Skip to main content

मुळ्याचा ठेचा

लेखक इशा१२३ यांनी गुरुवार, 25/12/2014 12:27 या दिवशी प्रकाशित केले.
m साहित्यःमुळा चकत्या १ मोठी वाटी मुळ्याचा पाला १ मोठी वाटी कोथिंबिर २ चमचे मिरच्या ७ ते ८ (आवडिनुसार) लसुण ३ पाकळ्या जिरे १/२ चमचा लिंबु रस १ चमचा मीठ साखर तेल m1 कृती: मुळ्याच्या चकत्या आणि मुळ्याचा पाला ठेचुन घ्यावा.ठेचायला शक्य नसेल तर मिक्सरवर जाडसर एकत्र वाटुन घ्या. कोथिंबिर्,जिरे,मिरच्या आणि लसूण एकत्र वाटुन घ्या. कढईत मोहरी,हिंग,हळदिची फोडणी करून त्यात मिरचीचे वाटण घाला.एकदा परतुन घ्या. त्यात ठेचलेला मुळा आणि मुळ्याचा पाला टाकावा. पाला भरपुर परतुन झाल्यावर मीठ्,किंचीत साखर टाकावी एक वाफ आल्यावर लिंबाचा रस घालावा.छान एकत्र केले कि मुळ्याचा ठेचा तयार. हा ठेचा थोडा तिखटच असावा.गरम भाकरी,घट्ट दहि आणि मुळ्याचा ठेचा थंडित मस्त लागतो. mt
वाचने 27430
प्रतिक्रिया 49

प्रतिक्रिया

कविता१९७८ गुरुवार, 25/12/2014 12:46
मस्त प्रकार , आजच करुन पाहते

पैसा गुरुवार, 25/12/2014 13:08
मस्त प्रकार! आणि ते ताट काय सॉल्लिड दिसतंय!

बोका-ए-आझम गुरुवार, 25/12/2014 18:15
हे मिश्रण वापरून पराठे पण रापचिक होतात! दह्याबरोबर अफलातून लागतात!

hitesh गुरुवार, 25/12/2014 20:05
छान

मधुरा देशपांडे गुरुवार, 25/12/2014 23:50
मुळ्याची मुळ चव आवडत नाही पण हे असे इतर चवींचे संस्कार करुन खाऊ शकते. त्यामुळे नक्की करणार.

स्पंदना शुक्रवार, 26/12/2014 00:39
हा वेगळा प्रकार करुन पहाते. नशिबाने परड्यात मुळे आलेत! :)

स्वप्नज शुक्रवार, 26/12/2014 07:27
'मुळातच ठेचा' असे नाव वाचले गेल्यामुळे हा लेख पाकृमध्ये आल्याचे नवल वाटले. हा लेख 'धोबीपछाड' मध्ये येणे अपेक्षित होते. असो, मस्त पाकृ, तोंपासु.

साती शुक्रवार, 26/12/2014 10:05
करून बघणार. आम्ही कोणत्याही ठेच्याची सामग्री शक्यतो अगोदर तव्यावर परतून घेतो आणि मग ठेचतो. एकदा असा करून पाहिला पाहिजे.

स्नेहल महेश शुक्रवार, 26/12/2014 10:42
मस्त प्रकार , आजच करुन पाहते

सस्नेह शुक्रवार, 26/12/2014 11:34
एक शंका. मुळा मिक्सरमधून काढल्यावर परतताना गोळा होत नाही का ?

भ ट क्या खे ड वा ला शनिवार, 27/12/2014 12:17
नक्की करून पाहतो. फ़ोटो आणि वर्णनावरून छान पदार्थ आहे असे वाटते.

मनीषा शनिवार, 27/12/2014 16:07
पा.कृ चविष्टं वाटते आहे. पण मुळ्याचा वास .. जो , त्यावर कितीही संस्कार केले तरी जाता जात नाही, त्या मूळे कराविशी वाटत नाहीये.

