मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

पिझ्झा ऑन (थीन क्रस्ट) ब्रेड!!!

दिपक.कुवेत · · पाककृती
Final 1 साहित्यः पिझ्झा सॉस साठि:(करायचा कंटाळा असेल तर रेडिमेड बाजारात मिळतो) १. लालबुंद टोमॅटो - ३ २. ४ ते ५ पाकळ्या लसुण ३. १ छोटा बाउल ऑलिव्ह ऑईल ४. १/२ छोटा बाउल टोमॅटो केचप ५. पिझ्झा सीझनींग (हे रेडिमेड मिळतं) - २ चमचे ६. चवीनुसार मीठ Sauce 1 कॄती: १. टोमॅटोंना + चीर देउन उकळत्या पाण्यातुन एक ३-४ मि. घालुन ब्लांच करुन घ्या. गार झाले कि सालं काढुन मिक्सर मधे प्युरे करुन घ्या. Sauce 2 Sauce 3 २. लसुण पाकळ्या सोलुन बारीक चीरुन घ्या. आता कढईत तेल तापलं कि बारीक चीरलेला लसुण घालुन परतुन घ्या. Sauce 4 Sauce 5 ३. लसुण सोनेरी झाला कि प्युरे + केचप एकत्र करुन घाला व मंद आचेवर सतत ढवळत रहा. बाजुच्या कडेने तेल सुटु लागलं कि पिझ्झा सीझनींग मसाला थोडा तळहातावर क्रश करुन घाला. Sauce 6 Sauce 7 ४. सॉस स्प्रेड करण्याईतपत घनता आली कि गॅस बंद करा. पिझ्झा सॉस तयार आहे. Sauce 8 टिप: हे रेडिमेड पिझ्झा सीझनींग जर मिळालं नाहि तर ड्राय बेसील, ओरॅगॅनो, ईटालीयन मिक्स हर्ब्स प्रत्येकि १ चमचा घ्या आणि हलकेच क्रश करुन घाला आता थीन क्रस्ट ब्रेड पिझ्झा साठि: साहित्यः १. स्लाईस ब्रेड २. लाल, पिवळि, हिरवी भोपळि मिरची - प्रत्येकि १ चौकोनी चीरुन ३. ब्लॅक ऑलीव्हज - ३ चमचे ४. २ मध्यम कांदे चौकोनी चीरुन ५. मोझ्झेरेला किंवा आपापल्या आवडिचं चीझ ६. पिझ्झा भाजण्यासाठि तेल किंवा बटर ७. आवडत असल्यास मश्रुम्स (मी विसरलो *wink* Bread 1 कॄती: १. एका बाउल मधे चौकोनी चीरलेल्या भोपळि मिर्च्या, कांदा आणि ब्लॅक ऑलीव्ह्ज घालुन एकत्र करा. Bread 2 २. आता थीन क्रस्ट ईफेक्ट साठि ब्रेड स्लाइस घेउन पोळि लाटतो त्या प्रमाणे लाटुन घ्या. अश्या सर्व स्लाईस करुन घ्या. Bread 3 Bread 4 टिपा: १. थीन क्रस्ट ब्रेड नको असेल तर स्लाईस तशीच ठेवा. थीक क्रस्ट होईल. २. अधीक हेल्दि/पौष्टिक करण्यासाठि ब्राउन किंवा मल्टि ग्रेन ब्रेड घेउ शकता. फायनल असेंबलींगः १. नॉन स्टिक तवा मंद आचेवर तापत ठेवा. पोळपाटावर सपाट केलेली ब्रेड स्लाईस ठेवुन त्यावर पिझ्झा सॉस लावा. Bread 5 २. एकत्र केलेल्या भाज्या हलकेच सर्व बाजुनी पेरा. मोझ्झेरेला चीज घालुन टॉपअप करा. Bread 6 ३. मंद आचेवर आधी एक २ मि. भाजा. मग झाकणं ठेवुन चीझ वितळेस्त भाजा. तो पर्यंत ब्रेडची खालची बाजुहि मस्त खरपुस होईल. ओव्हन असेल तर बेक करा (त्यावर असलेल्या सुचनांनुसार). गॅस मंदच असु द्या अन्यथा ब्रेड खालुन करपेल. Bread 7 Bread 8 ४. गर्मागरम ब्रेड पिझ्झाचा लुफ्त घ्या टिपा: १. आवडत असल्यास सर्व करतेवेळि वरुन चीली फ्लेक्स / पारमेझान चीज घालायला विसरु नका. २. नॉन व्हेज वाले ह्यात त्यांच्या आवडिने व्हेरीएशन्स करु शकतात. ३. भाज्या अश्याच थोड्याश्या वाफवुन मस्त क्रंची राहतात पण तश्या नको असतील तर टॉपींग करण्याआधी कढईत घालुन एक/दोन वाफा काढुन घ्या. पण त्यात मजा येत नाहि आय मीन खाताना त्या ओलसर लागतात आणि वाफवल्यामुळे कदाचीत ब्रेडवर नीट सेट होणार/बसणार नाहित. ४. ह्याच ब्रेडचे चार भाग केले कि बाईट साईझ मिनी पिझ्झा ह्या नावाने पार्टि स्टार्टर म्हणुन सर्व करता येतील. ५. हा असा सॉस रेडि करुन ठेवला कि झट्पट कधीहि मनात आल्यावर पिझ्झाचा लुफ्त घेता येईल. काय मग कोसळणारा धो धो पाउस, हे असे बाईट साईझ पिझ्झा आणि वाफाळणारा आलं किंवा पाती चहा घालुन केलेला चहा....कस वाटतं चित्र??? चियर्स... *drinks* Final 2
वाचने 17676 वाचनखूण प्रतिक्रिया 46

ब़जरबट्टू Mon, 08/04/2014 - 15:05
आवडला... *ok* झक्कास... ( स्वगत :- हे एक स्मायल्यांचे बेष्ट्र झाले राव.... *ok* *biggrin* *mosking* *new_russian* *drinks* )

सविता००१ Mon, 08/04/2014 - 15:30
काय बेक्कार माणूस आहेस रे तू....... सतत छळवाद आणि तोही सुंदर. काय करावं आम्ही? *sad*

पैसा Mon, 08/04/2014 - 15:33
हा दुष्ट माणूस आला परत! पण यावेळची पाकृ जरा सोप्पी आहे! करून बघेन!

अनन्न्या Mon, 08/04/2014 - 18:13
मस्त आवडती डीश! मी पण फ्राय पॅनमध्येच करते पिझ्झा, त्या वेगवेगळ्या रंगाच्या भोपळी मिरच्या मिळत नाहीत.

भाते Mon, 08/04/2014 - 19:58
नक्की करून बघेन. श्रावण संपल्यावर चिअर्स! चहाबरोबर खाण्यापेक्षा, श्रावण संपल्यावर, रंगीत पाण्याबरोबर चकणा म्हणुन खायला आवडेल. अर्थातच, तोपर्यंत पावसात स्वत: करून खायला आवडेल. याआधीच्या सोमवारी टाकलेल्या पाकृ माफ. :) श्रावण संपेपर्यंत अश्याच शाकाहारी पाकृ आणखी येऊदे.

अत्रुप्त आत्मा Mon, 08/04/2014 - 20:48
भूक..भंयंकर चाळवणारे फोटू! ;) आणि वर्णनंही! *biggrin* शेवटाच्या फोटुतले दोन्ही,कल्पनेनी(म्हणजे माझ्या मनानी केलेल्या! *man_in_love* ) उचलून...वचावचा खाऊन टाकणेत आलेले आहेत! *i-m_so_happy*

दिपक.कुवेत Wed, 08/06/2014 - 10:43
अजुन एक कल्पना सुचली आहे. जर पिझ्झा नको असेल तर सॉस तसाच ठेवुन भोपळि मिरच्या, कांदा, उकडलेले बटाटे आणि काकड्या गोल कापुन पिझ्झा चिझ सॅन्डविच बनवु शकतो. पिझ्झा चा फ्लेवर आणि सॅन्डविच ची मजा...दोन्हिहि.

अनन्त अवधुत Wed, 08/13/2014 - 05:50
एक तर आहे हीच पाककृती तोंडचे पाणीपिपासू आहे , त्यात आणखी उपप्रकार कशाला. येत्या शनिवारी / रविवारी मुख्य पाकृ करून पाहण्यात येईल.

इशा१२३ Tue, 08/12/2014 - 09:59
मस्त!!मी वाटीने ब्रेड गोल कापून घेते.आणि छोटे पिझ्झा बनवते असेच. पण पिझ्झा सॉसची कृती मला नविन.आवडली.मी तयार सॉस वा एखादे स्प्रेड वापरते.असा ताजा सॉस करेन आता.याची चव नक्कीच जास्त छान लागत असेल.

विशारद Tue, 09/09/2014 - 20:13
आल्मोस्ट असाच पिझ्झा केला होता. फक्त मैदा पोटात नको जायला, म्हणून देसी चवी वापरल्या होत्या. पिझ्झा बेस म्हणून थालिपीठ वापरले होते. शिवाय चिली फ्लेक्स वापरले होते सर्व्ह करताना...

दिपक.कुवेत Wed, 09/10/2014 - 11:10
थालीपीठ पिझ्झा बेस म्हणून वापरायला ठिक आहे पण भाजणीला मुळातच स्वःताची अशी एक चव असते त्यात पिझ्झा आयटम घातले तर चवींचाच पिझ्झा होईल. मैदा अगदिच टाळायचाच असेल तर मल्टि ग्रेन किंवा बाउन ब्रेड वापरु शकतो. ब्रेडच टाळायचा असेल तर बेस्ट आपल्या कणकेच्या पोळ्या/फुलके (जरा जाडसर लाटलेल्या).

दिपक.कुवेत Wed, 09/10/2014 - 21:26
भाकरी (पातळ लाटलेली) किंवा पिटा ब्रेड हे ऑप्शन्स आहेत. जाडसर डोसा किंवा उत्तपा कितपत क्रिस्प होईल शंका आहे. पातळ डोसा क्रिस्प/कुरकुरीत असतो पण त्यावर टॉपिंग्ज बसणार नाहित. बेसीकली ज्या पदार्थाचा बेस जाड आहे आणि शेकल्यावर क्रिस्प होउ शकतो असं काहिहि चालेल.