जगावं की मरावं हा एकच सवाल... कराव्या या वैद्यकीय चाचण्या, की फेकुन द्यावं हे........

प
प्रसाद भागवत यांनी
 ·  लेख
लेख
माझा थोडेफार आकलन आणि अनुभवाचा विषय सोडुन येथे लिहिण्याची ही पहिलीच वेळ, सहाजिकच येथे भर माहिती 'शेअर' करण्याऐवजी माहिती गोळा करणे, शंका निरसन करुन घेणे यावर आहे ( कोण रे ते तिकडे हुश्श्श...म्हणाले??) समजायला लागल्यापासुन मी दरवर्षी सर्वसामन्य स्वरुपाच्या वैद्यकीय चाचण्या करुन घेत आलो आहे. याशिवाय कुटुंबातील अनेक सद्स्याच्या आवश्यक चाचण्यांही वेळप्रसंगी होतच असतात. चाचण्याचे बाकीचे स्वरुप काहीसे तेच असले तरीही गेले काही वर्षे व्हीटॅमिन B12 वा D3 या चाचण्या करुन घेण्यावर भर आहे असे दिसते...संशयास जागा महणजे नेमक्या याच चाचण्या अन्य नियमित चाचण्यांच्या तुलनेने महागही आहेत. गेले अनेक वर्षांत आमच्या कोणातही न आढळ्लेल्या ही B12 वा D3 ची कमतरता हल्ली वारंवार अधोरेखित होते. एवढेच काय मी केलेल्या चर्चे अंती अनेक लोकांना हाच अनुभव आला आहे असे समजते. माझ्या परिचित एक डॉक्टरांच्या मते ह्या तपासणीऐवजी सरळ B12 वा D3 कमतरतेव्र्रेल गोळ्या घेतलेल्या उत्तम, तसेही ही व्हिटॅमिन्स अतिरिक्त स्वरुपांत शरिरात साठुन रहात नाहीत मग एकदा ही 'टेंडन्सी' माहित झाल्यावर या टेस्ट्वारी अनावश्य्क पैसे का घालवावे?? असा त्यांचा दृष्टिकोण आहे. एकीकेदे सर्वसामान्य तपासण्यांच्या यादीत ही 'घुसखोरी' म्हणावी तो दुसरीकडे अनेक डायग्नोस्टीक सेंटर्सनी प्रचंड जाहिरातबाजी करुन व अगदी MLM सारख्या पद्धती वापरुन 'Preventive Checkup' ची अनेक पॅकेजेस विकण्याचा तडाखा लावला आहे. टोमोग्राफी, ॲजिओग्राफी, M.R.I, कॅरोटिड आर्ट्रीलरी सारखी नावे ( काही चुकले असल्यास माफी असावी) तोंडावर फेकुन हे मार्केटिग एजंटस (जे बहुतेकदा नॉन मेडीको असतात) समोरच्याला आधी गांगरवतात, नंतर घाबरवतात आनि मग आम्ही हे सारे ईतरांपेक्षा कसे स्वस्त देतो असे सागुंन 30/35 हजाराचे 'Preventive Checkup' पॅकेज त्याच्या गळ्यात मारतात.. ठराविक काळाने आपले मेडिकल चेक-अप करायलाच हवे यात अजिबात दुमत नाही मात्र एखाद्या विषयातील कोणतीही प्राथमिक तपासणी (उदा ECG) न करता थेट डॉप्लर वा ॲजियोग्राफी करणे कितपत आवश्यक आहे?? मागे एकदा मी या वैद्यकिय चाचण्यांसंदर्भात एक लेख ( बहुधा पुण्यातील डॉ. अनंत फडके यांचा, पण खात्री नाही) वाचला होता ज्यांत यतील कोणतीच चाचणी 100% अचुक नसते व अगदी ठणठणीत, निरोगी अशा 100 लोकांच्या ह्या चाचण्या केल्यास त्यातील काही निरोगी लोकांच्या reports मध्येही अनियमितता दिसुन येतील.... असा काहीसा युक्तीवाद होता. असो. येथील डॉ खरे आणि वैद्यकिय विषयांतील अन्य तज्ज्ञ् (हा शब्द असाच का लिहितात??) माझे गैरसमज दुर करतील आशी आशा बाळगतो.
वर्गीकरण
25762 वाचन
💬 प्रतिसाद (71)

