Skip to main content

एक स्कॉर्पियो आणि सहा जण...

लेखक संदीप डांगे यांनी शुक्रवार, 11/12/2015 21:24 या दिवशी प्रकाशित केले.
कालच्या २४ तासातल्या ९०० किमीच्या गुजरात मोहिमेबद्दल थोडक्यात. १. काल सहा वाजता विचारणा झाली. कुठे जायचे सांगितले नाही. सांगितलेले ठिकाण अजिबात ओळखीचे, स्मरणातले नाही. २. दहा हजार भरले की कुणीतरी बँक अधिकारी मुद्रालोन अंतर्गत दहा लाखाचे कर्ज मंजूर करून देतो. अशा अधिकार्‍याला सुरतमध्ये भेटायला जायचे आहे. दहा हजार द्यायची तयारी असेल तर चला. ३. प्रवास सुरु केल्यावर कळले की कुठल्या तरी मंदिरात दर्शनाला जायचे आहे. ४. रात्रभर गुजरात मॉडेलच्या नावाने बोटे मोडत, पाय मोडत अ‍ॅक्स्लिटर-ब्रेक-क्लचवर डान्स केला. ५. महिंद्रा स्कॉर्पिओ ही अजिबात ऑफरोड वेहिकल नाही हे सिद्ध करण्यात गुजरात पीडब्लूडीने चंग बांधलेला. ६. नर्मदेच्या प्रचंड वाळवंटात मी आणी माझी स्कॉर्पियो, सहातासाचा खडतर प्रवास, चित्रविचित्र दृश्यांची मालिका. ७. गुजरातमध्ये एका हायवेवर ओळीने सुमारे शंभर दुकाने फक्त 'चहा' विकत होती. संशयखोर आत्म्यांनी खोलात जाऊन चौकशी केली असता कळले एक धक्कादायक सत्य. अंगावर येणारे. ८. महिंद्रा स्कॉर्पियो ही एक बंडल गाडी आहे हे माझे 'नवे' मत तयार झाले. ९. चोविसाव्या तासाच्या शेवटच्या मिनिटाला घरी असणे 'अराउंड द वर्ल्ड इन एटी डेज' ची आठवण देऊन गेले. १०. तो सरकारी अधिकारी, ते मंदिर आणि त्या दहा हजाराचे गौडबंगाल. २४ तासाच्या थराराचा खंग्री अणुभव. इच्छुकांनी आगावू नोंदणी करावी. प्रकाशन होणार २१ डिसेंबर २०१५. (कृपया यातल्या काही गोष्टी माहित असतील तर प्रतिसाद देऊन नव्या वाचकांच्या उत्सुकतेस अगरबत्ती लावू नये अशी जाण'त्या वाचकांना पेष्यल इनंती..)
वाचने 12895
प्रतिक्रिया 61

प्रतिक्रिया

चलत मुसाफिर शुक्रवार, 11/12/2015 22:14
एकदा मी सकाळी सहा ते रात्री बारा असे ड्रायव्हिंग करून ८४० किमी कापले होते, तेही साध्या सांत्रोमधून.

पैसा शुक्रवार, 11/12/2015 22:37
खरेच मुसाफिर तुम्ही! १८ तास म्हणजे दोन जेवणे, चहा यासाठीचे २ तास विश्रांती धरली तर १६ तास ड्रायव्हिंग केलेत. कंटाळा आला असेल जाम.

पैसा रविवार, 13/12/2015 21:59
पॉसिबल आहेच. धंदेवाईक ड्रायव्हर लोक एका दिवसात मुंबई गोवा आणि परत एवढी १२०० किमि पण गाडी चालवतात. मला आश्चर्य वाटलं ते आपल्यासारखे कोणी लोक एवढा वेळ गाडी न कंटाळता चालवतात म्हणून!

कंजूस सोमवार, 14/12/2015 03:06
खरं आहे.एक घडलेलं उदाहरण सांगू शकतो.ग्राहकांची 'कमी पैशात जास्तीतजास्त मिळवण्याची भूक' वाढत चालली आहे आणि सेवा देणारे आता चलती आहे तोपर्यंत कमवून घेऊ असं करत आहेत.मग रस्त्यातच चाकामागे डुलकी लागते.

