Skip to main content

तुज्या मिपाला.....

लेखक पिवळा डांबिस यांनी सोमवार, 19/01/2009 01:06 या दिवशी प्रकाशित केले.

(आमचे मित्र श्री तात्या मिपाकार यांना आमचा आपला एक मैत्रीखातर इशारा.:) ...मूळ चाल, तुज्या ऊसाला....)

फड गप्पांचा रंगात आलाऽऽऽऽऽ
फड गप्पांचा..... रंगात आलाऽऽ
तुझ्या मिपाला लागंल कोल्हा, रं,
तुझ्या मिपाला लागंल कोल्हाऽऽऽ....

तुझ्या मिपाला लागंल कोल्हा, रं, तुझ्या मिपाला लागंल कोल्हाऽऽऽ....

आंतरजाल म्हंजे निख्खळ सोनं,
त्यात म्हराठीचं रुजलं बियाणं,
तुझा फड वाढला जोमानं, तुझा फड वाढला जोमानं.....

सभासदांनी उभारी धरली,
धाग्याधाग्यातून तर्री पेरली,
"अवांतरा"नं पानं भरली!
सडा पिंकांचा तांबडा ओलाऽऽऽ

सडा पिंकांचा, तांबडा ओला, रं..... तुझ्या मिपाला लागंल कोल्हा!!!!
तुझ्या मिपाला लागंल कोल्हा, रं, तुझ्या मिपाला लागंल कोल्हाऽऽऽ....

तुला पदरचं सांगत न्हायी...
स्थळं समांतर पाह्यली काही...
आरं जाळ असल्याविना काही धूर येत न्हायी!!!:)

सार्‍या राती र्‍हाईल कोन जागं?
नको बोलन्याचा धरूस राग,
कोल्हं पटाईत, काढत्यात माग,
अर्ध्या राती सर्व्हर डाऊन क्येलाऽऽऽ

अर्ध्या राती, सर्व्हर डाऊन क्येला रं..... तुझ्या मिपाला लागंल कोल्हा!!!!
तुझ्या मिपाला लागंल कोल्हा, रं, तुझ्या मिपाला लागंल कोल्हाऽऽऽ....

तीन हजार कलमांचा मळा,
सांबाळीन म्हंतोस, येडा का तू खुळा?
आरं जितकी जास्त बैलं, तितकाच मोठा पोळा!!:)

याला फिल्टर घालशील किती?
जात कोल्ह्यांची लई हिकमती,
नीलकांत तरी जागत्याल किती?
शेवटी त्यो बी मानूसच झालाऽऽऽ

शेवटी त्यो बी, मानूसच झाला रं....... तुझ्या मिपाला लागंल कोल्हा!!!!
तुझ्या मिपाला लागंल कोल्हा, रं, तुझ्या मिपाला लागंल कोल्हाऽऽऽ....

लेखनविषय:
लेखनप्रकार
वाचने 6858
प्रतिक्रिया 34

प्रतिक्रिया

मदनबाण सोमवार, 19/01/2009 04:50

आरं जितकी जास्त बैलं, तितकाच मोठा पोळा!!

व्वा.. लय भारी.. :)

मदनबाण.....

"Its God's Responsibility To Forgive The Terrorist Organizations
It's Our Responsibility To Arrange The Meeting Between Them & God."

- Indian Armed Forces -

विसोबा खेचर सोमवार, 19/01/2009 06:54

आरं जाळ असल्याविना काही धूर येत न्हायी!!!

हा हा हा! हे सर्वात मस्त! :)

झक्कास लावणी रे डांबिसा, जियो..! :)

तात्या.

अनिल हटेला सोमवार, 19/01/2009 06:57

मस्तच !!

बैलोबा चायनीजकर !!!
माणसात आणी गाढवात फरक काय ?
माणुस गाढव पणा करतो,गाढव कधीच माणुस पणा करत नाही..

मुक्तसुनीत सोमवार, 19/01/2009 07:05

हेच म्हणतो. लावणी आवडलीच ; पण त्यामागचा संदेश सुद्धा ऊसाच्या बागाईतदारांनी लक्षांत घ्यावा हे उत्त्तम.

विसोबा खेचर सोमवार, 19/01/2009 08:12

तुझ्या मिपाला लागंल कोल्हा, रं,
तुझ्या मिपाला लागंल कोल्हाऽऽऽ....