प्रतिक्रिया

विवेक ठाकूर
Tue, 01/12/2016 - 10:42 नवीन
एकदम प्रॅक्टीकल सल्ला डॉक्टर! जेथे उपचार चाचणीपेक्षा स्वस्त आणि कमी कटकटीचे आहेत तेथे चाचणी करण्यात काय हशील आहे? छातीत दुखत असेल तर उगाच तर्क वितर्क करत बसण्यापेक्षा डॉक्टर कडे जाऊन इ सी जी करून घेणे चांगले. तसेच तपासणी न करता औषध घेणे हे चुकीचेच ठरेल. माझा आशय तोच होता पण तुम्ही तो योग्य शब्दात मांडलाय. थँक्स !

पिलीयन रायडर
Tue, 01/12/2016 - 14:33 नवीन
तर सारांश असा की १. रोज ११-१ च्या उन्हात १५-३० मिनिट बसायला हवे. (माझ्या माहिती प्रमाणे १/३ त्वचा सुर्यप्रकाशात असायला हवी.) प्रश्नः- रोज नाही जमणार, पण वीकेंडला तासभर उन्हात व्यायाम वगैरे केला तर जमु शकेल का? २. सप्लिमेंट्स घेऊनही फार अपाय होत नाही. प्रश्न :- मग तशा आरोग्याच्या बारिक सारिक कुरबुरी करिता कॅलशियम, डि३ आणि बी१२ च्या गोळ्या घेतल्या तर चालतील का? चालत असतील तर प्रमाण काय असावे? ३. एका घटकाला शरीरात काम करायला अजुन २५ घटक लागतात. ही फारच तारेवरची कसरत आहे. प्रश्नः- आहारात नक्की काय असणे आवश्यक"च" आहे?

सुबोध खरे
Tue, 01/12/2016 - 18:45 नवीन
आठवड्यात तीन वेळेस तरी आपल्याला ३०-३५ मिनिटे उन्हात फिरणे आवश्यक आहे. चेहर्याला आणि हाताला सन स्क्रीन न लावता. हे शक्य नसेल तर D ३ च्या गोळ्या चालू करा. शरीराच्या कुरबुरी त्यामुळेच आहेत हे नक्की करून घ्या अन्यथा कुर्बुरींचे कारण वेगळेच असेल तर D ३ आणी B १२ घेऊन कुरबुरित सुधारणा होणार नाही. चौरस आहार घ्या. आणी बाकी शरीरावर सोडून द्या. आपला टी व्ही बिघडला तर त्यातला कुठला आय सी बिघडला आहे याचा डोक्याला त्रास करून घेता का? तसेच या गोष्टी तुमच्या फामिली डॉक्टर वर सोडा. महत्त्वाची गोष्ट-- जो माणूस जालावर आहे तो काही निम्न वर्गीय नाही निदान मध्यम वर्गीय आहे. आणी मध्यम वर्गीयाला जर एवढ्या अन्न घटकांची कमतरता पडली तर गरीब आणी रस्त्यावर राहणारी माणसे रोगीष्टच व्हायला पाहिजेत. तसे होत नाही. याचा अर्थ काय निसर्ग आपले काम करीत असतोच. आपण फक्त आपल्या आहारात सर्व तर्हेचे अन्न घटक आहेत एवढे बघून घ्या. मी माझ्या कडे येणाऱ्या गरोदर स्त्रियांना ज्यांना आपल्या बाळाचे पोषण नीट होत आहे कि नाही अशी शंका असते त्यांना एक उदाहरण नेहमी देतो असे नाही कि अंबानींच्या घरात ५ किलोची मुले जन्म घेतात( नंतर त्यांचे अति पोषण होऊन विशालता येते ते वेगळे) आणी गरीबाच्या घरी दीड किलोची मुले जन्माला येतात. तेंव्हा आपण फक्त आपल्या आहारात सर्व तर्हेचे अन्न घटक आहेत एवढे बघून घ्या.बाकी सर्व निसर्गावर सोपवा.

