Skip to main content

गविकाकाचा सल्ला.

लेखक मन यांनी शुक्रवार, 10/01/2014 14:26 या दिवशी प्रकाशित केले.

पेप्रात बरीच सदरं येतात. त्यातली काही "विचारा तुमच्या शंका" किंवा "इथे मिळतील सल्ले" स्टाइल असतात.
त्यातील काही टिपिकल प्रश्न गविकाकांना विचारावेत म्हटलं. त्यांचाही झटकन प्रतिसाद आला.
तुम्हालाही काही प्रश्न व शंका असल्यास गविकाकांना सल्ला विचारु शकाल.
एक टेम्प्लेट केस येथे देत आहे.

प्रश्न:
काका, मी इयत्ता दहावीत आहे. आमच्या शेजारी एक ताई राहते. तिच्याविषयी माझ्या भावना वेगळ्या आहेत.
मला ती खूप आवडते. ती जाता येता माझ्याशी बोलते. नुकतीच ऑफिसला जाताना एकदा ती मला "बाsय" असं म्हणाली. यामुळे तिच्याही मनात फीलिंग्ज आहेत हे मला समजलं.
तेव्हापासून माझं तिच्याकडेच लक्ष लागलेलं असतं. तीही जाता येता माझ्याशी बोलते. मी तसं अजून तिच्यापाशी बोललो नाहिये. पण मी सुरुवात कशी करु याविषयी कृपया सल्ला देणे. माझे अभ्यासाचेही नुकसान होत आहे.

एक विद्यार्थी.
.
.
गविकाकांचे उत्तरः

श्री. रा.रा. विद्यार्थी, नमस्कार.

गहन आहे प्रश्न.. पण करतो प्रयत्न.

तुम्ही दहावीत आहात. एका शैक्षणिक वर्षास एक मानवी वर्ष या प्रमाणात तुमचे आजपावेतोचे शिक्षण झाले आहे असे मी गृहीत धरतो. म्हणजेच आपण अंदाजे १४ वर्षाचे आहात.

तुम्ही उल्लेख केलेली "ती" ऑफिसात जाताना तुम्हाला निरोप घेण्यासदृश हावभाव आणि अविर्भाव करते. बालकामगार गुन्ह्याचे या बाबतीत उल्लंघन झालेले नसून "ती" नोकरी करण्याच्या कायदेशीर वयाची आहे असंही मी गृहीत धरतो. शिवाय ती ऑफिसात कामावर जाते, (बांधकामावर नव्हे) असं उल्लेखावरुन दिसत असल्याने तर्कदृष्ट्या ती किमान डिग्रीपर्यंत शिकली असावी. तस्मात तिचे वय वीस वर्षांच्या वर आहे असेही मी गृहीत धरतो.

याचाच अर्थ ती तुमच्यापेक्षा किमान सहा वर्षांनी मोठी आहे. तसे असण्यास काही हरकत नाही. तसे असल्यास ती आवडण्यासही काही हरकत नाही. पण जग हरकतींपेक्षा शक्यतांवर चालत असते हा एक मोठा दु:खद नियम आहे. त्यामुळे कु. (हेही एक गृहीतक मांडायचे अंमळ विसरलो) "ती" हिज आपण आवडत असलात तरी लैंगिक पुनरुत्पादनाच्या उद्देशाने (ज्याला अंकुरावस्थेत प्रेम असेही म्हणतात), आवडत असाल अशी शक्यता बिंदुवत वाटते. त्यामुळे तुमच्या भावनांशी पूर्णपणे सहानुभूति ठेवूनही तुम्ही उल्लेखलेली "ती" तुमची "ही" होण्याची शक्यता नगण्य असल्याने आपण खुद्द हपीसात जाण्याच्या वयापर्यंत कळ काढून त्या वेळी तत्कालीन दहावीतल्या "तीं"ना "हाय" करावेत असे सुचवून पाहतो.

तोसवर आपल्या भावनांचे दमन करण्याची गरज नाही. नैसर्गिक गोष्टींना अनैसर्गिक समजू नका इतकेच सांगतो. बाकी दहावीत असल्याने तुम्हांस अधिक स्पष्टीकरण नकोच अशी आशा.

आपला का?का?.

गवि.

.
.
.
ता.क.:
वाचकांनीही आपल्या आयुष्याशी संबंधित प्रश्न विचारावेत. दर आठवड्याला किंवा गविकाकांचे जेवण उत्तम झाले असल्यास केव्हाही निवडक प्रश्नांची उत्तरे देण्यात येतील.

द.ही.:

फाजील प्रश्नांना प्रश्नकर्त्याचे दुर्दैव समजले जाईल.

