नाडीग्रंथ ताडपट्टीच्या त्या फोटोचे इतके महत्व ते काय ?

आपला, (चट्टेरीपट्टेरी चड्डीची नाडी चांगली घट्ट आवळून बांधणारा) तात्या. (हो, नायतर तिच्यायला सुटायची आणि पब्लिकला 'विश्वरूप दर्शन' व्हायचं! ) =)) =)) =)) सतीश गावडे मी शोधतो किनारा...

ज्योतिषात पत्रिकेवरून व्यसनाधीनता बघता येते, तसेच व्यसनमुक्ती होण्याचि शक्यता देखिल आजमावता येते, पण त्याचा आकडेवारीनिशी अभ्यास करायचा झाल्यास, व्यसनमुक्ती केन्द्रात दर महिना शेकड्याने ट्रिटमेण्ट घेणार्‍या व्यक्तिन्च्या कुन्डल्यान्चा अभ्यास करावा लागेल! जमल्यास व्यसनातून बाहेर न पडलेल्या व्यक्तिन्च्या कुन्डल्या तपासाव्या लागतील. व्यक्तीला वेड लागेल (वेडाचे झटके अथवा पूर्ण वेड) किन्वा कसे हे देखिल पत्रिका तसेच हातावरील रेषान्वरुन सान्गता येते, पण त्यात अधिक अचूकता येण्यास, आधीपासूनच वेडे झालेल्या असन्ख्य लोकान्च्या पत्रिकान्चा तौलनिक अभ्यास करावा लागेल! त्यासाठी वेड्यान्च्या इस्पितळान्चे, मनोवैज्ञानिक/मानसिक उपचार देणार्‍या डॉक्टरान्चे सहाय्य लागेल तथाकथित विज्ञानवादी, या गूढ विद्या ही "शास्त्रे" नाहीतच या पूर्वगृहितकाने भारावून, आणि असे हे अभ्यासाचे कष्ट करण्याऐवजी, "आम्ही अमुक तमुक तेवढ्या पत्रिका देतो, सान्गा तुम्ही", अशा तर्‍हेची आव्हाने देत रहातात! या दोन्ही विधानांमधला विरोधाभास तुला जाणवला नाही का? जर तथाकथीत विज्ञानवाद्यांना पत्रीका/कुंडल्या बघता आल्या असत्यातर नक्कीच ही वेळ आली नसती. सोपं उदाहरण सांगतो. एखाद्या नवीन उपकरणात (डिजीटल कॅमेरा) एक नवीन सोय आहे . ही सोय आधीच्या उपकरणात नव्हती. विक्रेता किंवा तंत्रज्ञ मला ती सोय समजाऊन सांगतो आहे. माझ्यात आणि त्याच्यात पुढील संभाषण होतं. (अविश्वास का कुतुहल - थोड्यावेळ बाजूला ठेऊ). तो: आता बघा साहेब. या तुम्ही ही गोष्ट करू शकता.... मी: खरं सांगताय (? !) तो: आहो खरंच! मी: दाखवा बघु करून.... कदाचीत विक्रेता करून दाखवेल किंवा मला मॅन्युअल मध्ये (माहिती पुस्तीकेत) वाचून स्वतःच करायला सांगेल. हे झालं छोट्या पातळीवर. हेच जरा मोठ्या पातळी वर पाहिल्यास... उपकरण कदाचीत खूपच मोठं आणि किचकट असेल तर मला शिकायलाच खूप वेळ लागेल. मग मी दुसर्‍यालाच (विक्रेता, तंत्रज्ञ किंवा इतर कोणी ज्या ते येते) ती गोष्ट करून दाखवायला सांगणार ना. तेच ज्योतीषांच्या बाबतीतही होतं आहे. शिवाय दुसरा सुप्त हेतू असा आहे की तथाकथीत विज्ञानवाद्यांनी निकालाच्या बाबतीत फेरफार केली हा आरोप होऊ नये. आता काही लोकांनी ज्योतीष शास्त्राचा अभ्यास करून आपले निष्कर्श मांडले ही आहेत. (आपले घाटपांडे काका). तथाकथीत विज्ञानवादी महेश हतोळकर

बोला अनंत छंदी गूगलवरून. माझे नवे पुस्तक नाडी ग्रंथ भविष्य - चला नवग्रह यात्रेला वाचलेत का त्यात यावर विषयावर काही लेखन केले गेले आहे. नंतर फोनवरूनही रात्री ९ नंतर संपर्क होऊ शकतो. मो ९८८१९०१०४९. शशिकांत