ट्रेड मार्क सोमवार, 14/12/2015 03:53
१२ तासात मी ७२५ मैल (११५० किमी) चालवली आहे, मी एकटाच ड्रायवर. पण अमेरिकेत आणि भारतात गाडी चालवणे पूर्णपणे वेगळे आहे. त्यामुळे तुलना करायचा उद्देश नाही.

ईश्वरसर्वसाक्षी शुक्रवार, 11/12/2015 23:08
असलेच काहि तरि ह्यापुर्वि सुद्धा आले होते. गुजरातमध्ये एका हायवेवर ओळीने सुमारे शंभर दुकाने फक्त 'चहा' विकत होती. संशयखोर आत्म्यांनी खोलात जाऊन चौकशी केली असता कळले एक धक्कादायक सत्य. अंगावर येणारे. हे येग्झॅटली काय हाय...क्या राज है ! मला तरी ह्यात फक्त आणि फक्त मोदि द्वेष दिसतोय...

मार्मिक गोडसे शनिवार, 12/12/2015 15:17
अरे हो ह्या मिड ब्रेन अ‍ॅक्टीव्हेशनवर मागे लेखकाचा धागा आला होता. लेखक त्यावर शास्त्रिय पद्धतीने अभ्यास करणार होते. पुढे काय झाले त्याचे अपडेट आले नाहीत अजून. असो. दोन महिन्यांपुर्वी माझ्या जवळच्या नातेवाईकाच्या १२ वर्षाच्या मुलाने हा कोर्से केला होता. डोळे बंद करून वाचू लागला, चित्रं ओळखू लागला. खात्री करण्यासाठी मी जाऊन भेटून आलो. खरोखरच तो ह्या सर्व करामती करत होता. मी त्याचे डोळे माझ्या रूमालाने व्यवस्थीत बांधले व माझ्याकडील एका भाजीचे चित्र असलेले कार्ड त्याला दिले. त्याने ते मनगटावर, डोक्यावर बराच वेळ घासले,बंद डोळ्यासमोर चिकटवले त्याला कार्ड ओळखायला वेळ लागू लागला, शेवटी त्याने ते कार्ड नाकाने हुंगले व त्वरीत कारल्याचे चित्र आहे असे म्हणाला, प्रत्यक्षात ते भेंडीचे चित्र होते. त्या कार्डाला मी कारल्याचा रस लावला होता. तो मुलगा फक्त त्याच्याकडील कार्डे ओळखत होता. जी त्या कोर्सवाल्यांनी दिली होती, ज्यावर त्या त्या फळाचा किंवा फुलाचा गंध मारला होता. डोळ्याला बांधलेल्या पट्टीखालून दिसते हे घरातल्या सर्वांना माहीत आहे हे त्यामुलाने लगेच कबूल केले तेव्हा त्याच्या पालकांची तोंडं बघण्यासारखी झाली होती. मुलाचे आईवडील उच्चशिक्षीत, आजी आजोबा निवृत्त शिक्षक असूनही असल्या थोतांडाला बळी पडले. हजारो रुपये अक्कलखाती गेले. आता त्या कॅसेट ऐकणे,हुंगणे,डोळे बंद करून वाचणे हे सर्व त्यादिवसपासून बंद झाले.

सौन्दर्य शनिवार, 12/12/2015 07:11
उत्सुकता बर्यापैकी ताणली गेलीय. अजून दहा दिवस आहेत.

पिंगू शनिवार, 12/12/2015 08:35
मला दुसर्‍या मुद्द्याबद्दल अधिक माहिती करुन घ्यायची आहे. बाकी मॅरेथॉन ड्रायव्हिंग वगैरे गोष्टी बद्दल सुद्धा वाचायला उत्सुक.

नाखु शनिवार, 12/12/2015 08:52
खतरा तो पिक्चर कैसा होगा ??? आमच्या सात शीटा अगदी पिटातल्या ( बाल्कनीतून शिट्ट्या मारता येत नाहीत म्हणून)

कंजूस शनिवार, 12/12/2015 09:56
मला कारबद्दल प्रत्यष माहीत नाही परंतू दुसय्रा एका लेखाची लिंक देऊ शकतो.प्रथम लेखतर टाका.२१ तारखेचं आणि रुमाल टाकून ठेवण्याचं प्रयोजन कळलं नाही. तांत्रिक बाबतीत बोलायचं तर कार/वाहन यांचं किती किमी गुणिले किती वजन गुणिले वेग यांचं उत्तर एका एंजिनात एकच असते.एक वाढवले की दुसरे आपोआपच तितक्या प्रमाणात कमी होणारच.वाहन कशासाठी वापरावं हे अगोदरच ठरलेलं असतं त्याऐवजी भलतीच अपेक्षा ठेवायची नसते. आक्षेप फक्त तांत्रिक आहे संदीप.

