डाळ तांदळाची खिचडी हा एक सोपा प्रकार सर्वानाच माहीत असतो इथे त्याचेच जरा वेगळे रूप तांदळा ऐवजी तुकडा गहु वापरतात. अर्थात त्यामुळे चवीत बराच फरक पडतो. डाळ , गहू भाज्या असा एक परीपूर्ण आहार मिळतो साहित्य : फाडा ( तुकडा गहु) ( एक वाटी), मुग डाळ ( अर्धी वाटी) , कांदे ( तीन मध्यम आकाराचे) , वटाटे ( एक मध्यम आकाराचा) , मोड आलेली कडधान्ये ( अर्धी वाटी) , आले ( अर्धा इंच) फोडणी साठी. मिरच्या , राई , जिरे , मेथी दाणे , हिंग , हळद मीठ तेल( फोडणी पुरते) गरम मसाला. पाणी पाच कप फाडा हा किमान सहा सात तास भिजवून ठेवावा लागतो. तरच तो नीट शिजतो. मुगाची डाळ धुवून घ्यावी कांदे बारीक चिरुन घ्यावेत. आले खिसुन घ्यावे. बटाटे मिरच्या तुकडे करून घ्याव्यात. इतर मसाले वेगळे काढून घ्यावेत फोडणी साठी फ्रायपॅन तापवत ठेवावी त्यात तेल टाकावे. तेल गरम झाले प्रथम राई टाकावी त्या नंतर मेथी दाणे, जिरे, हिंग आणि सर्वात शेवटी मिरची आणि आले टाकावे यानंतर कांदे व बटाटे फ्रायपॅन मधे टाकावे. मोड आलेली कडधान्ये टाकावीत. कांदा किंचीत गुलाबी रंगावर येईपर्यन्त फ्रायपॅन मधे झार्‍याने हलवुन घ्यावे. फाडा भिजवलेले पाणी वेगळे काढून घ्यावे. यानंतर फाडा आणि मुगाची डाळ फ्रायपॅन मधे मिश्रणात टाकावी. फाडा आणि मुगाची डाळ किंचीत कोरडी/सुट्टी होई पर्यन्त भाजावी. फाडा सुका होत आहे असे जाणवल्या नंतर फ्रायपॅनमध्ये पाणी घाला थोडीशी उकळी आल्यानंतर हळद आणि मीठ टाकावे.आणि ढवळावे. आणखी एक उकळे आल्यानंतर गरम मसाला घालावा. फ्रायपॅन ला झाकण लावून दहा मिनीटे उकळू द्यावे. पाणी आटू द्यावे. साधारण खिचडी इतका घट्टपणा आल्यानंतर फ्रायपॅन शिजवणे थांबवावे. "फाडा नो खिचडो" रेडी तू ईट. यात हवे असेल तर वांगी, किंवा तोंडली , गाजर फ्लॉवर या सारख्या इतर भाज्या वापरु शकतो. आवडत असल्यास सुक्या खोबर्‍याचे काप घातली तरी चालतील मात्र ते खिचडो ला फोडणी देत असतानाच फ्रायपॅन मधे टाकावे. वाढते वेळेस गरमागरम "खिचडो" वर तुपाची धार आसल्यास लज्जत आणखी वाढते. टीपः फोडणीत आवडत असल्यास लसूण वापरु शकता.