कोणता शब्द बरोबर्..."चिटकवले" की "चिकटवले"

इतर किंवा दोन्ही हे पर्याय उपलब्ध नसल्यामुळे मतदान केले नाही. असो, दोन्ही शब्द वापरात असल्यामुळे चूक किंवा बरोबर हा प्रश्न निर्माणच होत नाही. दोन्ही बरोबर, हेच खरे उत्तर. Doing what you like is freedom. Liking what you do is happiness.

चिकट वरुन चिकटवले त्यामुळे दुसरा पर्याय योग्य वाटतो.

चिकटवलेला मत दिले.

पदार्थ चिटक असेल अथवा माध्यम चिटक असेल तर चिटकवणे बरोबर. पदार्थ चिकट असेल अथवा माध्यम चिकट असेल तर चिकटवणे बरोबर. अर्थ समजला म्हणजे झाले. असा अजून एक पर्याय संभवतो. चिकटले म्हणजे झाले असाही एक पर्याय संभवतो. :) मी चिकटवणे असा शब्द प्रयोग करतो. -- लिखाळ. माझी अनुदिनी 'काहीतरी कुठेतरी चुकते आहे.' असली वाक्ये आपल्या 'सूक्ष्म' विचारशक्तीची बतावणी करायला उपयोगी पडतात.

(|: हा कौल कशाला घेतला आहे? चिकटवणेच बरोबर आहे. पण "चटईला टाचणी टोचली" किंवा "कच्चा पापड पक्का पापड" म्हणताना जे होते ते होवून चिटकवणे होत असावे.

जेंव्हा एखाद्या 'चिकट' पदार्थाच्या मदतीने एक वस्तू दूसर्‍यावस्तूला 'चिकटवली' जाते तेंव्हा 'चिकटवणे' असा शब्द वापरतात. जसे 'पाकीटाला स्टँप चिकटविणे'. 'वहीत कात्रणे चिकटवणे.' 'भिंतीवर पोष्टर चिकटवणे.' पण, 'चिकट' पदार्थाच्या मदतीशीवाय जेंव्हा एखादी गोष्ट 'चिटकवली' जाते तेंव्हा 'चिटकवणे' म्हणतात. जसे, 'एखाद्याला नोकरीस चिटकवणे.' 'दूर सरक. उगीच चिटकून बसू नकोस' (आई आपल्या लहान मुलाला म्हणतेय, हो!) 'उगीच खोटे आरोप त्याच्या नावाला चिटकवू नकोस.' निष्कर्ष म्हणजे मेंदू थकल्याचे लक्षण!

`चिटकवणे' हा अपभ्रंश आहे. चिकट, चिकटवणे, हे मूळ शब्द आहेत.

नेहेमी 'चिकटवले' असाच शब्द वापरतो. माझासाठी तोच बरोबर वाटल्याने चिकटवले ला मत दिले आहे.

हाच शब्द मूळ असावा. हा मराठी शब्दकोषातला दुवा पहा. त्यात मला 'चिटकवणे' असा शब्द आढळला नाही. कदाचित बोली भाषेत हा बदल झाला असावा. दोन्ही शब्द वापरले जातात पण मी व्यक्तिशः चिकटवणे असा वापरतो त्यामुळे त्यालाच मत दिले आहे. पेठकरकाका, फक्त कागद, स्टँप वगैरे चिकटवायचा असेल तरच चिकटवणे असा शब्द नाही मी (बहुदा पुलंच्या लेखात चूभूदेघे.) वाचले आहे "तो मॅट्रिक झाल्यावर जो पोष्टात चिकटला तो अगदी पाकिटाला लावलेल्या स्टँपासारखा!" चतुरंग

चिकट - चिकटवणे हेच बरोबर आहे. चिटकवणे हा चुकीचा शब्द आहे पण तरिही लोक बोलताना वापरतात. जसे आमच्या गावाकडे 'डुलकी लागली' ह्याला लोक 'डुकला लागला' म्हणतात , 'इलाज' ला 'विलाज' म्हणतात तसेच. >>पण, 'चिकट' पदार्थाच्या मदतीशीवाय जेंव्हा एखादी गोष्ट 'चिटकवली' जाते तेंव्हा 'चिटकवणे' म्हणतात. जसे, 'एखाद्याला नोकरीस चिटकवणे.' 'दूर सरक. उगीच चिटकून बसू नकोस' (आई आपल्या लहान मुलाला म्हणतेय, हो!) हे काही पटले नाही बॉ. आम्ही तर 'ह्याला नोकरीला चिकटवला' , 'चिकटून बसू नकोस' असेच म्हणतो .

आम्ही तर 'ह्याला नोकरीला चिकटवला' , 'चिकटून बसू नकोस' असेच म्हणतो होय. बहुतेक जणं तसेच बोलतात. (मीही कधी कधी बोलतो) पण माझ्या मते इथे 'चिटकवणे' शब्दप्रयोग योग्य आहे. निष्कर्ष म्हणजे मेंदू थकल्याचे लक्षण!

तसेच 'बादली' आणि 'बालदी' असाही एक घोळ आहे. निष्कर्ष म्हणजे मेंदू थकल्याचे लक्षण!

सुहास, तूसुद्धा अंमळ वेडझवच दिसतोस. अरे कुठलाही शब्द वापर ना! काय फरक पडतो? माझ्या मते दोन्ही शब्द बरोबर! आपला, (भाषातज्ञ) तात्या.

वाईट वाटायला नको कुणा एका शब्दाला

चिकट वरुन चिकटवले हाच शब्द बरोबर! चिटकवले हा शब्द अशुद्ध हे! जसे की पिशवी ऐवजी पिवशी वगैरे आपला, लिम्बुटिम्बु (मायबोलीवरुन विनाभार ट्रान्स्फर) :D :P

डकवणे हा शब्द वरील दोन शब्दाना पर्याय म्हणुन वापरु. वेताळ

असेच काही घोळ. नोकरी हा शब्द नौकरी, पारंपरिक हा पारंपारिक, ड्युटी- डिवटी असा सर्रास उच्चारला जातो. आणखी एक शंका. प्रश्न हा शब्द उच्चारताना त्याचा उच्चार साधारणपणे प्रश्ण असा होतो. मग तो लिहिताना प्रश्न असा का लिहिला जात असावा? प्राध्यापक 45 मिनिटात सोपा विषय अवघड करून सांगतो. पत्रकार तेवढ्याच वेळात अवघड विषय सोपा करून सांगतो. (असं आपलं म्हणायचं) (भोचक) आमचा भोचकपणा इथेही सुरू असतो... http://bhochak.mywebdunia.com/

अहो, मराठीवर बलात्कार करणारे तसे बरेच आहेत. वर ,ती अशुध्द भाषाच बरोबर आणि तुमची पुणेरी चुकीची ,असे सांगणारे महाभागही आहेत! या कलियुगांत हेच अपेक्षित आहे.

चला बालदी बरोबर का बादली हा कओल टाकावा म्हणतो! :) मत दिलेले नाहि -(गोंधळलेला) ऋषिकेश