सांबार मसाल्याची पुर्वतयारी: * दोन मध्यम आकाराचे कांदे * एक टोमॅटो * कोथींबिरीच्या ३-४ काड्या * १०-१५ काळ्या मिर्‍या * २ दालचिनी (१") * ६-८ लवंगा * १ चमचा हळद * २ चमचे तिखट * २ चमचे धने-जिरे पुड * ४ चमचे सांबार मसाला (माझी एक तामिळ सहकारी हा घरगुती मसाला कोइंबतुर येथुन आणते) * ४-५ सुक्या लाल मिरच्या * १" आल्याचा तुकडा * ५-६ लसुण पाकळ्या * भरपुर कडिपत्ता * १ चमचा गुळ * वरिल सगळे साहित्य वाटणयंत्रातुन वाटुन एकजीव करुन घ्यावे

सांबारात घालायच्या भाज्यांची पुर्वतयारी: * लाल भोपळा, दुधी भोपळा, वांगी, नवलकोल, दोडका, शेवग्याच्या शेंगा (लाल भोपळा मिळाला नाहि म्हणुन वापरलेला नाहि!) * भाज्या सोलुन आणि चिरुन घेणे (एकदम लहान तुकडे करु नये नाहि तर गळुन जातात) * भाज्या वाफवुन घेणे * वाफवलेल्या भाज्या थंड पाण्यात काढुन ठेवणे. * वाफयंत्रातले पाणी बाजुला ठेवावे (नंतर सांबार मधे टाकायच्या कामी येते)

सांबारात घालायचे छोटे कांदे: * सांबार कांदे आख्खे ठेवुन सोलुन घ्या * एका छोट्या पॅन मधे कांदे छान परतुन घ्या (हलके सोनेरी होउ पर्यंत) * परतत असतांना कांद्यावर थोडि साखर घालंणे * परतलेले कांदे बाजुला काढुन ठेवणे

सांबार फोडणी/इतर साहित्यः * फोडणी साठी: * १ वाटि शिजवलेली तुरिची डाळ * वरुन घालायला बारीक चिरलेली कोथींबीर

सांबार बनवायची कृती * एका मोठ्या कुकर अथवा भांड्यामधे ४ मोठे चमचे तेल गरम करणे. * तेल व्यवस्थित गरम झाल्यावर हिंग, मोहरी टाकुन फोडणी करणे * मोहरी व्यवस्थित तडतडली कि तेलामधे कडिपत्ता घालुन चांगला परतुन घेणे * कडिपत्ता झाला कि तिन्ही डाळी आणि लसुण घालुन परतुन घेणे * लसुण थोडा सोनेरी रंगाचा होत आल्यावर मिरच्या टाकुन तडतडु देणे * कांदा आणि टोमॅटो घालुन थोडा वेळ परतुन घेणे * वाफवलेल्या भाज्या पाण्यातुन काढुन (निथळुन घेणे) परतुन घ्या * वर तयार केलेला सांबार मसाला घालुन छान परतुन घेणे * शिजवुन घेतलेली डाळ आणि थोडे पाणी घालुन एक उकळी येउ देणे * उकळी आली कि कमी-जास्त पातळ पाहिजे त्या प्रमाणात पाणी घालणे (भाज्या वाफवायला आणि थंड करायला वापरलेले पाणि) * एक चमचा चिंचेचा तयार कोळ घालणे (चवीनुसार कमी/जास्त) * सांबाराला ऊकळी आली कि गॅस बारीक करुन झाकुन ठेवणे * वाढायच्या आधी बारीक कापलेली कोथींबीर घालणे.

मंडळी येताय ना मग, गरमा-गरम - झणझणीत इडली आणि सांबार खायला!!
(बेंगळुरु मधे एक-दोन दिवस झाले पाउस पडत आहे. पावसाळी थंड हवेत गरमागरम झणझणीत सांबार म्हणजे अहाहा काय वर्णावा तो आनंद!!!)
आपले अभिप्राय जरुर कळवा!