प्रसाद१९७१
Wed, 01/13/2016 - 17:19 नवीन
डॉक्टर साहेब - तुमच्या एथिक्स मधे बसत बसत असेल तर D ३ च्या गोळ्यांचे नाव इथे सांगाल का? अजुन १-२ प्रश्न ------------------- तसेच पिराताईंनी विचारल्या प्रमाणे काही कुरबुर असो वा नसो, D ३ आणी B १२ च्या सप्लिमेंट घेतच राहीले तर चालेल का? आणि अश्या अजुन काही सप्लिमेंट गोळ्या आहेत का की ज्या कायम घेतच रहावे. जर ह्या प्रश्नाचे उत्तर हो असेल तर गोळ्यांची नावे आणि ४० वर्षाच्या स्त्री / पुरुषाला काय डोस घ्यावा लागेल. ------------------- ११ ते दुपारी १ चे उन भारतात तरी बर्‍यापैकी त्रीव्र असते., हे ११ ते १ चे टायमिंग युरोप साठी आहे का?
↩ प्रतिसाद: सुबोध खरे

सुबोध खरे
Wed, 01/13/2016 - 21:03 नवीन
D SOL ६० K, CALCIROL GRANULES, TORFLASH TABLETS यातील कोणतीही चालेल. ११ ते १ हा हिवाळ्यातील( सध्या आहे म्हणून ती वेळ दिली आहे) कालावधी आहे. उन्हाळ्यातील वेळ ९ ते ११ अशी आहे. या काळात आपण एका जागी उभे राहिलात तर शरीर गरम होईल. चालत राहा म्हणजे शरीर थंड होईल पण अतिनील किरण मात्र शरीरात आत पर्यंत जातात ज्याचेमुळे ड जीवनसत्त्व तयार होते. बाकी आपला आहार चौरस असला पाहिजे. त्यात कमी पद्फ्ले तरच वरून औषध घेणे बरोबर राहील.
↩ प्रतिसाद: प्रसाद१९७१

एस
गुरुवार, 01/14/2016 - 23:49 नवीन
काही लोकांना अतिनील किरणांची अ‍ॅलर्जी असते. अशांना त्वचेवर गांध्या आल्यासारखे व्रण उठतात. त्यांना डॉक्टर लोक हे 'लिवोसेट-एम' प्रिस्क्राईब करतात असे पाहिले आहे. मग अशा रुग्णांनी ड जीवनसत्त्व मिळवण्यासाठी काय करावे? उन्हात जावे तर अ‍ॅलर्जी, न जावे तर ड जीवनसत्त्वाची कमतरता.
↩ प्रतिसाद: सुबोध खरे

अजया
Sat, 01/16/2016 - 19:18 नवीन
मला स्वतःलाच सूर्यप्रकाशाची(अतीनील किरण) अॅलर्जी आहे! सप्लिमेंट वर्षातून एकदा करत राहावे लागते.
↩ प्रतिसाद: एस

अजया
Wed, 01/13/2016 - 21:47 नवीन
डि३-प्राॅब्लेम नसेल तर दरवर्षी Tab DV 60k Once in week for 8 weeks डेफिशियन्सी जास्त असल्यास १०००ची गोळी रोज.या कोर्सनंतर पुढे. तीन महिने. कॅल्शिअम - Tab supracal 1gm B12- Tab methycobal ५००mcg रोज (शाकाहारी असाल तर)
↩ प्रतिसाद: प्रसाद१९७१

धनावडे
Wed, 01/13/2016 - 19:11 नवीन
रात्रपाळी करणाऱ्या लोकानी आपल्या आहारासंबधीत कोणत्याप्रकारची काळजी घ्यायला हवी
↩ प्रतिसाद: सुबोध खरे

मोदक
Wed, 01/13/2016 - 19:37 नवीन
वेळच्या वेळी व्यवस्थीत जेवावे. भरपूर पाणी प्यावे. भरपूर झोप घ्यावी - घरी जाड पडदे लावून किंवा एखादा आय मास्क (ब्लाईंडर) वापरून किमान ८ तास झोप काढावी.
↩ प्रतिसाद: धनावडे

