कळण (अत्यंत पौष्टिक)

विवरण: हि पाकृ. खूप पौष्टिक आहे कारण कळण हे मटकी शिजवलेल्या पाण्या पासुन केले जाते आणि मटकी शिजवल्यावर त्यातिल सत्व पाण्यात राहते. विशेषतः लहान मुलांना हे पचण्यास हलके आहे. साहित्य: भिजवलेली मटकी पाव किलो ओले खोबरे १/२ वाटी ताक १/२ वाटी (ताक आंबट नसावे) लसुण ४पाकळ्या तुप १ चमचा जिरे १/२ चमचा हिंग १/४ चमचा मिरचि १ कडिलिंब मीठ ,साखर चविनुसार कोथिंबीर कृति: भिजवलेली मटकी कुकर मध्ये शिजवुन घ्यावी मटकीतील पाणी काढुन घ्यावे (उरलेल्या मटकीची उसळ /मिसळ करावी ) त्या पाण्यात ताक मिसळावे नंतर त्यात खोबरे मिसळावे मीठ ,साखर घालावे नंतर त्यावर तुपाचि जिरे,हिंग, मिरचि,कडिलिंब,लसुण घालुन फोडणी करुन घालावी. मग कणळ उकळावे. वरुन कोथिंबीर घालावी . गरमा गरम प्यावे. अथवा भाता बरोबर खावे.