विवेकपटाईत रविवार, 28/12/2014 16:48
हिवाळ्यात दिल्लीत मिळणारे मुळे गोड असतात. कालच मुळ्याचे परांठे केले होते. मुळ्याची दही घातलेली कोथिंबीर ही मस्त लागते. सरसों च्या साग बरोबर किसून त्यात वरती पसरवलेला मुळा, मस्त स्वाद येतो. मुळा, मुळ्याचा पाला, बेसन लाऊन ही भाजी मस्त होते. शिवाय धिरडे ही मस्त लागतात. कोवळा आणि मध्यम आकाराच्या मुळ्याचे वरचे साल काढून, त्याला अर्धी चीर देऊन त्यात चाट मसाला व वरून लिंबू पिळून ठाकले कि मस्त स्वाद येतो. दिल्लीत ठेल्यांवर हे मुळे खायला मिळतात. आम्ही घरी सुद्धा मुळे कापून त्यात चाट मसाला आणि लिंबू लाऊन सलाड सारखे खातो. असो.

स्पंदना सोमवार, 29/12/2014 05:43
अहो एव्हढ लिहीलत पण, एखादा शब्द ही पाककृती कशी वाटतेय, त्याबद्दलही येउ दे. की मुळा पुराणात विसरुन गेलात?

सूड सोमवार, 05/01/2015 20:22
मुळ्याची दही घातलेली कोथिंबीर ही मस्त लागते.
पदार्थाच्या आठवणीने लिहीता लिहीता 'श' चा 'थ' झालाय का? ;)

अत्रुप्त आत्मा रविवार, 28/12/2014 17:43
थंडी मधे अश्या अस्सल करंट देणार्‍या पाककृती(विशेषतः शेवटच्या फोटूं सारखे ,फोटू टाकून! :-/ ) टाकू नयेत, अशी विणम्र सुच्णा करुण आम्मी आम्चे दोण श्ब्द संपवितो..धण्यवाद!

कंजूस सोमवार, 29/12/2014 06:25
याला आम्ही मुळ्याचा भगरा म्हणतो. ज्वारीच्या भाकरीबरोबर चांगला लागतो. आम्ही नेहमी करतो परंतू चवीला साखर आणि लसूण घालत नाही. माझ्या मते दोन शहाणे एकत्र नांदत नाहीत (मुळा आणि लसूण दोन दर्पवाले पदार्थ एकाच भाजीत).

विजय पिंपळापुरे शुक्रवार, 02/01/2015 15:13
आणखी पौष्ठिक करायाचे असेल तर त्यात कणिक [गव्हाचे पीठ ] आणि ईतर पीठे उदा. ज्वारीचे, बाजरीचे, तांदुळाचे पीठ व चणा डाळीचे पीठ पण घालु शकता.

भ ट क्या खे ड वा ला सोमवार, 05/01/2015 10:27
काल केला . मस्त आहे रेसिपी. एक नवीन पदार्थ Ad झाला. धन्यवाद. सुदैवाने घराजवळ काही कच्छी लोक भाज्या पिकवतात, पाणि चांगले आहे. त्यामुळे मूळे ताजे मिळाले. हा ठेचा वापरून परोठे करायचा विचार आहे.

इशा१२३ सोमवार, 05/01/2015 19:57
@भ ट क्या खे ड वा ला..करून बघितलात आणि पोच दिलीत त्याबद्दल धन्यवाद! @ चिजय..हो हा ठेचा वापरून थालीपीठ्,पराठे छान होतात.

स्रुजा बुधवार, 07/01/2015 20:26
तुझा नाव इशा १२३ बदलून ठेचा १२३ ठेवायला हवं . ठेच्यांचा भांडार आहे तुझ्याकडे. मुळा मला मनापासून आवडतो आणि तुझ्या फोटो मुले अजून च टेम्प्ट व्हायला झालंय. तशी माझ्याकडे पण खूप मोठी लिस्ट आहे ठेच्ण्यासारख्या गोष्टींची :P तुझ्याकडे पाक्रु असली तर दे ;)

इशा१२३ गुरुवार, 08/01/2015 15:00
कुणाला ठेचायचे आहे त्यावर कृती ठरेल.तु सांग तशी पाकृ देतेच.=b :tongue: