बिहारच्या निकालाचा अर्थ.

सध्या भाजपात सबकुछ मोदी असा जो प्रकार चालू आहे तो हळूहळू थांबवून भाजपाने हळूहळू दुसरी फळी सांभाळणारे आणि जनाधार असलेले नेते उभे करण्याची गरज आहे.

सहमत आहे. वाजपेयी आणि अडवाणी नेतेपदी असताना त्यांनी जाणीवपूर्वक दुसरी फळी निर्माण केली होती. या दुसऱ्या फळीत प्रमोद महाजन, अरूण जेटली, सुषमा स्वराज, व्यंकय्या नायडू इत्यादींचा समावेश होता.तशी दुसरी फळी निर्माण व्हायला हवी. प्रत्येक वेळी मोदींच्या नावावर लोक मते देणार नाहीत हे जाणून घ्यायला हवे. आणि नुसत्या मोदींच्या नावावर मिळणारी मते यापुढच्या काळात law of diminishing marginal returns प्रमाणे कमी होत जाणार आहेत हे ध्यानात घेऊन अशी दुसरी फळी निर्माण करणे खूपच गरजेचे आहे हे नक्कीच.

अन्यथा जी गत बिहारमध्ये झाली तीच गत उत्तरप्रदेशमध्ये पण होईल.

उत्तर प्रदेशात भाजप जिंकला तर मला खरोखरच आश्चर्य वाटेल.मला असे वाटते की उत्तर प्रदेशात पक्षाचा पराभव व्हायची शक्यता ९९.९९% आहे. एक तर राज्यात भाजपकडे स्थानिक नेतृत्व अजिबात नाही. कल्याणसिंग आता ८५ वर्षांचे आहेत.ते राजस्थानचे राज्यपालपद सोडून उत्तर प्रदेशात येतील ही शक्यता तशी कमीच. आणि १९९० च्या दशकात कल्याणसिंगांना जो जनाधार होता त्याच्या पावही जनाधार आता राहिलेला नाही. लक्ष्मीनारायण वाजपेयी, कलराज मिश्रा यांनाही तितका जनाधार नाही हे नक्कीच. आदित्यनाथांचा तर सगळाच आनंदी आनंद आहे.सध्या तरी राजनाथसिंगांना उत्तर प्रदेशात मुख्यमंत्रीपदाचा उमेदवार म्हणून पाठविणे हाच त्यातला त्यात बरा पर्याय दिसत आहे. दुसरा धोका म्हणजे भाजपविरोधी आघाडी उभी राहिली तर मते एकत्र होऊन भाजपचा जोरदार पराभव करता येतो हे बिहार निवडणुकांनी दाखवून दिले आहे. कॉंग्रेस समाजवादी पक्ष किंवा बहुजन समाज पक्ष यांच्याशी आघाडी करायची शक्यता आहेच.कॉंग्रेसला उत्तर प्रदेशात स्वबळावर विशेष स्थान नाही पण कॉंग्रेसची ७-८% मते जर सपा किंवा बसपाबरोबर आली तर ती एक मोठी भक्कम मतपेढी ठरू शकते.आणि त्यापेक्षा मोठा धोका (याची शक्यता त्यामानाने फारच थोडी आहे) जर १९९३ प्रमाणे सपा-बसपा परत एकत्र आले तर.मायावती आणि मुलायमसिंगांचे वैर आहे. पण मायावती आणि अखिलेश यांच्यात वैर असायचे काही कारण नाही. आणि दुसरे म्हणजे मायावतींवर जून १९९५ मध्ये समाजवादी पक्षाच्या गुंडांनी हल्ला केला तेव्हापासून मायावती आणि मुलायमसिंग यांच्यात वैर आहे. त्यानंतर २० वर्षे उलटली आहेत.दरम्यानच्या काळात मायावतीही अधिक परिपक्व झाल्या असतील आणि जर लालू आणि मुलायम २० वर्षांचे वैर सोडून एकत्र येऊ शकतात तर सपा-बसपा का नाही या दृष्टीने वाटचाल सुरू झाली तर मात्र भाजपला उत्तर प्रदेश विधानसभेत विरोधी पक्षनेतेपद मिळण्याइतक्याही जागा मिळायच्या नाहीत. हे व्हायची शक्यता त्यामानाने फारच थोडी आहे पण कॉंग्रेसने एका पक्षाबरोबर हातमिळवणी करायची शक्यता बरीच जास्त आहे. २०१० च्या बिहार आणि २०१२ च्या उत्तर प्रदेश निवडणुका स्वबळावर निवडून कॉंग्रेसच्या हातात काहीच मिळाले नाही.त्यापेक्षा तरी जास्त कोणाबरोबर तरी हातमिळवणी करून मिळेल.

असल्या वाचाळवीरांना आपली खासदारकी पाच वर्षे टिकली तरी पुरेसे आहे, त्यांना पक्षाची कसलिहि फिकीर नाही

त्यांना पक्षाची कसलीही फिकिर नसली तरी मोदींना तरी आहे ना? मग ते असल्या वाचाळवीरांना वेसण का घालू शकलेले नाहीत हा प्रश्न महत्वाचा आहेच. मनमोहनसिंगांना टूजी आणि कोळसा घोटाळ्यावरील मौन भोवले तसे मोदींना असल्या गणंगांविरूध्दचे मौन भोवणार की काय ही भिती आहे.

