चला बनवुया मट्ण खिमा

साहित्य : १. मटण खिमा १/२ किलो २. ४ मोठे कांदे बारीक चिरुन ३. २ मध्यम टॉमाटो बारीक चिरुन ४. आल-लसुण-मिरची-कोथिंबिर पेस्ट (आवडीप्रमाणे) ५. २ तमालपत्र ६. ५-६ मिरी दाणे ७. तेल ८. हळद ९. लाल तिखट १०. गरम मसाला ११. मिट मसाला (मी सुहानाचा वापरला) १२. मीठ १३. बारीक चिरलेली कोथिंबिर चला तर मग करुया सुरुवात. क्रुती: १. प्रथम खिमा थोडी हळ्द आणी आल-लसुन पेस्ट(१/२ चमचा) टाकुन शिजवुन घ्या. (मी छोट्या कुकरमध्ये ५ शिट्यात शिजवुन घेतला.) २. आता खिमा थंड झाला की कढईत तेल घेउन गरम करा. (तेल जरा सढळहस्तेच घ्यायच बरं).यात मिरी दाणे आणि तमालपत्र टाका. आता कांदा परतुन घ्या. छान गुलाबीसर झाला कि टोमाटो परतुन घ्या. ३. टोमाटो मऊ झाला कि यात आवडीप्रमाणे आल-लसुण-मिरची-कोथिंबिर पेस्ट, हळद, आणि लाल तिखट घालुन छान परतुन घ्या. मग यात १ चमचा मिट मसाला घाला. ४. आता खिमा अ‍ॅड करा. परतुन घ्या. अगदी थोड पाणी घाला आणि वरुन १ चमचा गरम मसाला घाला. छान मिक्स करुन घ्या. मीठ घाला. ग्रेव्ही हवी असेल तर त्याप्रमाणे पाणी वाढवा. (खिमा आधिच शिजवल्यामुळे फार वेळ नाही लागत). ५ मिनिटे मंद आचेवर शिजु द्या. आच बंद करुन वरुन कोथिंबिर भुरभुरावी. गरम गरम भाकरीबरोबर गट्ट्म करायला तयार.