सुबोध खरे शनिवार, 12/12/2015 10:10
कंजूस साहेब ते गुजरातच्या रस्त्याबद्दल बोलत आहेत गाडीबद्दल नाही. महिंद्रा स्कॉर्पिओ ही अजिबात ऑफरोड वेहिकल नाही हे सांगण्यात गुजरातचे रस्ते( एकंदरच गुजरात आणि गुजरात मॉडेल) अतिशय खराब आहेत हे अध्यारुथ आहे. (अध्यारुथ- हा शब्द बरोबर आहे काय?) असो अर्ध्या हळकुंडाने पिवळे होण्याची गरज नाही. पूर्ण लेख आल्यावर त्यावर बोलणे बरोबर असेल

कंजूस शनिवार, 12/12/2015 12:38
खरं आहे.गाडी थोडी अगोदरच घसरली.यात तीन धागे दडलेत लक्षातच नाही आलं.पॅापकॅार्न नको फाफडा जलेबीचा कट्टा होऊ द्या वापी/सापुतारा ला.

बोका-ए-आझम शनिवार, 12/12/2015 10:55
२१ डिसेंबर ऐवजी २२ डिसेंबरला जाहीर करा. तसाही तो वर्षातला सर्वात छोटा दिवस आणि सर्वात मोठी रात्र असते.

अनिरुद्ध.वैद्य शनिवार, 12/12/2015 11:20
कुठ जाऊन आले? अम्दावादमा रस्ता सारू छे ... बाकी कल्लास टोले आणि चिमटे!! लेखाच्या प्रतीक्षेत!

होबासराव शनिवार, 12/12/2015 12:26
आजच मंडईत जाउन १ टण मक्याच्या कणसांची ऑर्डर देतो :) हा मंग ह्यावेळेस मी बी पॉपकॉर्न चा स्टॉल लावणार बघा. प्रचंड पोटेन्शीयल आहे ह्या धाग्यात... ट्रेलर मध्येच इतकी खद-खद आहे तर मग पिच्चर कसा असेल... राईट फ्रॉम गुजरात मॉडेल, गुजरात पीडब्लूडी, चहा ची ति १०० दुकाने, 'तो' सरकारी अधिकारी आणि दहा हजार भरुन दहा लाखाचे कर्ज मंजूर करुन घेणारे 'होतकरु' व्यावसाईक...

माईसाहेब कुरसूंदीकर शनिवार, 12/12/2015 13:05
काय प्रकार आहे रे हा संदिपा? स्कॉर्पियोची खराब म्हणजे मिपाकरांना रिनो ड्स्टर्,निसान टेरॅनो सुचवू पाहतो आहे का? असा ह्यांना संशय. . की गुजरात पर्यटन विकासाची जाहिरात?

मृत्युन्जय शनिवार, 12/12/2015 13:05
एक स्कॉर्पियो आणि सहा जण... धाग्याचा कंटेंट आणि धाग्याचे शीर्षक यांचा संबंध म्हणजे भक्त प्रल्हाद बघायला जावा आणि ब्ल्यु फिल्म बघायला लागावी असे झाले. लोक उगा ताकाला जाउन भांडे का लपवतात तेच कळत नाही.

होबासराव शनिवार, 12/12/2015 13:09
ब्ल्यु फिल्म बघायला जावा आणि भक्त प्रल्हाद बघायला लागावा असे झाले :)) मला वाटले होते कि संदिप भौ नी प्रवास वर्णन वगैरे टंकले असेल पण... असो.

