सावजी चिकन

मस्तय !!! करून बघतो

हे दगड्फुल मिळत नाही ग आमच्या येथे. अन या आधीचा सावजी मसाला सपशेल गंडला माझा. आता तुझ्या पद्धतिने करुन पहाते.

जोहार घ्यावा मॅड्डम.

मस्त पाकृ. शेवटचा फोटो तर काय कातिलाना आलाय!

आमच्या कामाची नाही पा.कृ.! पण सुंदर सादरीकरण आणि फोटोसाठी प्रतिसाद!!

सावजी मसाल्याची पा.क्रु. दिल्याबद्दल.

देवा सानिकास्वप्निल यांना क्षमा कर.... त्या कसले कसले जीवघेणे फोटो टाकतात हे त्यांना कळत नाही. -दिलीप बिरुटे

नेहमीप्रमाणेच जबरदस्त फोटो व छान पाकृ! ताजा मसाला बनवला असल्याने त्याची एक वेगळीच छान चव येईल असे वाटते. खोबरेल तेलामुळेही एक छान चव नक्कीच येणार! धन्यवाद.

हा सावजी मसाला किती दिवस टिकु शकतो म्हणजे जरा मोठ्या प्रमाणात केला तर? सावजी मटण एकलयं ते हि असचं असेल ना?

फर्मास ! फोटो बघूनच पोट भरले !

क आणि ल्ला पाकृ !!

झक्कास. हे हाणताना नाका डोळ्यांना धार लागली नाही तर मज्जा नाही. :)

शेवटचा फोटो पाहताना मी जिभेवर ती चव जाणवु शकतो.

सावजी चिकन काय दिसते आहे...वा वा वा. ज्वारीची किंवा तांदळाची भाकरी हवी सोबत. आणि साधा भात. भरपूर पुण्य गाठी असले म्हणजे हे सुख देखील वाट्याला येते कधी कधी... असे चिकन असल्यावर मला मात्र भाकरी कुस्करल्याशिवाय चैन पडत नाही. भाकरीचे तुकडे मोडून त्याला चिकनचा स्पर्श करून खाणे नामंजूर! भाकरीच्या कुस्कर्‍यामध्ये चिकनचा रस्सा ओतावा, चिकनचे लुसलुशीत तुकडे त्यात कुस्करावेत आणि कपाळावर येत असलेला घाम पुसण्याचीही तसदी न घेता फक्त खात रहावे. शेवटी साध्या मोकळ्या भातासोबत चिकनचा हा झणझणीत रस्सा खूप सुरेख लागतो. मला आठवते कधी काळी कॉलेजला असतांना हाफ बटर चिकन किंवा हाफ चिकन हैदराबादी आणि ६-७ तंदुरी रोट्या मी एकटा फस्त करत असे. असे तुडुंब जेवण झाल्यावर दोन चटणी पानांचे तोबरे भरून वसतिगृहाच्या आमच्या खोलीमध्ये गप्पांचा आणि गाण्यांचा अड्डा जमत असे. पहाटे ३-४ पर्यंत तुफान गाणी म्हणून झाल्यावर आम्ही झोपत असू. पुण्यात सदाशिव पेठेत पेरु गेट पोलीस चौकीजवळ गोपी नावाचे एक मांसाहारी हॉटेल आहे. तिथे आम्ही बर्‍याचदा चिकन हादडायला जात असू. आता घराजवळ खांदेश नावाचे खांदेशी चिकनचे हॉटेल आहे. अगदी दोन-तीन वर्षांपूर्वीपर्यंत तिथे अधून-मधून मी (एकटाच) जात असे. एक चिकन थाळी आणि एक चिकन सुक्क्याची प्लेट घ्यायची. दोन किंवा तीन भाकरी घ्यायच्या. दोन प्लेट लालभडक गरमागरम चिकन रस्सा मागवायचा आणि तिथे काम करणारे वेटर्स काय विचार करतायेत हा विचार न करता हा यज्ञ सुरू करायचा. नंतर दोन पाने चघळत चघळत घरी जायचे. वा वा वा... चिकनमध्ये मसाला आणि तेल कमी वापरून ते चवदार बनवणे ही कला आहे. अगदी साधे चिकन देखील चवीच्या बाबतीत शाही मुर्ग मुसल्लमच्या कानफडीत मारू शकते हा स्वानुभव आहे. मी २००८ मध्ये शिकागोमध्ये असतांना माझा खोलीमित्र साधे परंतु इतके चविष्ट चिकन बनवायचा की मी स्वखुशीने भांडी घासावयाचे काम माझ्याकडे घेतले होते. :-) अर्थात त्या चिकनची जातकुळी निराळी; खांदेशच्या चिकनची, कोल्हापुरी चिकनची, सावजी चिकनची, मालवणी चिकनची, अवधी चिकनची, केरळ चिकनची...प्रत्येक पाककृतीची जातकुळी अगदीच निराळी. प्रत्यकाची मजा निराळी...हे सगळं खाऊन मिळणारा आनंद मात्र एकच, परमानंद! अत्युच्च अशा प्रकारचे सुख! आता सावजी चिकन खाणे आलेच. किती किती लक्षात ठेवायचं प्रश्नच आहे. चांगलं खाणं, चांगले चित्रपट, चांगली पुस्तके, चांगली ठिकाणे, चांगली माणसे, चांगले मित्र...एवढं सगळं चांगलं असतांना आयुष्यात प्रॉब्लेम येतातच कसे म्हणतो मी...

