मॅगो कस्टर्ड पुडींग

या मोठ्या सुट्ट्या म्हणजे रोज आईने काहीतरी नविन बनवावे असे मुलांना वाटते. आंब्याचा सिझन सुरुच आहे तर विचार केला आज पुडींगच बनवावे. साहित्य- 6 स्लाईस ब्रेड, एक पारले जी छोटा पुडा, क्रीम बिस्कीट 10 वाला एक पॅक, मोसंबी एक, हापूस आंबे दोन, कस्टर्ड पावडर दोन चमचे, दूध अर्धा लिटर, काजू-बेदाणे आवडीनुसार, - -कॄती -- प्रथम थोड्या दुधामध्ये कस्टर्ड पावडर घालून गुठळी न होता शिजवुन घ्या ( मी व्हॅनीला फ्लेवर घेतलाय)..त्यामध्ये राहिलेले दुधही घालून गार होण्यासाठी बाजूला ठेवुन द्या. ज्या भांड्यात पुडींग सेट करायचे आहे ते घ्या..मी कुकरमधील डबा घेतलाय. त्या मध्ये सुरुवातीस ब्रेडचे छोटे छोटे तुकडे पसरवुन घ्या त्यावर काजुचे तुकडे थोडे घाला,, चार सहा बेदाणे पसरवा. मोसंबी सोलुन त्याचे बारीक तुकडे करुन थोडे पसरवा.. आता त्यावर पारले जी व क्रीम बिस्कीटचे पण बारीक तुकडे करुन ठेवा. त्यातील थोडे पहिल्या लेयरवर पसरवुन घ्या. आता आपण जे कस्टर्ड शिजवुन बाजूला ठेवलेय त्यातील थोडे ह्या लेयरवर घाला. आता आपले आवडते काम आंब्यांच्या बारीक फोडी करुन घेणे... (हो हो उरलेले साली कोयी नंतर खावा ना) आता त्यावर थोड्या आंब्याच्या फोडी पसरवुन घ्या. पुन्हा वरील प्रमाणे दुसरा लेयर करुन घ्या त्यावर सर्व साहित्य व्यवस्थित पसरवुन घ्या.... आता पुन्हा तिसरा लेयर करुन घ्या ... वरुन सजावटीसाठी काजू बेदाणे लावा. आणी फ्रीज मधे फ्रीजरमधे सेट होण्यासाठी ठेवुन द्या. येता जाता फ्रीज उघडून डोकावू नका. तीन चार तास तरी ठेवा... ह आता बाहेर काढा आणी थंडगार पुडींगचा आनंद घ्या. फोटो टाकायचा प्रयत्न चालू आहे. ईतर सिझनला उपलब्ध फळे घेउनही हे पुडींग बनवता येते.