ATM अर्थात पैसे काढण्याची मशिन्स वापरताना, सुविधा असल्यास, मातृभाषा "मराठी" निवडता का?

मतदानात सहभागी आणि प्रतिक्रिया देणार्‍या सर्वान्ना धन्यवाद! :) कदाचित अजुनही मतदान होत राहील, प्रतिसादही येत रहातील! वरील प्रतिक्रिया वाचताना एक मुद्दा प्रकर्षाने जाणवला, तो म्हणजे, एटीएम वर मराठि वापरलेच नाही तर काय बिघडले अशा काहीशा अर्थाचा हे मराठी पर्याय कितीसे जण, किन्वा किती थोडेसे, किन्वा कोणीच निवडत नाही, असा सान्ख्यिकी पुरावा उपलब्ध झाल्यास, असलेली "मराठीची" सुविधा काढली जाणे कितपत शक्य हे? असे होणारच नाही का? त्यामुळे काही बिघडेल वा नाही बिघडणार? याकडेही मी लक्ष वेधू इच्छीतो प्रत्येकाने केवळ स्वतःपुरता विचार केल्यास, एक प्रकारचे उत्तर येवु शकते, व सामुहीक नजरेने पाहिल्यास कदाचित दुसरे प्रकारचे उत्तर येवु शकतो, म्हणजे असे बघा की, हल्ली तात्पुरते कामगारान्ना देखिल पगार वाटप अशा बॅन्कातुन केले जाते जेथे त्यान्ना एटीएम वापरण्याची गरज पडते, असे हे सर्वच कामगार "इन्ग्रजी सुशिक्षित" नस्तात, जेव्हा ते पैसे काढायला जातात तेव्हा त्यान्ना किती किती अडचणीन्ना तोन्ड द्यावे लागते ते अनेकवार मार्गदर्शन करण्याच्या निमित्ताने अनुभवले आहे. मात्र अशा उदाहरणात देखिल, आम्ही काही कमी शिकलेलो नाहीत, आम्हालाही "विन्ग्रजी" येते हे सिद्ध करण्याच्या अट्टाहासापाई, किन्वा इन्ग्रजी न येणे "कमीपणाचे" वाटून बहुतान्श लोक मराठीचा पर्याय असुनही न स्विकारताना बघितलेत. इन्ग्रजी बद्दलची ही "न्युनगन्डाची" भावना मराठीच नव्हे तर हिन्दी भाषीकातही अनुभवली हे! नऊवारी वा पाचवारी साडी नेसणारी आई म्हातारी होते, अन तरण्याताठ्या पोरापोरीन्ना तिच्याबरोबर बाहेर जायला "लाज", सॉरी..... शुद्ध भाषेत सान्गायच तर "ऑकवर्ड फील" होते, अशी अनेक उदाहरणे जागोजागी नीट बघितली तर दिसतात! सख्ख्या जन्मदात्या आईची ही दशा मानवी "स्वकेन्द्रीत अहम्भावी स्वभावातून" होऊ शकते तर आई कडून देणगी म्हणून मिळालेल्या एका "भाषेची" काय गत होत असेल? वरील पोलचा उद्देश काही जणान्ना कळाला नाही! आणि ते साहजिकच हे! तसा तो काहीन्ना कळणार नाही हा अन्दाज असल्यानेच तो पर्यायही ठेवला होता. वरील पोल घेण्यामागिल सर्वप्रथम उद्देश हाच होता की बघावे तरी की किती जण आपल्या मातृभाषेबद्दल सजग आहेत! किती जण (अगदी सहज) शक्य तिथे देखिल तिचाच वापर करतात/वा करत नाहीत. किती जणान्ना (निदान सामाजिक जबाबदारी म्हणून तरी) असा वापर करायचा असतो असे वाटते वा नाही वाटत. तसेच या निमित्ताने, व्यक्तिव्यक्ती मधिल विचारातील अनेकविध प्रकार सर्वान्नाच अनुभवास येतिल व त्यानिमित्ताने वाचकाच्या मेन्दून काही एक विचारप्रक्रिया ज्याच्यात्याचा वकुबाप्रमाणे होईल अशा अपेक्षेने हा कौल ठेवला! यावर विचारच करायचा नसेल, तर मग चौविसतास चॅनेलवर क्रिकेट्/फॅशन शो इत्यादिक अनेक निरुपद्रवी/निरुद्देशीय, खास करुन डोक्याला त्रास न देणार्‍या अन (दारूच्या तत्कालिक धुन्दीप्रमाणे) मनाला सहजासहजी सुखावणार्‍या गोष्टी उपलब्ध आहेतच, नाही का? यामुळेच, या कौलाकरता थोडा वेळ काढून मतदान व प्रतिक्रिया व वाचन केलेल्या सर्वान्ना मी धन्यवाद देतो आहे. :) आपला, लिम्बुटिम्बु (मायबोलीवरुन विनाभार ट्रान्स्फर) :D :P