मन
Wed, 01/13/2016 - 20:46 नवीन
नमस्कार. जुलै महिन्याच्या आसपास माझ्या एका परिचितांना खूपशा मेडिकल टेस्ट्स / वैद्यकीय चाचण्या करण्यास सांगण्यात आल्या होत्या काही कारणाने. त्या सर्व टेस्ट्सची यादी घेउन आम्ही तीन चार ठिकाणी फिरलो. प्रत्येक ठिकाणी वेगवेगळे दर होते. आणि ह्यांच्या किमतीतील तफावत फार मोठी वाटत होती. ( किमान दर सुमारे चार हजार ते कमाल तब्बल साडे दहा हजार रुपये; इतका फरक. चाचण्या त्याच . ) ही खाली यादी आहे त्या ठिकाणांची आणि त्यांच्या दरांची . ( एकूण - टोटल रकमेसाठी शेवटची ओळ पहा ) अष्टुरकर लॅब वाकडमध्ये आहे. पी एच डायग्नोस्टिक्स ची एक ब्रांच चिंचवड चाफेकर चौकात आहे. आदित्य बिरला हॉस्पिटल चिंचवड शेजारी थेरगाव मध्ये आहे. अष्टुरकरकडे दर कमी असण्याचे एक कारण म्हणजे त्यांच्याकडे ह्यातल्या जवळजवळ सर्व चाचण्या एकाच प्याकेज मध्ये होत्या . इतरत्र तसे प्याकेज नव्हते. चिंचवडमधलं बरचसं मिडलक्लास पब्लिक पी एच डायग्नोस्टिकक्सकडे जातं. ( ते जवळही पडतं आणि इथल्या डॉक्टरांनाही तिथल्या तपासण्या चालतात. इथले बहुतांश डॉक्टर रुग्णाने स्वतःहून विचारल्याशिवाय लॅब सुचवत नाहित. कोणत्याही रेप्युटेड ठिकाणी केली तर चालेल म्हणतात. ) . . थेरगाव बाजूचे लोक हल्ली अष्टुरकरकडे जाताना दिसले. आदित्य बिरला मध्ये फार मोठ्या कॉर्पोरेट क्लायंट जातात. ह्यात कोणतंही एक चाम्गलं किंवा वाईट असं मी काहीही सुचवत नाहिये. ज्याच्या त्याच्या वेगवेगळ्या सुविधा, कम्फर्ट्स असणार आणि त्या हिशेबाने दर ठरलेले असणार ; ;हे मान्य आहे. शिवाय दरांसाठी इतरही काही गुणात्मक निकष असू शकतात. फक्त मोठी तफावत दिसली म्हणून म्हटलं मांडावं. ( टक्क्यांच्या भाषेत सांगायचं तर किमान व कमाल दरात दहा-वीस नव्हे तर तब्बल अडीचशे टक्क्यांचा फरक होता. ) tests suggested by doctorprice at ashturkar labprice at P.H. diagnosticsprice at aditya birla hospitalblood sugar fasting and PPpart of package120290HbA1C400400580Lipid profilepart of package600865Haemogrampart of package200325vitamin B12part of package7001665vitamin D3part of package20003475Liver function testspart of package600575kidney function testspart of package6001240thyroid function testspart of package5501300Urine routinepart of package100140TOTALpackage price 3500 + 400 = 3900587010455body div * { font-family: Verdana; font-weight: normal; font-size: 12px; } body { background-color: #E6E6FF; } .tableContainer table { border: 1px solid #000040; } .tblHeader { font-weight: bold; text-align: center; background-color: #000040; color: white; } .oddRow, .evenRow { vertical-align: top; } .tblHeader td, .oddRow td, .evenRow td { border-left: 1px solid #000040; border-bottom: 1px solid #000040; } .lastCol { border-right: 1px solid #000040; } .oddRow { background-color: #C6C6FF; } .evenRow { background-color: #8C8CFF; } अवांतर :- ह्यानंतर त्यांनी प्रत्यक्ष टेस्ट करुन घेतली ती थायरोकेअर लॅबकडून. तिथे दोन हजारात काम झाले. शिवाय सॅम्पल घरी येउन कलेक्ट केले गेले. अर्थात स्वतः डॉक्टरचा त्यांच्याशी टाय अप असावा आणि आमच्या डॉक्टारच्या रुग्णांना तिथे सवलत असावी असा अंदाज. किम्वा डॉक्टरच्या ओळखीमुळे सवलत मिळाली असावी. अर्थात डॉक्टर म्हणाले की तुम्ही वरीलपैकी कुणाही कडून आणलं तरी मला चालेलच; पण ह्या ठिकाणी त्याहून कमी दरात हूउ शकते; विचारुन पहा. तुम्हाला स्वतःला जे काय ठीक वाटेल तसे करा.

