक मराठी चॅनेल दिसतात . याचे कारण नेट व युट्यूब मुळे टीव्ही पाहण्याची वेळच येत नाही फारशी... ! सिग्नल बाबत महत्त्वाचे म्हणजे उपग्रह. इस्रो चे इन्सॅट / GSAT उपग्रहांचे सिग्नल्स भारतीय उपखंडात चांगले मिळतात . दूरदर्शन /टाटा / व्हीडिओcon इस्रो चे उपग्रह वापरतात ,तर डिश टीव्ही एनएसएस-6 हा परदेशी उपग्रह आहे . सन /रिलायन्स/एयरटेल देखील परदेशी /चायनीज उपग्रहाची सेवा घेतात . त्यामुळे सिग्नल स्ट्रेन्थ मध्ये फरक पडतो .

आनंद सर, कोणत्या कंपनीची डिश घेतली ते सांगा की... किती चार्जेस भरावे लागले? काही ऑफर वगैरे मिळाली का? या महिन्याअखेरीस टाटा स्काय घ्यायचा विचार करतोय. टाटा स्काय वापरणार्यांचे मत जाणून घ्यायला आवडेल.

एरटेल रिमोट काय भानगड आहे?

नमस्कार आनंदजी, आपणास कदाचित आवडणार नाही पण माझे मत आहे की आपण सगळ्यात महागडी सेवा देणार डीश घेणे. फायदे: १. आपल्या गरजा आपण नक्की करू शकतो व तेवढेच च्यानेल घेतो. २. उगाच आहेत वाहिन्या म्हणून बघत बसावे असे होत नाही. एकदा टीव्ही बघण्याला आकृष्ट करणाऱ्या गोष्टी कमी झाल्या कि आपोआप टीव्ही बघणे कमी होते व हळू हळू त्याचे सकारात्मक फायदे दिसु लागले की टीव्ही पाहणे आपोआपच बंद होते. त्यानंतर मिळणारा आनंद पराकोटीचा आहे.. भरपूर रिकामा वेळ मिळतो जो आणखी काही चांगल्या गोष्टीसाठी वापरता येवू शकतो. धन्यवाद, महेश रा. कुलकर्णी