मस्त पाकृ...शेवटचा फोटो, त्यातील कांद्याच्या पाकळ्यांची सजावट सग्गळच भारी!!

यातील शाकाहारी कृती सांगावी ही विनंती.

नेहमीप्रमाणेच मस्त फोटो व छान पाककृती. माझी सुरवात मसाल्याचे पदार्थ ओळखण्यपासून करावी लागेल असे वाटते आहे.....

मस्तच !

डाएट ला सुरुंग लावल्याबद्दल णिशेध!!!!!!! :)... बाकी रेसिपी आणि फोटु नेहेमीप्रमाणे उत्तम =)) !!!! (आज शिक्रण आणि मटारभातावर चैन करणारा) अनिरुद्ध

पाकृ, फोटो सगळं मस्तच!

काय तो रंग रश्श्याचा.. इथे कानडी आप्पांच्या नगरीत कुठे असली करामत .. नशीब जेवण झाल्यावर पाहिला धागा.. आणि ते शेवटच्या फोटोत कांद्याचं (बहुतेक) जे फूल सजवलं आहे तेही तितकंच कातिल आहे.. सानिकातैंच्या पदार्थांच्या यादीचे सुद्धा फोटो इतके देखणे कसे येतात हे मला कधीही न उलगडलेलं कोडं आहे.

भ न्ना ट !

तों. पा. सु. - तोंडाला पाणी सुटले. एकदम झकास… :)

सावजीची पाकृ छान आहे. पण रंग लाल आहे. बर्‍याच ठिकाणी काळा मसाला वापरत असल्याचे लिहिले आहे त्या मुळे रश्याचा रंग काळसर येतो असे वाटते .

तरीही हि पाककृती आमच्या नजरेतून सुटल्यामुले स्वत:चाच निषेध !!! तरीही हे आता करून खाणे आले ... खाऊन झाल्यावर कळवण्यात येईल ..

ए! मी दगड्फुल आणलय भारतातुन. आता करते तुझा मसाला.

मस्तच!

माझा मित्र आहे प्रॉपर सावजी समाजातला त्याची आई झकास बनवते हा प्रकार फ़क्त त्या काकू ह्यात ज्वारीच्या पीठा ऐवजी पंढरपुरी डाळव्याची बारीक पूड किंवा पीठ वापरतात