Skip to main content

आम्रखंड

लेखक Mrunalini यांनी गुरुवार, 14/04/2016 या दिवशी प्रकाशित केले.
साहित्यः ग्रीक दही = १ किलो आंब्याचा पल्प = ५०० ग्रॅम पिठीसाखर = ४५० ग्रॅम मिक्स ड्रायफ्रुट्स = १/४ वाटी किंवा आवडीनुसार विलायची पावडर = १/२ चमचा केशर = ४-५ काड्या मिठ एक चिमटी कृती: १. दही एका फडक्यात बांधुन रात्रभार टांगुन ठेवावे, त्यामुळे त्यातील सगळे पाणी निथळुन जाईल. २. एका बाऊलमधे हे दही घेउन त्यात आंब्याचा पल्प टाकुन निट मिक्स करुन घ्यावे. p1 p1 p1 ३. ह्यात पिठीसाखर टाकुन परत एकत्र करावे. तुम्ही आवडेप्रमाणे साखरेचे प्रमाण कमी जास्त करु शकता. p1 ४. ह्यामधे मिक्स ड्रायफ्रुट्स, केशर, विलायची पावडर व एक चिमटी मिठ टाकुन एकत्र करावे. ५. सर्व निट मिक्स करुन बाउल १-२ तासासाठी फ्रिज मधे ठेवुन द्यावे. p1 ६. तुम्ही हे आम्रखंड पुरीसोबत किंवा नुसते serve करु शकता. p1 p1
वाचने 18400
प्रतिक्रिया 36

प्रतिक्रिया

अजया गुरुवार, 14/04/2016
लैच भारी.लवकरात लवकर मृ ला भेटणे आले ;)

सविता००१ गुरुवार, 14/04/2016
सुरेख गं मृ.

रेवती गुरुवार, 14/04/2016
मस्त दिसतय आम्रखंड. माझा भयंकर आवडता खाद्यप्रकार आहे. मृ, असे फोटू देणं बरं नव्हे. मनाची वाईट अवस्था होते.

रुपी शुक्रवार, 15/04/2016
अतिसुंदर :) तो पुर्‍यांबरोबरचा फोटो तर फारच भारी! आम्रखंड तर छानच आहे, पण समोर असते तर पुरीसुद्धा लगेच उचलून खाल्ली असती. सुट्टीच्या दिवशी एखाद्या बागेत जाऊन आम्रखंड, पुरी आणि बटाट्याची भाजी खाणे ही माझी सुखाबद्दलची व्याख्या :) तो चक्का चाळून नाही घेतला तर त्यात छोट्या गुठळ्या नाही राहत का?

स्रुजा शुक्रवार, 15/04/2016
वाह वाह .. मी पण येताना चितळ्यांचे आमरसाचे पॅक्स घेऊन आले आहे. नक्की करेन :) अगदी योग्य वेळेवर दिली आहेस रेसिपी. फोटो तर फार च सुंदर.

नाखु शुक्रवार, 15/04/2016
घरी चक्का आणून श्रीखंड आणि आम्रखंड बनविले नाही. तूर्तास चितळे/वारणा/स्फुर्ती झिंदाबाद चालू आहे. कधीकाळी भांड्याने चक्का फेटून हतबल* झालेला नाखु. याव्र सतत चक्का फेटल्याने खरेच हातातील बल आगदी निघून जाते. अति अवांतर : जिभल्या पाक्रु

तुषार काळभोर शुक्रवार, 15/04/2016
गुढीपाडव्याला देसाईबंधूंचं आम्रखंड पुरीबरोबर खाल्ल्याने (विथ यलो बटाटा भाजी) बिलकूल त्रास झाला नाही. (आता अक्षय तृतियेला आमरस!)

नूतन सावंत शुक्रवार, 15/04/2016
आहा!

मदनबाण शुक्रवार, 15/04/2016
आहाहा... :) { पण फोटू पाहुन लयं त्रर्रस्स्स झाला. }

मदनबाण.....

आजची स्वाक्षरी :- राम का गुणगान करिये, राम का गुणगान करिये। राम प्रभु की भद्रता का, सभ्यता का ध्यान धरिये॥ :- Pt.Bhimsen Joshi & Lata Mangeshkar

श्रीरंग_जोशी शनिवार, 16/04/2016
ग्रीक दही नेहमीच्या दह्यापेक्षा थोडं अधिक घट्टं असतं. फोटो जालावरून साभार. एकदम तोंपासु पाकृ. सादरीकरण एकदम झकास आहे :-) .

सस्नेह शनिवार, 16/04/2016
खरं तर आम्रखंड आवडत नाही, पण फोटो बघून खावंसं वाटलं !

नाना स्कॉच शनिवार, 16/04/2016
ह्याच प्रकारांमुळे वेटलॉसचा बॅण्ड वाजतो आमच्या!! ह्या धाग्याकडे पहायचे सुद्धा नाही असे ठरवले होते.... पण.. आता आम्रखंड बनवून/आणून चापणे आले ओघाने! ख़ासकरुन ते उत्तम फ़ोटो म्हणजे दुष्टपणाची सीमा आहेत !! :)

अनन्न्या शनिवार, 16/04/2016
आम्रखंड खायचे नाही असे ठरवून फक्त त्या वेगळ्या वस्तू पाहिल्या. सध्या आमरस रोज सुरू झाल्याने त्यावरच ताव मारणार महिनाभर!

त्रिवेणी शनिवार, 16/04/2016
काय खतरी दिसतेय आम्रखंड. मला फ़क्त आणि फ़क्त वारणा आवडते.आणि डॉ आता तेल कमीच् करतील रोजच्या भाजीचे ही.गेले ते दिवस पूरी वैगरे खायचे.