मी व माझ्या सारखे अनेक नाडी ग्रंथ प्रेमी - त्यात डॉ. विजय भटकांरांसारखे विज्ञानवादीही येतात - नाडी ग्रंथांच्या ताडपट्ट्यांचे शोध कार्य करायला पुढे या. परदेशातील तज्ञलोक शोधाभ्यास करतायत तर मग आपण भारतीय भाषातज्ञ, हस्तलेखनतज्ञ, प्राच्यविद्या अभ्यासी, ज्योतिषाचे जाणकार यांसह विज्ञानवादी म्हणवून घेणाऱ्या तज्ञांनी ही ते करावे असे आवाहन मी करतोय. त्याला नाके मुरडून कोणीही पुढे येत नाही. - नाडी ग्रंथभविष्य थोतांड आहेत- असे सारखे म्हणण्याने काही साध्य होणार नाही.

१. माझ्यामते या विचारांना आधीही इतर धाग्यांवर उत्तर दिलेलं आहे, इथेही दिलेले आहे तरीही पुन्हा आणखी सुस्पष्ट उत्तर देण्याचा प्रयत्न करते, थोडंसं स्वत:चं उदाहरण वापरुन! आठवड्याचे कमीतकमी पंचेचाळीस तास मी स्वतःच्या नोकरीत प्रत्यक्ष काम करते. घरी असताना अर्धा वेळ माझं डोकं त्याच, कामाच्या विचारात, असतं तेव्हा उरलेल्या वेळात थोडी मौजमजा करावी असा स्वाभाविक विचार डोक्यात येतो आणि त्यावर अंमलबजावणीही होते. इथल्या बर्‍याचश्या लोकांना विचारलंत तर तेही तेच सांगतील, आकडे थोडेफार बदलतील एवढंच. कोणत्याही विषयावर संशोधन करायचं तर, 'चला आता चार दिवस सुट्टी आहे आता काय ते बघूया; आणि नाही झालं तर पुढच्या वर्षी नाताळात सुट्टी मिळेल तेव्हा बघू', असं म्हणून संशोधन होत नाही (स्वानुभव). तेव्हा जो कोणी काम करत आहे त्याला, तिला, त्यांना प्रश्न विचारुन उत्तरं मिळवणं एवढंच हातात रहातं. शिवाय व्यक्तिगत आवड हाही एक भाग असतो. म्हणजे मला संगणक आणि आंतरजाल या गोष्टी अन्न-पाण्याएवढ्या महत्त्वाच्या वाटतात. पण म्हणून संगणकाचा डब्बा उघडून आत काय आहे हे मी शोधलं पाहिजे असा हट्ट का? संगणक कसा वापरायचा एवढं माहित असणं माझ्या दृष्टीने पुरेसं आहे. ओकसाहेब, आपल्याला आवड आहे या विषयाची आपण काम करा, पण बाकीच्यांनीही ते काम कराच असा हट्ट का? आणि आपणच विषय समोर मांडलात म्हणून प्रश्न आले, शंका आल्या आणि कुशंकाही आल्या. बरं कोणी आपण संशोधन बंद करावंत असाही जाहीर आग्रह दिसला नाही. तेव्हा नाकं मुरडत आहेत त्यांना मुरडू देत! भारतानी चांद्रयान का पाठवलं म्हणून नाकं मुरडणारेही आहेत, म्हणून काय 'इस्रो' ते काम बंद करते का? पण एखादा विषय मांडला आणि तो जर तार्किक वाटला नाही तर लोकं प्रश्न विचारणारच नाही का? (आणि आम्ही मिपाकर अंंमळ टवाळ आहोत, तेव्हा टवाळी फार गंभीरपणे घेऊ नका.) आता प्रश्नांना उत्तर येत असतील तर उत्तरं देता येतात, नसतील उत्तरं तर नाही मला माहीत नाही, किंवा यावर अजून काम झालेलं नाही यापैकी जे योग्य उत्तर आहे तेही देता येतं ना? (आजपर्यंत मला आपल्या लेखांमधे आणि प्रतिसादांमधे लोकांनी विचारलेल्या बहुतांश प्रश्नांची उत्तरं दिसली नाही आहेत.) २. समजा उद्या मी असं म्हटलं की मी ज्या क्षेत्रात काम करते त्या क्षेत्रातलं (आजतरी) दुसरं कोणी मिपावर