सुबोध खरे
Wed, 01/13/2016 - 21:05 नवीन
बुफे मध्ये जेवण आणी अ ला कार्टे मधील जेवण यातील फरक प्याकेज आणी इतर चाचण्या यात आहे. बाकी ५ तारांकित हॉटेलात आणी इतर ठिकाणी असलेल्या दरातील फरक आपल्याला रुग्णालय आणी इतर LAB मध्ये दिसेल.

अभिजीत अवलिया
Sat, 01/16/2016 - 18:49 नवीन
डॉ. खरे तुमच्या मार्गदर्शनाबद्दल धन्यवाद. एकदा भेटायलाच हवे तुम्हाला.

चौकटराजा
Sun, 01/17/2016 - 19:31 नवीन
पुण्याच्या राम कृष्ण मठ येथे 40 ते 60, 60 चे वर व डाय बेटिक प्रोफाईल अशी तीन पैकेजेस प्रत्येकी 1100 रू त करून मिळतात

स्थितप्रज्ञ
Wed, 05/11/2016 - 11:49 नवीन
हल्ली कुठल्याही चाचण्या केल्या तरी आपण खरेच पेशंट आहोत कि नाही याचा संभ्रम कायम राहतो. त्यात विनाकारण चाचण्या करायला लावण्याचे प्रमाण अतिशय बोकाळले आहे. अचानक सगळ्यांना विटामिन ब आणि ड ची कमतरता कशी काय येऊ शकते? आपण आपला आहार तर नाही बदलला. सगळी मार्केटिंग gimmick आहे. तज्ञांच्या साल्ल्याशिवाय तर कुठली हि गोळी अजिबात घेऊ नका (जरी water soluble vitamins असतील तरी) कारण प्रत्येक गोळी थोड्या थोड्या फरकाने lever damage करत असते. जितके शक्य तितके natural nutrients मिळवा. १९व्या शतकात माणसाच्या जिवापेक्षा पैसा मोठा झालाय. त्यामुळे medical industry फक्त पेशंटच्या भीतीवर चालू आहे. आपल्याला स्वतःला जर तंदुरुस्त वाटत असेल तर कुठल्याही औशाधाचि आवशकता नाही. राहिला प्रश्न चाचण्यांचा, तर कुठले हि ठोकताळे हे rigid नसतात. एखाद्याला १२०/८० ब्लड प्रेशर suit होते तर एखाद्याला ९०/६० suit होते. सरासरी १२०/८० जरी असले तरी ९०/६० वाला लगेच BP पेशंट होत नाही पण डॉक्टर घाबरवून गोळ्या चालू करतात. विटामिन, शुगर, इत्यादी च्या बाबतीतही हेच चालू आहे. टीप: वरील माहिती हे माझ्या पदरची सांगितलेली नाही तर खालील video लिंक चे सार आहे. https://www.youtube.com/watch?v=TH1y3MYWkP8 सदर video पद्मभूषण डॉ बी एम हेगडे यांचा आहे. अतिशय माहितीपूर्ण आहे. वरील मुद्यांव्यतीरिक्त आणखी बरीच उपयुक्त माहिती आहे. त्यामुळे सर्वांनी आवर्जून वेळ काढून ऐकाच!!! आणखी एक टीप: जर कुठला त्रास होत असेल किवा आपल्या फमिली डॉ ने सांगितले असेल तर कुठीलीही टेस्ट टाळू नका. त्या tests जरूर करा पण confuse होऊ नका आणि घाबरून जाऊ नका. आपण एवढे हि आजारी नसतो जेवढे डॉक्टर भासवतात. आणि शक्य तितक्या artificial sources (उदा. गोळ्या) पासून लांब रहा.

