आपल्याला काय करता येईल?

पत्र तर पाठवावीच. आपल्या जवळच्या लोकप्रतिनिधीनाही तो कोणत्याही पक्षाचा असो त्यांना भेटावे व आपलए विचार सांगावे. असा कोणी पुढाकार घेणार असल्यास मी त्यात येण्यसाठी तयार आहे.

प्रभावी शब्दात मराठी आणि इंग्रजी भाषेत कोणी तरी मसूदा तयार करावा. ३१ डिसेंबरच्या आत सर्वांनी ती पत्र, पोष्टाच्या डब्यात टाकायची. प्रा.डॉ.दिलीप बिरुटे

चांगली कल्पना आहे.सहमत आहे.सुरुवात करू या.

माझा देखील या चांगल्या कल्पनेस सक्रीय पाठींबा राहील.

क्लिंटननी चांगला विचार मांडला आहे. माझे काही विचार पुढीलप्रमाणे १. मिपावरील सभासदांनी मिळुन यावर मराठी आणि इंग्रजीत एक मसुदा तयार करावा. मसुदा तयार करण्यासाठी एक वेगळा काथ्याकुट धागा चालु करावा. २. प्रत्येकाने वैयक्तिकरित्या या पत्राची प्रत पंतप्रधान, राष्ट्रपती, मुख्यमंत्री, गॄहमंत्री आणि स्थानिक खासदार व आमदारांना पाठवावी. प्रमुख विरोधी पक्षांनापण पाठवता येइल. ३. सध्या ऑनलाईन पेटिशनपण पाठवता येते, पण त्याऐवजी पत्र पाठवणे जास्त चांगले. सर्वसामान्य माणसाने स्वतः पत्र लिहिणे आणि नुसते कुठेतरी जाउन टिचकी मारणे यात फरक आहे असे वाटते. (इथे कोणाचाही अवमान करण्याचा हेतु नाही. मी पण ऑनलाईन पेटीशन साइन केली आहेत पण प्रचंड संख्येने आलेल्या लिखित पत्रांचा परिणाम जास्त होईल असे वाटते.) ४. पंतप्रधान, राष्ट्रपती, मुख्यमंत्री, गॄहमंत्री यांचे कार्यालयीन पत्ते मिपावर प्रसिद्ध करावेत. - गणा मास्तर भोकरवाडी (बुद्रुक)

अतिशय चांगली कल्पना. असे पत्र तयार करुन मिपावर दुवा दिल्यास हे पत्र सरकारला पाठवण्यात माझा सहभाग राहील. अजूनही काही जणांना देखील हे पत्र पाठवण्यास मी उद्युक्त करु शकेन असे वाटते.

छान आयडीयाची कल्पना! :) माझाही या चांगल्या कल्पनेस सक्रीय पाठींबा असेल. -(गोंधळलेला) ऋषिकेश

प्रश्न: आपल्याला काय करता येईल? उत्तर: हा दहशतवादी हल्ला केवळ हिंदूंवर आहे आणि मुसलमानांनी केलेला आहे, अशी सोयिस्कर समजूत करून घेऊ नका. २६/११च्या दहशतवादी हल्ल्यात जवळपास ५० मुसलमानही प्राणाला मुकले आहेत. ज्यांना आग विझवता येत नाही, ज्यांना केवळ आग लावता येते त्यांनी गप्प बसायला हवे! विशेषतः त्यांनी "काय करता येईल"टाइप चर्चा घडवणे म्हणजे दांभिकपणाचा कळस आहे. "तुझं वाचन किती? तू बोलतोयस किती?" "तुझा पगार किती? तू बोलतोयस किती?"

सक्रिय पाठींबा असेन..पत्र तयार झाल्यावर सांगा..मी नक्कीच तयार आहे. स्वप्निल

धम्मक भाऊ, तुम्ही काही मदतपर केलेत का? केले असेल तर तुमचे खरेच कौतुक, पण स्वतः काही न करता जर तुम्ही येथे असले प्रतिसाद टंकत असाल, तर मग मात्र हा खरा दांभिकपणाचा कळस.