नाही, तेव्हा मी जे काय म्हणते तेच प्रमाण आणि काहीतरी तार्किक कसोटीवर न पटणारं विधान केलं तर तुम्ही तरी ते मान्य कराल का? आणि डॉ. विजय भटकर यांच्याबद्दल मला आदर आहे, पण त्यांचा या विषयावरचा अभ्यास किती? त्यांचा संदर्भ देऊन कोणी संगणकाच्या संरचनेचा दाखला दिला मी त्यावर संशय घेणं कठीण आहे, पण हा विषय आणि डॉ. भटकर ही भेळ पचत नाही हो! आणि शिवाय कोणी दुसरा म्हणतो म्हणून विश्वास ठेवा असं कसं चालेल? तर्कशुद्ध आणि पटेलसं कारण दिलं तर कोणीही विचारी माणूस सहज मान्य करतोच ना! जसं त्या पट्ट्यांवर कूट लिपी आहे आणि तिचा अभ्यास झाला पाहिजे, १००% मान्य. जे माहित नाही त्यावर काम करुन ती गोष्ट माहित करुन घेतली पाहिजे हा विचार तार्किक आहे, त्यामुळेच लगेच मान्य करण्यासारखा आहे. ३. मागच्या धाग्यात आपण म्हटलेलं होतं आणि धनंजयनी सहमतीही दाखवली होती त्याप्रमाणे, जुने दस्तऐवज आहेत त्यांच्यावर संशोधन केलं पाहिजे, त्यातलं जे काही अद्भुतरम्य गूढ असं आत्ता दिसतंय त्याचा उलगडाही झाला पाहिजे. पण आपणच म्हणतात की यात संशोधनाची गरज आहे तर नाडीभविष्य या गोष्टीत खरोखर काही तथ्य आहे हे कसं मानायचं? हे म्हणजे एकीकडे रस्त्यावर डांबराचा वास येतोय, रोलर फिरत आहेत आणि दुसरीकडे "बघा आमचा स्वच्छ, सुंदर, गुळगुळीत रस्ता" असं म्हणायचं हे कसं हो मान्य होणार? आमच्या डोक्यात 'सेगमेंटेशन फॉल्ट' येतो ना! ४. भविष्य खरं न ठरल्याचं उदाहरण वरती अनंत फंदींनी दिलं आहे. त्याला आपण काही जाहीर उत्तर दिलेलं नाही. तर मग नाडी ज्योतिषावर विश्वास ठेवणं कठीणच होणार ना? मी मान्य करते की मला यातलं काही माहीत नाही; म्हणूनच मी कोर्‍या पाटीने, उघड्या डोळ्यांनी आणि डोकं सुरू ठेवून हे सगळं वाचलं तर मला काहीही विश्वासार्ह सापडत नाही, कूट तमिळचा अभ्यास झाला पाहिजे एवढं एक 'अनुमान' वगळता! आता माझ्या या विधानांना, प्रश्नांना तुम्ही उत्तर द्याल (नेहेमीप्रमाणे बगल न देता) अशी अपेक्षा! (नाडी, इलास्टीक, पट्टा, वन-पीस, ग्रह, तारे, ताड, ताडी, ताडन काहीही वर्ज्य न मानणारी, तर्कट) अदिती अवांतरः १. राहून राहून डोक्यातला नाडीची गाठ सुटत नाही! पट्टीला नाडी का म्हणतात आणि शोधून शोधून हाच शब्द का बरं निवडला असेल?? :? २. तुमच्या पुस्तकांच्या नावांची यादीही मागे एकदा मी विचारली होती. इतर प्रतिसादात एक दिसलं आहे. तेव्हा कृपया पुस्तकांची नावं आणि पुण्यात किंवा ठाण्यात कुठे मिळतील हेही सांगितलंत तर बरं. इंटरनेटवर मागवून ऑफिसपोच मिळत असतील तर अतिउत्तम (अवांतरप्रेमी, आळशी आणि इंटरनेट-शॉपिंगप्रेमी)अदिती

या नाडीवाल्यांनी फक्त सहा सात अब्ज+ नाड्या ठेवलेलं गोदाम कुठे आहे हे दाखवावे. की माणूस समोर आला की पट्टीवरचं भविष्य बदलतं? की एखादा अंधश्रद्धाळू माणूस आला की हे नवीन नाड्या तयार करतात? कि काहिही वाचून दाखवतात (नाहीतरी ते कूट तामिळ तामिळीला पण समजत नाही)