('मी' ची कहाणी )

प्रगो ह्यांनी अतिशय संयमित भाषेत, "चित्रकला" ही पण एक भाषाच आहे, "मी"चे मन व्यक्त केले आहे. खरे तर "प्रगो" ह्यांनी वर्तुळ, षटकोन, त्रिकोण किंवा इतर कुठलाही कोन न वापरता, फक्त चौकोन आणि त्यातूनही, चौरसच घेतला आणि इथेच त्यांनी ९०% यश संपादन केले. प्रथम आपण चौरसाचा अभ्यास करू. मुळात चौरस तयार होतो तो ४ बिंदूंपासून. आणि हे ४ बिंदू विविध असू शकतात. कौटुंबिक जीवनात ह्या चौरसाचा खूप सहभाग असतो. आपण, आपला जोडीदार आणि त्या जोडीदाराचे माता-पिता, हा पण एक चौरसच. आपण आणि आपले कॅरमचे किंवा ब्रिजचे जोडीदार हे पण चौरसाचेच भाग. आपण, आपला जोडीदार, आपली २ मुले, ह्या पासून पण चौरस बनतो.(ज्यांना एकच मुल असते, अशा लोकांनी त्रिकोणाचा अभ्यास करावा आणि ज्यांचे लग्न झालेले नाही, त्यांनी दुसरा बिंदू शोधावा, असे आमचे गुरु म्हणतात.) पण ह्या जगातला, सगळ्यात महत्वाचा चौरस म्हणजे....."आपण, आपले शिक्षण, आपला बॉस आणि आपला पगार हा पण चौरासाच एक भाग." तुम्हाला योग्य वाटेल तो चौरस घ्या, सध्या तरी "मी" वेगळा चौरस घेतला आहे. "मी, एकच आय.डी. असणारे मिपाकर, मिपाकरांच्या कलाक्रुती आणि डू.आय.डी." हे आमच्या चौरसाचे मुख्य बिंदू. आता एकदा आपल्या चौरसाचे प्रमुख बिंदू ठरल्यानंतर, त्यात रंग भरणे, हे आलेच. आणि उरलेल्या १०%चे काम रंगाने पुर्ण केले. प्रगो, ह्यांनी नेमक लाल रंग निवडून , ते १०% साध्य केले आहे. एखाद्या क्रांतीचे प्रतिक म्हणजे, लाल रंग. तस्मात आम्ही पण ह्या डू.आय.डींच्या प्रतिसादाला किंवा लेखाला अनुल्लेखाने मारत असतो. हीच आमची लोकशाही क्रांती. आम्ही जसा आमचा चौरस ओळखला, तसाच तुम्हाला पण तुमचा चौरस ओळखता यावा, अशी आमच्या गुरुंची इच्छा आहे.

महीनाभराच्या मौखिक मौनानंतर, माझाळलेले मुक्तक ! माझ्यामुळे मुखवट्याचा माज, माझेच माठ मस्तक मंत्रमुग्ध मह्फिल्,माझेपणाचे मनात मीच मनरंग !! मीपणाचे महिरपीचा मेल्याने (प्रगोने) केला मुखःभंग !!!

• मोकाट मी माझा या माझोळी संग्रहातून साभार.
• फक्त एकच अक्षर म ने सुरु करता आले नाही त्या बद्दल माफी
• माझोळी हा चारोळीशी साधर्म्य असला तरी त्यात "मी"पणाचा अभाव नाही.

मझाकार माखु.

जेपींच्या प्रतिक्षेत.....