मिसळपावचा छापील अंक

डॉक्टरसाहेब,(काका नव्हे) आता सदस्यांच्या संख्येबाबत तुम्ही जे बोलत आहात त्याबद्दल थोडेसे बोलू इच्छीतो... सदस्यांची संख्या उद्या हाजारावर पोचली तरी आपण या सगळ्या अथवा यातील पंचाहत्तर किंवा पन्नास टक्के सदस्यांचे लेखन छापील अंकात देवू शकत नाही.सदस्यांच्या संख्येपेक्षा आपण दर्जेदार लेखनावर भर दिल्यास गैर काय?आणी लेखांचे व प्रतिभेचे म्हणाल तर मिसळपावमध्ये लेखांची आणी प्रतिभावंत लेखकांची कमी नाही.आपण स्वतः यासाठी प्रयत्न करू. वेगवेगळ्या विषयांवरील लेख,कथा,कविता,विनोद,व्यंगचित्रे(मी स्वतः व्यंगचित्रकार आहे यामुळे हे काम मी करु शकतो) ,वेगवेगळ्या विषयांवरील काथ्याकूट(चर्चा आणी निकाल)आणी पंतांचे ज्योतिषविषयक मार्गदर्शन(राशीफल) आत्तापासून संकलीत करायला घेतल्यास शिमग्यापर्यंत आपण हे काम हातावेगळं करू शकू. प्रयत्नांते परमेश्वर या म्हणीवर माझा पूर्ण विश्वास असल्यामुळे माझा गळा फाटेपर्यंत मी सर्वांना याबाबत सुचना व विनंती करुन साहित्य जमा करण्याचा प्रयत्न करणार आहे,अंतीम निर्णय तुम्हा सुज्ञ पंचायत सदस्यांचा. -इनोबा