बाभळीच्या काट्यांची उसळ

इथे एका पेक्षा एक पाककृती टाकून लोकांना आनंदी करणाऱ्या सगळ्यांची माफी मागून . . हापिसात जात नसलेला वेळ . . आणि आत्ताच खाल्लेल्या तंदुरी चिकन आणि बिर्याणीने पोट भरल्यामुळे कैच्या काय चालणारं डोकं . . याचा हा परिणाम तर . . मंडळी . . बाभळीच्या काट्यांची उसळ :- साहित्य :- १५० - २०० बाभळीचे काटे . . कमीत कमी ३ - ४ इंच लांबीचे (आता हे कुठून मिळवायचे हे तुमचं तुम्ही बघा ) २ वाट्या दही . . जितकं आंबट असेल तितकं चांगलं . . २ - ३ दिवस खाण्याच्या कपाटात दह्याचं भांडं उघडं ठेवलं कि होईल आंबट . . ( खाण्याचं कपाट काय हे समजलं नसेल तर जवळपास च्या "वाड्यात" राहणाऱ्या लोकांना विचारा . . सांगतील ते ) ३-४ कांदे . . लहान असतील तर ५-६ घ्या . पाव किलो शेंगाचा कूट ( काट्यात भरण्यासाठी . ) गरम मसाले . तिखट , ३-४ चमचे (हे आपापल्या तिखट खाण्याच्या क्याप्याशिटी वर अवलंबून ) मीठ चवीनुसार . कृती :- काटे आधी पाण्याने स्वच्छ धुवून घ्यावेत . गरम असेल तर चांगलं . काटे धुवून झाले कि ते उन्हात वाळू द्यावेत थोडे . इकडून तिकडून उडून आलेली वाळू त्यांना लागू नये म्हणून वरून पण पातळ कापड ठेवलं तरी चालेल . (कापडाच्या चारी कोपऱ्यावर काही तरी जड ठेवायचं विसरू नका . . ) काटे वाळले . कि नाजूक हाताने त्यात उभे काप द्यावेत . आता साहित्यात असलेल्या शेंगाच्या कुटात थोडं तीखट मीठ घालावं . त्याची छान चटणी केलीत तरी चालेल . आता उभ्या चिरलेल्या काट्यात आडव्या हाताने ती चटणी / तिखट मीठ लावलेलं कूट भरावं . आता . जसे भरलेले /किंवा वरून बेसन लावलेले म्हणा, बांगडे गरम तेलात सोडतात (शाकाहारी लोकांनी या जागी कांदा भजी वाचली तरी चालेल) तसे ते उकळत्या तेलात सोडावेत . थोड्या वेळाने . काट्यांचा वरचा काळसर रंग अजून काळा होऊ लागेल . मग ते बाहेर काढावेत . आता . हे सगळं बाजूला ठेऊन . उरलेल्या कुटात थोडं पाणी मिसळून . गरजेनुसार मसाला , तिखट , मीठ , जिरे , काळी मिरची . तीळ , हिंग , हळद , दालचिनी , वेलदोडे , कडलिंब , इत्यादी साहित्य घालून मस्त ग्रेवी करावी . आता हे सगळं मिश्रण गरम करायला ठेऊन . त्यात ते तळलेले काटे सोडावेत . तयारी झाला बाभळीच्या काट्यांची उसळ . सोबतीला आंबोळी / भाकरी / चपाती / पोळी / पुरी / पिज्झा बेस . जे आवडेल ते घेऊ शकता . आता प्रश्न तो . दही आणि कांद्याचं काय करायचं हा . तर हे सगळं वाचून ज्यांची डोकी गरम होतील त्यांनी दही डोक्यावर थापून घ्यावं . आणि ज्यांना भोवळ येईल त्यांच्या आजूबाजूच्यांनी कांदा त्यांच्या म्हणजेच भोवळ आलेल्यांच्या नाकाशी धरावा