माहिती हवी आहे.

गेल्या २ -२.५ वर्षापासून मी हाडांशी संबंधित एका व्याधीने त्रस्त आहे. ऑर्थोपेडिक (ऐलोपथी म्हणा हवे तर ) डॉक्टरांच्या कडे यावर शस्त्रक्रिया करून त्याजागी कृत्रिम भाग बसवण्याशिवाय पर्याय नसल्याचे ते सांगतात. त्यामुळे तुम्ही उद्याच रुग्णालयात भरती व्हा. आणि शस्त्रक्रिया करून टाका जर हे नाही केले तर थोड्याच दिवसात ते हाड co-laps होऊन तुम्हाला परत इथेच यावे लागेल. त्यापेक्षा आत्ताच शस्त्रक्रिया करा असे सांगतात. परंतु मी शस्त्रक्रिया न करण्याचा निर्णय घेतला कारण एक तर माझे वय अत्यंत कमी आहे आणि शत्रक्रिया केल्यानंतर माझ्या बर्याच दैनंदिन कामावर त्याचा परिणाम होणार आहे. गेले अडीच वर्षे मी फक्त पथ्य पाणी आणि व्यायाम याद्वारे ते दुखणे कंट्रोल मध्ये ठेवले आहे. कालच केलेल्या MRI मध्ये असे दिसून आले कि अडीच वर्षापासून त्यामध्ये काहीच बदल झालेला नाहीये. त्यमुळे इतर डॉक्टरांनी काही दिवसात च हाड co-laps होण्याची जी भीती दाखवली होती ती चुकीची होती हे समजले. त्यामुळे आता माझा आत्मविश्वास देखील वाढला आहे कि "जर हे दुखणे मी काहीही न करता कंट्रोल करू शकतो तर यावर आणखी प्रयत्न केल्यास मी त्याला हरवू हि शकतो. " आता यावर आय्रुवेदाद्वारे काहीतरी उपाययोजना कराव्यात असे वाटते. परंतु मला या क्षेत्रातील जास्त अनुभव नाहीये. मिपावर बरीच अनुभवी लोक आहेत. जर कोणाला हाडांशी संबंधित रोगांवर कुशलतेने उपचार करणारे आयुर्वेद तज्ञ माहिती असतील तर कृपया सांगावे. आपले अनुभव आणि सल्ले सांगितले तर सोन्याहून पिवळे. मला कोणत्याही परिस्थितीत कृत्रिम भाग शरीरामध्ये इतक्या कमी वयात बसवून घ्यायचा नाहीये. परमेश्वराने जे काही आपल्या शरीरात निर्माण केले आहे तेच अथक प्रयत्न करून टिकवावे हाच खटाटोप चालू आहे. त्यासाठी आपण काही मदत करू शकलात तर खूप खूप आभारी राहीन आपणा सर्वांचा...