बाय द वे डांबिसा, मिपाच्या आसपास अशी कोल्हेकुई नेहमीच सुरू असते! ;)

परंतु इशार्‍याबद्दल धन्यवाद.. तुझ्यासारख्या हितचिंतकांच्या सहकार्यानं हा तात्या तमाम कोल्ह्याकुत्र्यांना पुरून उरेल एवढं निश्चित! :)

तात्या.

३_१४ विक्षिप्त अदिती सोमवार, 19/01/2009 09:57

झक्कास!

अदिती
आमच्यात बौद्धीक संपदेचा कॉपीराईट घेण्याची पद्धत नाही आणि मी त्याला अपवादही नाही.

ब्रिटिश सोमवार, 19/01/2009 12:27

दादुस क्या बात है !

तात्या नववारी , कंबरपट्टा, नाकात नथ घालुन नाचताईत, तुमी सोता ढोलकीवर ताल धरून लावणी म्हनताय, मास्तर शीटी वाजवित फेटा ऊडीवतान न बाकी सगले मीपाकर फडात लावणी आयकायला जमलेत. वा !

सगला डोल्यासमोर आयला बग.

मिथुन काशिनाथ भोईर
(जल्ला सगला काय नावानच हाय)

केशवसुमार सोमवार, 19/01/2009 18:08

डोळ्यापुढे आले..
भोईरशेठ.. अगदी सहमत..
(फेटे उडवणारा)केशवसुमार
बाकी गोरखनाथ,
मठी एकदम जोरात चालू ठेवलीय..
(अ-निवृत्त)केशवसुमार

छोटा डॉन सोमवार, 19/01/2009 22:53

एकदम जब्राट जमली आहे लावणी ...!
नाय नाय म्हणता चांगलाच अभ्यास केलेला दिसतोय पिडाकाकांनी एकंदर गोष्टींचा ...
जाम मज्जा आली वाचताना, जर ठेक्यात गुणगुणली ( ऑफीसात नाहीम घरी, आजुबाजुला कोणी नसताना ) तर अजुन मज्जा येते.

बाकी एकदा पिडाकाका ह्या आसामीला भेटायची इच्छा आहे.
मस्त फड उभा करतील जर मुड मध्ये आले तर ...
असो.

------
( ढोलकीवाला) छोटा डॉन

बिपिन कार्यकर्ते सोमवार, 19/01/2009 14:10

जबरी लावणी. पिडाकाका, क्या बोलनेका?

तात्याची प्रतिक्रिया पण अपेक्षेप्रमाणेच. :)

बिपिन कार्यकर्ते

मृगनयनी सोमवार, 19/01/2009 15:48

पिडां, जी मस्त लावणी!
नीलकान्त जीं चे शतश: ऋण!

हातात उस धरलेली तात्यांची अनुष्का वहिनी ( तात्यांची अनुष्का, आपली वहिनी) च जणु गाणं म्हणत आहे, असा आभास झाला क्षणभर !

:)

अजून येऊ देत.

युद्ध माझा राम करणार | समर्थ दत्तगुरु मूळ आधार |
मी वानरसैनिक साचार |रावण मरणार निश्चित ||
|| इति अनिरुद्ध महावाक्यम् ||

विजुभाऊ सोमवार, 19/01/2009 18:41

पिडाकाका
एकदम मस्त.
अवांतर :लावणीचा फड आणि उसाचा फड यातील फरक सांगा
आपण एखादा विचार ;एखादी गोष्ट करतो किंवा करायचे टाळतो ते आनन्द मिळवणे किंवा वेदना टाळणे या दोन्ही साठीच

आपला अभिजित सोमवार, 19/01/2009 19:22

डाम्बिस लावणी झाली आहे!!

चौफुल्याचे जमवायचे का मग??

आपला अभिजित सोमवार, 19/01/2009 19:23

कोल्हं पटाईत, काढत्यात माग,
अर्ध्या राती सर्व्हर डाऊन क्येलाऽऽऽ

हे एकदम झ्याक!!

कपिल काळे सोमवार, 19/01/2009 22:13

तीन हजार कलमांचा मळा,
सांबाळीन म्हंतोस, येडा का तू खुळा?

आयला, तात्याची देवगडात कलम बाग आहे ते माहिते. पण ३००० कलमं.? तात्या. लय छुपे रुस्त्म की तुम्ही.

बाकी लावणी नेहमीसारखे पिडा स्टाय्ल- नाद नाय कर्राय्यच्चा.
झक्कास्स्स!!