प्रेम म्हणजे प्रेम असतं...

मृणाल .. हं ... एक दीर्घ श्वास सोडण्यात आला आहे.

सिनेमा सहज मिळाला तर बघेन. लक्ष्मीकांत बेर्डेचे जोक्स आणि हिंदी सिनेमांची नक्कल नसलेला कोणताही मराठी सिनेमा एकदा बघायची तयारी आहे. मात्र असे सिनेमे-नाटकं बघताना आपण इतिहास म्हणून सहसा बघायचं नसतंच. जुन्या काळावर आधारित काल्पनिक कथा म्हणून बघावा. म्हणजे चुकांकडे कमी लक्ष जातं. सती प्रथा वगैरेबद्दल चर्चा होईल असे मात्र वाटत नाही. त्या काळात ती प्रथा होती आणि रमाबाईंना सती जायची कोणी सक्ती केली नव्हती हे तथ्य आहेच. साक्षात जिजाबाई सुद्धा सती जाणार असं म्हणत होत्या. त्यांना शिवरायांनी थांबवलं असं वाचलं आहे.

या चित्रपटामधे इतिहास आहे, पण हा ऐतिहासिक चित्रपट नाही. युद्ध आहे, पण हा युद्धपट नाही. राजकारण आहे, पण हा राजकीय चित्रपट नाही. ही प्रेम कहाणी आहे. तिला संदर्भ इतिहासाचे आहेत.

हाच तर लोच्या आहे आपलमराएक धड ऐतिहासिक चित्रपट बनवता येत नाही आपल्याला अजुन :( माधवरावांचे उणेपुरे २८ वर्षांचे आयुष्य पण त्यात ज्या काही मोजक्या लढाया ते लढलेत अन जिंकलेत त्या निव्वळ क्लासिक पण युध्द पट करण्याचे शिवधनुष्य उचलणार कोण ?आपल्या पानिपताच्या युधावर ट्रॉय सारखा अप्रतिम चित्रपट का बरे नाही बनु शकत ? अख्खा चित्रपट सोडा पण ग्लॅडियेतरच्या सुरवातीला जर्मॅनिक ट्राईब्स बरोबरचे रोमन युध्दाचे जसे चित्रिकरण केले आहे , तसा , त्या क्वालीटीचा, एकही सीन आजवर कोणत्याच मराठी चित्रपटात पाहण्यात आलेला नाहीये :( आम्ही फक्त प्रेमकहाण्या बनवाव्यात, चित्रपटातही तेच अन सीरीयस मधेही तेच ... दुनियादारी ,प्रेमाची गोष्ट अन टाईमप्लीज श्या:... गणपतिचा सीझन आला की त्यांच्या घरी गणपती अन दिवाळी आली की दिवाळी सासवा सुनांचे वाद नाहीतर नवरा बायको एक्स्ट्रा मॅरीटल अफेयर्स एखादी व्यॅम्प नाही तर एखादी "रुपाली" म्हणुन खेकसणारी .... कंटाळा आलाय राव :( अजुन हा चित्रपट पाहिला नाहीये पण काही खास अपेक्षा नाहीत , बघुन सविस्तर प्रतिसाद देतो ... पण राजकारणावर चित्रपट बनवायला त्यात प्रेमकथा घुसडायची गरज काय देव जाणे , लिंकन पाहिला का ? सीव्हील वॅरला पुर्ण बाजुला ठेवुनही लिंकनवर किती मस्त पिक्चर बनवला होता ... त्यात लिंकनच्या वैयक्तीक आयुष्यात बायकु कशी कजाग होती ह्या विषयीचे रेफरन्स घालायची गरज पडली नाही ... असो.

मोजक्या लढाया ते लढलेत अन जिंकलेत

लढलेत ह्या शब्दावर आक्षेप. लढाईच्या जवळपास गेले असतील पण स्वता लढले वगैरे नाहीत. सदाशिवभाउ आणि विश्वासरावांनंतर कोणी पेशवा लढाई लढले वगैरे नाहीत. हा सिनेमा अगदी बोगस आहे ( कादंबरी सारखा ).

क्लासिक पण युध्द पट करण्याचे शिवधनुष्य उचलणार कोण ?आपल्या पानिपताच्या युधावर ट्रॉय सारखा अप्रतिम चित्रपट का बरे नाही बनु शकत ? अख्खा चित्रपट सोडा पण ग्लॅडियेतरच्या सुरवातीला जर्मॅनिक ट्राईब्स बरोबरचे रोमन युध्दाचे जसे चित्रिकरण केले आहे

अहो असले टिनपाट सिनेमे करुन जर वाहवा मिळत असेल तर कोणी ह्या पेक्षा चांगले करायचा प्रयत्न तरी का करावा?

इंग्रजी चित्रपटांचं व्यवसाय क्षेत्र १०० टक्के (जगभर) मानलं तर मराठी चित्रपटांचं १ टक्का (भारतातही नाही फक्त महाराष्ट्रातच) इतकं कमी आहे असं मला वाटतं. आर्थिक गणितं जुळावित कशी. दिड तासाच्या चित्रपटासाठी ते जेव्हढा खर्च करतात (व्यावसायिक परताव्यामुळे करू शकतात) तेव्हढा खर्च करणे मराठी चित्रपट व्यावसायिकांना शक्य असेल असे वाटत नाही. फरक हा राहणारच.