देव म्हणजे प्राचीन परग्रहवासी होते का?

सर्व मिपाकरांना नमस्कार.मी मिसळपावची गेल्या एक वर्षापासून नियमित वाचक आहे. आपणाला मी नवीन असेल, पण मी मात्र बऱ्याच जणांना ओळखते, काही दिवसांपूर्वीच खाते उघडले. आज धाडस करून धागा पाडते आहे. सूरवंट यांच्या या धाग्यामध्ये त्यांनी पिरामिड आअनि क्रोप सर्कल संबंधी प्रश्न विचारले होते, उत्तरे मिळाली नाहीत. इंटरनेटवर यासाठी खूप उत्तरे सापडतात, पण ती कळायला अवघड आहेत. सरळ, कळायला सोप्या अशा भाषेत सांगता आले तर बघा. १. पिरामिड प्राचीन एज्य्प्शिअन लोकांनी बांधलेच कसे? म्हणजे दहा-बारा हजार किलो वजनाचे वीस लाख दगड ५०० किलोमेतेर्वरून आणून भौमितिक दृष्ट्या शंभर टक्के बरोबर अशी ५०० फुट उंच इमारत त्यांनी बांधलीच कशी? पिरामिड बांधण्यात त्या लोकांची मदत देवांनी केली होती अशा अर्थाच्या कथा तिथल्या स्थानिक लोकात खुप आहेत म्हणे, हे देव म्हणजे त्या काळात प्रथ्वीवर आलेले परग्रहवासी असावेत काय? https://en.wikipedia.org/wiki/Ancient_astronaut_hypothesis २. पिरामिड म्हणजे फक्त एक थडगे आहे, त्याकाळच्या शेतीवर जगणाऱ्या लोकांना एवढे अफाट आणि अवाढव्य थडगे बांधायची गरज का भासली असावी? पिरामिड चा वापर रासायनिक पद्धतीने वीज तयार करण्यासाठी केला जाऊ शकतो. असे काही शास्त्रज्ञांनी प्रयोगशाळेत सिद्ध केले आहे, यात काही तथ्य आहे का? http://www.amazon.com/Giza-Power-Plant-Technologies-Ancient/dp/1879181509 http://gizapower.com ३. क्रोप सर्कलचे रहस्य काय आहे? ४. रामायण, महाभारत खरेच घडले असण्याची शक्यता किती आहे? ५. दि लाइन्स ऑफ नाझ्का कशासाठी बांधल्या गेल्या असाव्यात? फक्त आकाशातूनच काही कॆलोमेतेर्स वर गेल्यानंतर पाहिली जाऊ शकेल अशी एखादी लाखो चौरस फुटाची आकृती पृथ्वीवर राहणाऱ्या लोकांनी का काढली असेल? https://en.wikipedia.org/wiki/Nazca_lines ६. माणूस हा प्राणी इतर प्राण्यांच्या तुलनेत खूपच जास्त बुद्धिमान आहे, असे का? माकडाच्या (किंवा तस्तम प्राण्याच्या) डीएनए मध्ये या प्राचीन परग्रह वासियांनी काही जनुकीय बदल करून माणूस हा प्राणी निर्माण केला अश्या अर्थाचेही भरपूर काही वाचण्यात आले आहे. संपूर्ण सात अब्ज लोक वेगवेगळ्या धर्मातून आपल्याला ज्या देवाने बनवल्याची गोष्ट सांगतात, ते देव हेच का? असे काही झाले असल्याची काही शक्यता आहे? आणखीनही खूप प्रश्न आहेत, तूर्तास एवढेच! धन्यवाद!