अद्द्या शनिवार, 12/12/2015 14:47
अच्छा म्हणजे गुजरात रस्ते आणि छुपी / बेकायदेशीर दारूची दुकाने आणि स्कोर्पियो यांच्यावर टीका करणारा लेख आहे तर . चालुद्या चालुद्या . . मला वाटलं प्रवास वर्णन असेल

कंजूस शनिवार, 12/12/2015 16:34
गुजरात आताचा चांगला आहे मोदींनी खूप चांगलं काम केलंय असे आमचे दोनतीन शेजारीही मागच्या निवडणुकीअगोदरपासून सांगताहेत याचा अर्थ पुर्वी फारच वाईट परिस्थिती असणार संदीप. आपल्याकडे चांगले रस्ते करण्याची सुरूवात बहुतेक कराड/कऱ्हाडमधून यशवंतराव चव्हाणांनी केली.त्याचा इतका उदोउदो झाला की दिल्लीचं सिंहासन हलू लागलं.पुढं काय झालं ते सर्वांनाच ठावूक आहे.

असंका शनिवार, 12/12/2015 20:49
2 नंबरने कोड्यात टाकलंय. दहा हजार भरून खातं उघडून घेत असतील असं वाटतंय. पण सुरत चा मॅनेजर नाशिकला कसा कर्ज देतो ते बघण्याची जबर उत्सुकता आहे.(या यस्य रुची:...)

इरसाल शनिवार, 12/12/2015 21:08
रस्त्यांबाबत असहमत. बाकीचे डिटेल आले की बोलु.

कंजूस शनिवार, 12/12/2015 21:10
थोडे दिवसांपुर्वी एक लेख होता ना सातबारावर नाव नसले तरी गुजरातमध्ये ते पैसे घेऊन मिळवून देतात त्यातलाच किस्सा ( खरा) असणार.मेघालयमधून नाही का पीएचड्या मिळाल्या युनि चं तोंड न पाहता?

चांदणे संदीप रविवार, 13/12/2015 20:57
कटाप्पाने बाहुबलीला का मारले? या प्रश्नाइतकाच गूढ आहे. दोन्ही ठिकाणी वाट बघण्याशिवाय पर्याय नाही. वाट बघणारा :) Sandy

सुज्ञ सोमवार, 14/12/2015 01:29
मुद्दा क्र ४ ५ व ७ यावर पिकचर मध्ये भर दिल्यास लेखकाची बालबुद्धी उघड होऊ शकते व जुनेच शो परत दाखवले जाऊ शकतात .. कंटाळ आला

संदीप डांगे मंगळवार, 22/12/2015 20:08
क्षमा असावी. कार्यबाहुल्यामुळे प्रसिद्धीची तारिख पुढे ढकलली गेली आहे. लक्षात ठेवून प्रतिसाद देणार्‍या सदस्यांना अनेक धन्यवाद! ;-)

शलभ शनिवार, 26/12/2015 11:28
वरती एक उदाहरण दिलेच आहे मार्मिक गोडसे यांनी. अजून हाच धागा आहे. तुम्ही पाहीजे तेव्हा पूर्ण लेख टाकू शकला असता, पण ट्रेलर टाकून, रिलीज ची तारीख तारीख टांग मारता. अजून शोधावे लागतील. ;)

संदीप डांगे शनिवार, 26/12/2015 11:43
ट्रेलर टाकायचे कारण आहे, पिच्चर रिलीज झाला की कळेल.. थांबाल ना? तुमची टिका सकारात्मक घेतली आहे. धन्यवाद!

drsunilahirrao शुक्रवार, 25/12/2015 20:12
___/\___

कंजूस शनिवार, 26/12/2015 05:53
कधी येणार तारीख? लेख कशाबद्दल -महिन्द्रा /गुजरात रस्ते/ड्राइविंग/ललित लेखन?

संदीप डांगे शनिवार, 26/12/2015 10:58
काका, लेख भटकंतीवरच आहे. पण सध्या तुफान भटकंतीचाच कार्यक्रम सुरु असल्याने लेखन पूर्ण करायला वेळ मिळत नाहीये...

कंजूस रविवार, 27/12/2015 16:02
ट्रेकला यस्टीची ( = प्रियदर्शिनी ) वाट पहातो तसे लेखाची वाट पहात आहे.लवकर टायर बदली करा पण पोहोचवा.तसं आमच्याकडेही शहापुर यस्टी आगाराचे अनुभव गाठीशी आहेत.