सुबोध खरे
Wed, 05/11/2016 - 13:28 नवीन
कारण प्रत्येक गोळी थोड्या थोड्या फरकाने lever damage करत असते. एखाद्याला १२०/८० ब्लड प्रेशर suit होते तर एखाद्याला ९०/६० suit होते. याला शास्त्राधार नाही. अचानक सगळ्यांना विटामिन ब आणि ड ची कमतरता कशी काय येऊ शकते? आपण आपला आहार तर नाही बदलला. आपला आहार आणी जीवन पद्धती "बदललेली" आहे. माणसांचा व्यायाम संगणकावर बोटे बडवणे एवढाच आहे आणी चौरस आहार घेण्य ऐवजी प्रक्रिया केलेले जलद अन्न (फास्ट फूड) सेवन फार वाढले आहे यामुळे हि परिस्थिती आहे. रोज अर्धा तास उन्हात फिरणारी माणसे शहरात किती असतील? पुण्यात तर डोळे सोडून सर्व अवयव झाकणार्या दहशतवादी मुली सर्रास दिसतात. ब १२ जीवनसत्वाच्या धाग्यात माझा प्रतिसाद पहा. राहली गोष्ट डॉ हेगडेंची. त्यानी सांगीतालेल्या बर्याच गोष्टी सत्य आहेत परंतु काही गोष्टी पुर्वग्रह दुषित आहेत एवढेच मी सांगेन.

आनंदी गोपाळ
Wed, 05/11/2016 - 21:52 नवीन
मिपावर (किंवा कुठेही) स्वयंसंपादनाची सोय असणे गरजेचे का आहे? एक उदाहरण. "lever damage" प्रत्येक गोळीने थोडेफार लिवर डॅमेज होते, हे बरोबर आहे. पण इथला लिव्हर दारू पीने से खराब होनेवाला नसून विंजिनेरवाला (बहुदा ऑटोकरेक्टमुळे) झालाय, अन तो मा. संपादकांच्या कृपेशिवाय बदलणार नाही. * रच्याकने. प्रत्येक गोळीने जसे लिव्हर डॅमेज होते, तसेच ते आपण खात असलेल्या प्रत्येक पदार्थामुळेही होऊ शकते. बेसिकली लिव्हर इज "डी-टॉक्स" लॅब. आतड्यांतून रक्तात घेतलेले घटक आधी लिव्हरमधे जातात, तिथे वाईट केमिकल्सची वाट लावून मगच शरीरात येतात, अशी काहीशी त्याची रचना आहे.. *
↩ प्रतिसाद: सुबोध खरे

स्थितप्रज्ञ
Fri, 05/13/2016 - 12:59 नवीन
असो. सांगण्याचा मुद्दा असा कि जसे काही वर्षांपूर्वी Fat म्हणजे काहीतरी भयंकर, नंतर काही वर्षांनी Fat नाही तर Cholesterol घातक असते आणि आता ते मागे पडून साखर घातक असते असा प्रचार हेल्थ इंडस्ट्री मध्ये होताना दिसतो. थोडक्यात दर काही वर्षांनी नवीन संशोधानांच्या आधारे हेल्थ इंडस्ट्रीला एक नवीन सुपर बग सापडतो, तसेच विटामिन, calcium, खनिज इत्यादी बाबतीतही एखादी नवीन कमतरता आढळते. ती अगदी सर्रास असते. म्हणजेच एखाद्या software engineer ला हि असते, एखाद्या field work करणार्या कामगाराला ही असते आणि एखाद्या गृहिणीलाही असते. काही वर्षांपूर्वी सर्रास calcium च्या गोळ्या घ्यायचा सल्ला दिला जायचा. आता तो विटामिन ब करिता दिला जातो इतकच. विशेष म्हणजे एक नटीला साईझ झीरो बनवणार्या तिच्या dietitian चे असे मत आहे कि "सर्व जीवन्सात्वी मिळवण्यासाठी कृत्रिम स्त्रोत आवश्यकच आहेत. नैसर्गिक स्त्रोतांमधून सर्व जीवनसत्त्व मिळवणे अशक्यच आहे!" त्यामुळे तिने तिच्या पुस्तकात सर्रास विटामिन आणि मिनरल्सच्या गोळ्या घायला सांगितले आहे (चिकन शिवाय प्रोटीन मिळताच नाही हा आणखी एक जावैशोध त्याच पुस्तकातला आहे). खरच अशी कंडीशन असेल तर आपण सगळेच आजारी आहोत. थोडक्यात चौरस आहार असेल तर कुठल्याही जीवनसत्वाची कमतरता असायचे कारण नाही आणि कुठल्याही औषधाची गरज भासू नये. आहार बरोबर नसेल आणि व्यायाम नसेल तर घेऊ तितकी औषधं कमीच आहेत.
↩ प्रतिसाद: सुबोध खरे