वारली चित्रकला

नमस्कार मंडळी

नवीन मिपाचे फोटो अपलोड फिचर वापरुन लेखातील चित्रे अद्ययावत केली आहेत.

====================================

वारली चित्रकलेची मी तुम्हाला वेगळी काय ओळख करुन देणार? ठाणे जिल्ह्यातील आदीवासींनी जपलेली आणि वाढवलेली ही कला श्री.जिव्या सोमा मशे यांच्यासारख्या कलाकारांनी सातासमुद्रापार पोचवली आहे. ही नुसतीच चित्रशैली नसुन ती भाषासुद्धा आहे असे काहीजण मानतात. म्हणजे एखाद्या घरात लग्नकार्य असेल तर घरावर काढलेल्या चित्रांमधुन ते गावाला समजते. तसेच पूजा, सणवार, रोजचे जीवन असेही विषय चित्रात असतात. तर मलाही कधीतरी हा किडा चावला आणि मग सुरु झाला एक प्रवास. वारली कलेची पुस्तके मिळविणे,वाचणे, गुगलुन अजुन माहीती मिळवणे सुरु झाले. कागदावरुन कॅन्व्हासवर आणि कॅन्व्हासवरुन भिंतीवर अशी माध्यमे बदलत गेली.असाच हा एक प्रयत्न..आपल्याला आवडल्यास जरुर कळवा