---महाराष्ट्रात जरा शिवसेनेला कुरवाळा--- म्हणजे त्यांच्या मागणी प्रमाणे त्याना खायला वाव असेल अशी मलाइदार खाती द्या असेच ना ? बिहारच्या निकाला नंतर संजय राउत म्हणतात की आज महाराष्ट्रात निवडणुका घेतल्या तर शिवसेनेला १७५ जागा मिळतील. असे असेल तर ते वाट कसली बघत आहेत ? सरकारमधून सरळ बाहेर पडून पुन्हा निवडणूक घ्यायला का लावत नाहीत ?

+१ मी अतिसामान्य असल्याने, ही असली स्वप्ने बघायची चैन, फार वर्षांपुर्वीच सोडून दिली आहे.

बोलावून बिले पास करु शकतात

गॅरी शोमन तुमच्या आयडीचे एका जुन्या आयडीशी नामसाधर्म्य आहे . २ दिवसात फारच सुद्ध लिहिता ओ ! कौतुक आहे

common minimum programm (ल सा वि ) = ०

जॉनी वॉकरने कधी जॉनी लिवरला त्याच्या मुळे गैरसमज होईल असे म्हणले नाही. गॅरी ट्रुमन तरी वर्जनल नाव आहे का ?

उदाहरण चुकले साहेब. जिथे जे बरोबर ते बरोबर. इथे फक्त नाव हीच आयडेंन्टीटी आहे लेखकाची. चेहरा दिसत नाही. नाव दिसतं. प्रत्यक्ष जगातही एकसारखं नाव दिसत असेल तर कारवाई होते. कोलगेट ला कोलजेट, बिसलरी ला बिसपरी, सॅमसंग ला सॅमगंज असे हुबेहुब दिसणारे प्रॉडक्ट काढलेत तर पब्लिक गंडतं, इथे तर फक्त नाव आणी प्रतिसाद दिसतात. तेव्हा नामसाधर्म्यामुळे घोळ होऊ शकतात. मीच कित्येक पहिलं नाव संदीप (उदा. संदीप चित्रे) असलेल्या आयडीने टाकलेल्या प्रतिसादांना बघून एका क्षणासाठीतरी गोंधळतो की हे आपण कधी टंकलंय... माझं स्वतःचं स्वतःबद्दल असं होतं तर इतरांचं काय? तसेही आपण नाव बदलून दुसरं घेतलं तरी विचार आपलेच असणार आहेत. तुम्हाला स्वत:ला काय फरक पडेल? तसेही गॅरी शोमन हे तुमचे खरे नाव तर नाहीच. गॅरी ट्रुमन यांनी ते नाव घेण्यामागे काही भूमिका मांडली होती. तसाच साधर्म्य असलेले नाव आपण मुद्दाम घेतले आहे असा संशय आला तर साहाजिक आहे. त्यात तुम्ही चिडण्यासारखे काय आहे? मिपावर लिहा, बिन्दास. कुणाही विरूद्ध. त्याला काय ना नाय. पण वाचकांचा गोंधळ उडू नये म्हणून हा प्रतिसाद प्रपंच. बाकी तुम्ही आणि संपादक मंडळी जाणोत...

सध्या सोयीस्कर आहे म्हणून मोदींवर हिरीरीने तोंडसुख घेणाऱ्या सर्वांनी त्यांना स्क्याम फेम सोनिआ आणि लालू यांनी परत दिल्लीत सत्तेवर यावे असे वाटते आहे का याचाही विचार केला पाहिजे.

लालु राजकारणात अजीबात अडाणी नाहि. त्यांच्याकडे भरपूर पेशन्स आहे. राज्याच्या राजकारणात त्यांचा इंटरेस्ट आपल्या मुलांना सेटल करण्यापुरताच राहाणार आहे. संभाव्य तिसर्‍या आघाडीतला सर्वात तगडा भिडु म्हणजे लालु असणार आहे. त्यांचा प्रयत्न तोच राहाणार आहे. राज्यात नितीशकुमारांना अस्थीर करणं म्हणजे आपल्या नवसंजीवनी मिळालेल्या राजकारणाला तिलांजली देणं आहे हे लालु उत्तम ओळखतात. त्यामुळे नितीशकुमारांच्या खुर्चीला काहिही धोका नाहि.

आपल्या गळ्यात हि माळ पडावी म्हणुन धडपडारे जीव प्रथम तिच्यात स्वतःला गोवतात. केजरीसाहेब तर कधिचे गोवले गेले आहेत. आता ते मेरुमणीच्या मध्यवर्ती स्थानाकडे सरकायला बघताहेत एव्हढच :)

ऑन फिल्ड प्रतिसाद आवडला. जनतेच्या भावना अगदी योग्य शब्दात मांडल्या आहेत.

बिहारच्या Demockeracy मध्ये जात आणि धर्म या पलीकडे काहीही नसते हे यादवांनी आणि अल्प संख्याकानी पुन्हा एकदा दाखवून दिले आहे.

मस्त