नमस्कार मंडळी, माझी सूचना योग्य आणि व्यवहार्य वाटल्याबद्द्ल सर्वांचे आभार. माझा पंतप्रधानांना पाठवायच्या पत्राचा कच्चा मसुदा तयार आहे. हे पत्र पंतप्रधानांना पाठवायचे असल्यामुळे इंग्रजीतून आहे. त्यात अनेक सुधारणांना आणि इतर काही मुद्दे समाविष्ट करायला बराच वाव आहे. मिसळपावच्या सर्व गावकर्‍यांनो, आपण पत्रात सुधारणा सुचवावी ही विनंती. सर्वांचे नाव लिहित नाही तरीही त्याचा कोणी राग मानू नये ही कळकळीची विनंती. 'तिकडे' १०% हून अधिक इंग्रजी शब्दांचा समावेश करणे 'बेकायदा' होते. मिसळपाववर इंग्रजी शब्दांचा वापर बेकायदा आहे की नाही मला कल्पना नाही.पण मराठी संकेतस्थळावर पूर्ण प्रतिसाद इंग्रजीतून असल्यास तो थोडा वेगळा दिसेल हे नक्की. म्हणून मी माझा पत्राचा मसूदा इथे लिहिला आहे. सरपंचांची मान्यता असेल तर तो मसूदा मिसळपावर आणण्यास माझी काहीही हरकत नाही. पुढील ३-४ दिवसांमध्ये मसूदा सर्वानुमते ठरवून पत्रे पेटीत पडली तर बरे होईल.तसेच लवकरात लवकर मसूदा तयार करून आपल्या सर्व मित्रमंडळींना ई-मेलद्वारे संपर्क साधला पाहिजे असे वाटते. त्यादृष्टीने काय करता येईल?आपल्या सूचनांची वाट बघत आहे. क्लिंटन

पत्राचा मसुदा वाचला. त्यात पक्षांतर्गत राजकारण देशापुढे वरचढ ठरु नये असे काही नाही का म्हणता येणार?

योजनेत सामील आहे. मसुदा पूर्ण झाला की सहभाग घेईनच. ता क : क्लिंटन यांचे सर्व विचार मला पटतात असे नाही. पण काही चांगले घडत असेल तर त्यात सहभाग घ्यावा असे मी समजतो. निदान कोलदांडा तरी घालू नये अशा मताचा मी आहे. अर्थात, व्यक्ती तितक्या प्रवृत्ती , हे खरेच.

dear meepa members, as per request of one of the member, i tried to find out the official address of president of india, prime minister of india etc. the same are as follows: 1)President of India Rashtrapati Bhavan, New Delhi, India – 110 004. 2)Vice-President's House, 6, Maulana Azad Road, New Delhi - 110 011 3)The Prime Minister's Office South Block, Raisina Hill, New Delhi, India-110 011 request all of you, not to misuse the information.

लोकसभेची मार्गददर्शिका http://loksabha.nic.in/ लोकसभा अध्य्क्ष, विरोधी पक्षनेते, फोटो वर टिचकी मारल्यावर सर्व संपर्काची माहिती मिळेल. http://164.100.47.134/newls/sittingmember.aspx येथे महाराष्ट्रावर टिचकी मारल्यावर आपले ४८ प्रतिनिधी दिसतील http://164.100.47.134/newls/Statewiselist.aspx येथे आपले ४८ खासदार, त्यांच्या नावावर टिचकी मारल्यावर तुम्हाला संपर्काची माहिती मिळेल. http://164.100.47.134/newls/statedetail.aspx?state_name=Maharashtra पंतप्रधान कार्यालय http://pmindia.nic.in/ पंतप्रधानांची वेबसाइट, संपर्कासाठी पत्ता http://pmindia.nic.in/pmo.htm The Prime Minister's Office South Block, Raisina Hill, New Delhi, India-110 011. Telephone: 91-11-23012312. Fax: 91-11-23019545 / 91-11-23016857. येथे तुम्हाला पंतप्रधानांना (कार्यालयाल) e-mail पण करता येतो, विषयानुसार वर्गवारी आहे. http://pmindia.nic.in/write.htm राष्ट्रपतींशी संपर्क http://presidentofindia.nic.in/ E-mail: presidentofindia@rb.nic.in भारत सरकारची मार्गदर्शिका http://goidirectory.nic.in/ राष्ट्रिय मानवी हक्क आयोग http://nhrc.nic.in/ माझा मित्र उदयने हे संकलन मला दुसर्‍या एका मराठी साईटवर दिले होते. ते कामाला येईन कदाचित.

हापिसातला एसी, हापिसातला पीसी आणि ब्रॉडबँड इंटरनेट कनेक्शन यांचा वापर अशा खुर्चीतल्या गप्पा करण्यासाठी करणे बंद करायला हवे :) "तुझं वाचन किती? तू बोलतोयस किती?" "तुझा पगार किती? तू बोलतोयस किती?"

