सजणा...दूर व्हा ना....दूर व्हा ना.... जाऊ द्या... सोडा... जाऊ द्या

मी पण आत्ताच तो कार्यक्रम पाहिला. आणि तेव्हापासून तेच गाणं गुणगुणत आहे. :) मलाही ते गाणं फार आवडते. आर्यानेही ते फारच मस्त म्हणले. <<कुमारी आर्या आंबेकर हिचे हार्दिक अभिनंदन आणि पुढील वाटचालीसाठी तिला आमच्या लाख लाख शुभेच्छा. << शुभेच्छा ! माझे हे आवडते गाणे आहे. आंतरजालावर मी अनेक दिवस हे गाणे शोधत आहे. पण मला कुठेही मिळत नाहीये. कुणाला माहीत असल्यास/मिळाल्यास कृपया त्याचा दुवा द्यावा. --शाल्मली.

आर्याचं मनापासून कौतुक आणि तिला पुढील वाटचालीकरता शुभेच्छा...! फक्त एकच गोष्ट राहून राहून वाटते ती अशी की 'यश' हा प्रकार हल्ली मुलांच्या फार चटकन डोक्यात जातो आणि पुढील प्रगती खुंटते. आर्याच्या बाबतीत तसं होता कामा नये...! हल्ली हजारोंची बक्षिसं काय अन् काय काय! छ्या..! साला, आमच्या बाबुजींचे तर खायचेदेखील वांधे होते..! आमचे भीमण्णा म्हणतात, "की कुणीही गाऊ लागला/लागली की किमान पहिली १० वर्ष त्याला फक्त गाऊ द्यावं! त्यावर बरेवाईट, कुठलेच अभिप्राय देऊ नयेत.. परंतु हल्ली जरा कुठे एखादा राग कुणाला गुणगुणता येऊ लागला की लगेच त्यावर अग्रलेख येतो..!" :) असो, आपला, (जुनाजाणता) तात्या.

आर्याच्या आवाजाचं कौतुक आणि तिला पुढील वाटचालीकरता शुभेच्छा...! तात्यांशी सहमत. आणखी एक मला खटकणारी गोष्ट म्हणजे अशी शृंगारिक गाणी लहान मुलांकडून गावून घेतली जातात. अशा लहान वयात त्या मुलांना त्या गाण्यातील अर्थ कितीसा कळत असेल? लहान मुलांच्या नृत्यांच्या स्पर्धेत ही हेच घडते. लहान वयात अभिप्रेत नसलेले हावभाव आणि अंगविक्षेप नाचताना स्पर्धक मुले करतात. मुलांचे कौतुक होते खरे पण ते कितीसे योग्य आहे?

काल पाहिला मी हा कार्यक्रम. खरच अप्रतिमच म्हणाली ती हे गाण. :) ................ "बाहेरुन बारीक व्हावं असं खुप आतुन वाटतय." ह्या ग्राफिटीकाराना माझ्या मनातल नेमक कस कळाल असेल बर??? :) http://picasaweb.google.co.in/zakasrao

पक्या, तुमच्याशी सहमत. दुर्दैवाची गोष्ट म्हणजे, लहान मुले अशी नाचताना वा गाताना पालक प्रोत्साहन देताना दिसतात. खास करुन लहान मुले वयाला न शोभणारे हावभाव आणि अंगविक्षेप करताना पाहून आणि त्यांना प्रोत्साहन मिळताना पाहून खूपच वाईट वाटते.

http://in.youtube.com/watch?v=8vuuaQ5bVHk&eurl= काय गाणं म्हटलंय... क्या बात है.... क्या बात है.... क्या बात है..... आपला (मंत्रमुग्ध) आजानुकर्ण कृपया इथे यूट्यूब चित्रफिती चकटवू नयेत, त्यामुळे आय ई वापरणार्‍या मंडळींना त्रास होतो. युट्यूबचे केवळ दुवेच द्यावेत...! -- आणिबाणीचा शासनकर्ता.

आर्याचे कौतुक करायला शब्द थिटे पडतायत्.इतक्या लहान वयात गाण्याची इतकी समज असणे दुर्मिळ गोष्ट आहे. आर्याचे मनापासुन अभिनंदन्.आणि उत्तरोत्तर तिच्या प्रगतिचा आलेख असाच चढता रहावा हीच सदिच्छा! गाण ऐकल्यापासुन मुळ गाण आंतरजालावर शोधायचा प्रयत्न केला. आणि अखेरीस इथे सापड्ले. < http://www.gadima.com/chaitraban/html/lavnya.php> "अनामिका" अनुदिनी- http://maharashtradharma.mywebdunia.com/ http://manalig.blogspot.com/