भाजपचा बुडबुडा फुटला - लालू प्रसाद

>>> लोकसभा निवडणुकी मध्ये झालेल्या पराभवानंतर मागची सगळी कटुता विसरून त्याने नितीश कुमार यांच्याशी युती केली यावरून तो राजकारणी म्हणून किती हुशार आहे हे कळत . पोटनिवडणुकीसाठी युती करण्यासाठी पुढाकार लालूने घेतलेला नसून तो नितीशकुमारांनी घेतला होता. लोकसभा निवडणुकीत धुव्वा उडाल्यावर काळाची पावले ओळखून ज्या लालूच्या जंगलराज विरूद्ध १८ वर्षे झुंज दिली व ज्या लालूला ५ वर्षे तुरूंगवासाची शिक्षा झालेली आहे त्याच लालूशी नितीशकुमारांनी युती केली. त्याच्याआधी मुख्यमंत्रीपदाचा राजीनामा द्यायचे नाटक करून त्याजागी मांझीसारख्या एक कळसूत्री बाहुला बसवायलचा प्रयत्न केला. अर्थात मांझीने नितीशकुमारांच्या छायेत राहण्यास नकार देऊन आपला खमकेपणा दाखवून दिल्यामुळे आता नितीशकुमारांची पंचाईत झाली आहे. लोकसभा निवडणुकीपूर्वी लालूला ५ वर्षांची शिक्षा झाली होती. त्यामुळे लालूला निवडणुकीला उभे राहता येत नाही. लोकसभा निवडणुकीत लालूची बायको व मुलगी या दोघांचाही पराभव झाला. राजद हा पक्ष बिहारमध्ये जवळपास संपला होता. त्याच पक्षाशी पोटनिवडणुकीत युती करून नितीशकुमारांनी अजून एक घोडचूक केली. पोटनिवडणुकीचा खरा फायदा लालूला झाला. लालूने ४ पैकी ३ जागा जिंकल्या. संजदने ४ पैकी २ तर काँग्रेसने २ पैकी १ जागा जिंकली. भाजपविरोधाच्या स्पेसमध्ये आपली स्पेस कमी करून लालूला देणे हे अंतिमतः नितीशकुमारांना महागात पडणार आहे कारण लालू उरलीसुरली स्पेसही बळकावून बसेल. आपण विरोधात असताना आपणच केवळ एकमेव विरोधक म्हणून राहणे व इतरांना आपला पर्याय होऊन देऊ नये हे सुद्धा राजकारणात महत्त्वाचे असते. काँग्रेसने आआपला दिल्लीत गुपचूप मदत करताना हीच चूक केली आणि आता दिल्लीत काँग्रेस पूर्ण संपलेली आहे. ९० च्या दशकात भाजपविरोधात कधी सप तर कधी बसप बरोबर युती करताना काँग्रेसने स्वत:लाच संपविले आणि ती जागा इतरांना मोकळी करून दिली. नितीशकुमारांनी राजदशी युती करून मृतवत झालेल्या या पक्षाला नवसंजीवनी दिली तीच त्यांना महागात जाणार आहे. बिहारमध्ये डिसेंबर २०१५ मध्ये विधानसभा निवडणुक आहे. युती होताच लालूने तातडीने योजना आखून मांझीला हटविण्यासाठी नितीशकुमारांवर दबाव आणला. एकदा नितीशकुमार परत मुख्यमंत्री झाले की राजदला सरकारमध्ये स्थान मिळून त्यात लालूची मुलगी उपमुख्यमंत्री असेल व पुढील १० महिने निवडणुक जिंकण्यासाठी वापरता येतील. मुलीच्या रूपात बिहारमध्ये नवे नेतृत्व तयार झालेले असेल. या युतीची खरी मजा जागावाटपाच्या वेळी येईल. सध्या राजदकडे २४३ पैकी १२२ आमदार आहेत, लालूकडे फक्त २४ आहेत. निवडणुकीनंतर मुख्यमंत्रीपद मिळविण्यासाठी दोन्ही पक्षांना दुसर्‍यापेक्षा जास्त जागा मिळवाव्या लागतील व त्यासाठी जास्तीत जास्त जागा लढवाव्या लागतील. संजदकडे १२२ आमदार असताना ते फक्त तेवढ्याच जागा लढवून उर्वरीत १२१ जागा राजदला देणे अशक्य आहे. संजद किमान १५० जागा तरी लढवेल. पण त्यामुळे लालूसाठी फक्त ९३ जागा राहतात. सलग १५ वर्षे बिहारमध्ये सत्ता राबविलेला लालू जेमतेम ३८ टक्के जागांवर समाधान मानणे अशक्य आहे. इतक्या कमी जागा लढवून संजदपुढे जाताच येणार नाही. लालू कमीतकमी निम्म्या जागांचा हट्ट धरेल व संजद हातात १२२ आमदार असताना फक्त तेवढ्याच जागा लढविणे अशक्य आहे. त्यात भर म्हणजे काँग्रेस या युतीत आली तर काँग्रेसला किमान ४० जागा तरी द्याव्या लागतील. जरी पोटनिवडणुकीत युती झाली होती तरी प्रत्यक्ष विधानसभा निवडणुकीत ही युती होणे अशक्य आहे. दोघे वेगळेच लढतील व काँग्रेस कोणत्यातरी एकाबरोबर युती करेल. >>> भाजप आणि मोदी यांना पहिला झटका आप ने दिलेला नाही . मोदी लाट जेन्वा परमोच्च बिंदूवर होती तेंव्हा बिहार मध्ये १६ जागांवर झालेल्या पोटनिवडणुकीत लालू आणि नितीश यांनी मोदी लाट पहिल्यांदा जिरवली होती . लालू भ्रष्ट , आत्मकेंद्रित , स्वार्थी राजकारणी आहे पण त्यामुळे त्याच्या राजकीय 'शहाणपणावर ' कोणी हसू शकत नाही . बाकी यादव मंडळीना आपण कितीही हसत असलो आणि त्यांच्याकडे तुच्छतेने बघत असलो तरी आपल्याकडच्या तथाकथित हृदय सम्राट , मोठे काका मंडळींपेक्षा जास्त वर्चस्व त्यांनी आपल्या राज्यात ठेवलं आहे . पोटनिवडणुक १६ जागांवर नसून १० जागांवर होती. त्यात भाजपने ४, राजदने लढविलेल्या ४ पैकी ३, संजदने लढविलेल्या ४ पैकी २ व काँग्रेसने २ पैकी १ जागा जिंकली होती. राजद + संजद + काँग्रेस अशी युती होती. ही केवळ तात्पुरती व सोयिस्कर युती होती. डिसेंबर २०१५ मधील निवडणुकीत ही युती प्रत्यक्षात होणे अशक्य आहे. अशीच तात्पुरती आणि छुपी युती सप व बसप मध्ये २०१४ मधील ११ जागांच्या पोटनिवडणुकीत झाली होती. ११ पैकी ८ सपने व ३ भाजपने जिंकल्या होत्या. सपने ८ जागा जिंकल्या कारण बसपने आपले उमेदवार उभेच केले नव्हते व आपली मते सपकडे वळविली होती. परंतु फेब्रुवारी २०१७ मधील विधानसभा निवडणुकीत बसप अनुपस्थित राहणे किंवा सपशी युती करणे अशक्य आहे.

काय बोलले योगेंद्र यादव? लिंक आहे का?

मी फक्त वाचले हो सोत्रि. त्या उत्तरांना तसा वास येत होता. यात पुर्वग्रह वगैरे काही नाही. जस्ट असे वाटले. मी असे म्हणत असताना त्यांच्यावर टीका वगैरे काही करत नाही आहे कारण खुपच मुद्देसूस विवेचन होते ते.

मृत्यंजय शेट, मी जे बघितलं त्यात तो एन डी टी व्ही वर आला होता आणि खरंच फार व्यवस्थित बोलला. फक्त शेवटी एकदा त्याचा चेहरा हताश झाला असं वाटलं. की किती मी संयमाने सांगतोय आणि तरीही हे लोक तेच ऐकत आहेत जे ऐकायची त्यांची इच्छा आहे. (आप ही कम्युनिस्ट विचारसरणीला जवळ जाणारी आहे असं एकाचं मत होतं त्याला त्याने समर्पक उत्तर दिलं की अश्या वॉटर टाइट कॅटेगरी (बॉक्स) करणे आता योग्य नाही, तरी त्या एकाने आपलं मत सोडलं नाही, तेव्हा योगेंद्र यादवने एक हताश असं एक्स्प्रेशन दिलं एवढंच).

काँग्रेस आणि भाजपा यामध्ये खूप मोठे राजकारण खेळले आहेत असे दिसते.

हरलेल्या पक्षांना दिलासा देण्यासाठी असे बोलले जाते असे ह्यांचे मत.अमित शहा व मोदी ,भाजपा व कॉन्ग्रेस मुद्दामूनच हरले असेही काहींना वाटत आहे.काय बोलणार ह्यावर आनंदा? जि़ंकले तर पद्धतशीर प्रचार्,उत्तम व्य्वस्थापन्,तंत्रज्ञानाशी जवळीक...हरले तर उच्च डावपेच्,जबरदस्त राजकारण..

फक्त टक्केवारी सारखी असल्याने वोट बँक शाबूत असणे सिद्ध होत नाही, उलट भाजपाच्या बालेकिल्ल्या मधून बेदी पडल्या, भाजपाने मते खाण्याचे काम केले