नमस्कार, सर्वप्रथम पत्ते दिल्याबद्दल नन्या आणि केदार यांना धन्यवाद. आपल्या सर्वांची मते आणि सूचना ध्यानात घेऊन मी मसुद्यात थोडा बदल केला आहे. तरीही काही मुद्दे कसे समाविष्ट करावेत हे मात्र समजलेले नाही. उदाहरणार्थ यशोधरा यांचा मुद्दा-- पक्षांतर्गत राजकराणापेक्षा देशाचे हित महत्वाचे आहे हा मुद्दा कसा लिहावे हे मला strike झाले नाही. त्याचप्रमाणे प्रा.बिरूटे यांचा पाकव्याप्त काश्मीरातील प्रशिक्षण छावण्यांवरील हल्ल्याचा मुद्दा मी जरा broad शब्दात लिहिला आहे. पत्राचा मसुदा इथे वाचता येईल. शक्य झाल्यास सर्वांनी आपल्या सूचना द्याव्यात ही विनंती. त्यायोगे लवकरात लवकर मसुदा नक्की करून पत्रे रवाना होऊ शकतील. त्यातून १० तारखेला मिसळपाव दिवसा बंद असल्यामुळे आपल्या हातात अजून कमी वेळ आहे. आणि या गोष्टीला जास्त उशीर करू नये असे वाटते. माझी मते बर्‍याच अंशी वेगळी असतात हे मान्य. हजारातील ९९९ जण ज्याला विरोध करतात त्या गोष्टीचे मी अनेकदा समर्थन करतो. तेव्हा माझी मते मान्य नाहीत असे होणे सहज शक्य आहे. अनेकांना ती मते दांभिकही वाटू शकतील. पण मुद्दा आहे की अतिरेकी गोळ्या झाडताना तू कोण, तुझी मते काय अशाप्रकारचे प्रश्न विचारणार नाहीत. त्यामुळे सर्वांनी या परिस्थितीत जे जे काही शक्य असेल ते ते केले पाहिजे असे वाटते. कमांडो प्रशिक्षण घेऊन स्वतः अतिरेक्यांचा खातमा करता आला असता तर फारच उत्तम पण ते करता येणे माझ्या आवाक्यातील गोष्ट नसल्यामुळेच इतर काही करता येऊ शकेल का हे चाचपून बघणे भाग आहे. म्हणूनच हा प्रपंच ---विल्यम जेफरसन क्लिंटन (डिस्क्लेमरः माझ्या कंपनीतील वरिष्ठांची या काथ्याकूटासाठी कंपनीचा एसी, पीसी आणि इतर गोष्टी वापरायची पूर्ण परवानगी आहे.)

आजच म.टा. मध्ये मुख्यमंत्री अशोक चव्हाण यांचा ई-मेल मिळाला. तो इथे देत आहे. कदाचित उपयोगी पडेल. ashokchavanmind@rediffmail.com बातमीचा दुवा: http://maharashtratimes.indiatimes.com/articleshow/3815831.cms स्वप्निल

क्लिंटनसाहेब - आपल्या या उपक्रमाला मनापासून शुभेच्छा! इंग्रजी पत्राचा मसुदा थोड्या वेळापूर्वी वाचला. अधिक परिणामकारक होण्याच्या दृष्टीने एक सांगावेसे वाटले - इफ आय वेअर यू देन... कदाचित पत्र थोडे छोटेखानी आणि दोन-चारच मुद्यांना स्पर्श करणारे लिहिले असते. तसेच आणखी थोडेसे डिमांडिंगही मांडले असते. (घटनाप्रिय) एकलव्य

नमस्कार मंडळी, एकलव्य, केदार आणि इतर अनेकांच्या व्य. नि आणि खरडीतून आलेल्या सूचनांप्रमाणे पत्राची लांबी कमी केली आहे आणि सध्या मी ते पत्र मिसळपावच्या एका सदस्यांबरोबर अधिक रिफाईन करत आहे. भा.प्र.वे प्रमाणे उद्यापर्यंत ते नक्की व्हायला हवे. ते नक्की होताच मी दुवा देईनच. तो एक 'ढांचा' असेल. त्यात आपल्या मताप्रमाणे पाहिजे ते बदल करून इच्छुकांनी पाठवावेत ही विनंती. ---विल्यम जेफरसन क्लिंटन

नमस्कार, पत्राचा मसुदा इथे वाचता येईल. सर्व मसुदा एका पानात बसवला आहे. सर्वांना विनंती आहे की त्या मसुद्यात आपल्याला योग्य वाटतील ते बदल करून पत्र पंतप्रधान कार्यालयाकडे पाठवावे. तसेच आपल्या सर्व मित्रमंडळींना पत्र पाठवायची विनंती करावी ही विनंती. कारण मोठ्या प्रमाणावर पत्रांचा वर्षाव झाला तरच काहीतरी चांगला बदल घडून येईल असे वाटते. ५०-१०० पत्रांचा फारसा उपयोग होईल असे वाटत नाही. सर्वांच्या सहकार्याबद्दल आणि विधायक सूचनांबद्दल धन्यवाद. ---विल्यम जेफरसन क्लिंटन

आपण घेतलेल्या पुढाकाराबद्दल धन्यवाद. अनिवासी भारतीयांनी काय करावे असे वाटते? पोस्टाने पत्र पाठवावे की फॅक्स करावे? दोन्हीचे कमी-अधिक परीणाम असू शकतात.