--मनोबा व गविकाका

वाचने 33669
प्रतिक्रिया 194

प्रतिक्रिया

कवितानागेश शुक्रवार, 10/01/2014 22:27

ते तुम्ही डायरी कुठे लिहिताय त्यावर अवलंबून असतं.
शिवाय तुम्ही डायरीत काय काय लिहिता त्यावरही अवलंबून आहे.
शिवाय तुम्ही डायरी कशाला समजताय, आणि लोक कशाला समजतील यावरही अवलंबून आहे.
पण डायरी लिहावी असच थोर थोर लोक सांगतात, तेंव्हा आपण आपली बिनधास्त लिहावी...

गविकाकापण हेच सांगतील, बघच तू! ;)

विकास शुक्रवार, 10/01/2014 20:25

सहानुभूति ठेवूनही तुम्ही उल्लेखलेली "ती" तुमची "ही" होण्याची शक्यता नगण्य असल्याने

पायाच्या तळव्याला बाशिंग लावणार्‍यांना होप्सच देयचे असले तर आदीत्य पांचोली आणी झरीना वहाब ( मला वाटते १५ वर्षाचा फरक, अजून ही विवाहीत जोडपेच) अथवा डेमी मूर (१९६२) आणि अ‍ॅशटन कुचर (१९७८) - १६ वर्षाचा फरक (हे आठ वर्षाच्या विवाहसंबंधांनंतर आता वेगळे झालेत पण त्यांचे विवाहसंबंध होणे हे कायमच आगळेवेगळे राहील). ;)

सुहास.. शुक्रवार, 10/01/2014 21:32

बेड बदला
टॉवेल बदला ( रुमाल देत जा ;) )
बेडरूम बदला (बाथरूम मध्ये बेड घालत जा )
जमल्यास .....हॅ हॅ हॅ

बर्फाळलांडगा शुक्रवार, 10/01/2014 22:06

हा प्रतिसाद हमखास उड्व्णार वाटलं होत.... !

जेनी... शुक्रवार, 10/01/2014 22:12

ओह्ह ख्म्मॉन बर्फु काका ... का बरं उडेल प्रतिसाद ... संपा काका असं कै पण नै उडवत :-/
बाकी सल्ला गहण रीत्या विचारात पाडणारा आहे खरं ! :D

प्यारे१ शुक्रवार, 10/01/2014 22:25

'आहे त्याच नवर्‍याची सवय सोडवायची' वगैरे काही अट नव्हती का गो बाळे?
नवीन नवरा जेवताना बोलत असेल, बोलताना थुंकी उडवत असेल, नांदण्यासाठी आवश्यक अमुक करत असेल तर????
परत चेन्ज????

आदूबाळ शुक्रवार, 10/01/2014 22:28

"मला डाव्या हाताने उजवा कान खाजवायला मज्जा येते. मी काय करू?"

(मुक्तपीठ-प्रतिक्रिया-साम्राज्ञी पुण्यग्रामदैवत-उपाध्ये-उपनामभगिनी यांची ष्टाईल मारायचा क्षीण प्रयत्न)

कवितानागेश शनिवार, 11/01/2014 10:11

गविकाका,
१. या मारकुटेकाकांना इतके प्रश्न का पडतात? ;)
२. मन (आयडी) कुठे गेलाय?
३. हे वरचे प्रश्न 'वैयक्तिक' होतात का?
४. गांडूळशेती कशी करावी?

मन१ सोमवार, 13/01/2014 00:08

२. मन (आयडी) कुठे गेलाय?
मनोबांच्या हापिसातून मिपा उघडत नाही.
उर्वरित वेळात इंटरनेटसाठी वेळ काढणे जमत नाही. :(

तिमा शनिवार, 11/01/2014 11:42

तरुणपणी,माझ्यापेक्षा वयाने मोठ्या असलेल्या एका मुलीवर, मी प्रेम केले होते. आता मी ८५ वर्षांचा विधुर असून ती ९१ वर्षांची आहे. नुकतेच तिचे मिस्टर ९५ वर्षांचे होऊन गेले. तर आता मी तिला प्रपोज करु का, याबद्दल द्विधा मनस्थिती झाली आहे. आपण यातून मार्ग दाखवू शकता का ?

मारकुटे शनिवार, 11/01/2014 11:44

वर्षभर वाट पहा. त्याकाळात गविकाकांनी चान्स नाही मारला तर तुम्ही प्रपोज करुन पहा. फक्त तेवढ्याकाळात तुम्ही खपू नका.

Rahul Bhuskute रविवार, 12/01/2014 10:24

नमस्ते गविकाका

माझा प्रश्न असा आहे की ,

एका मित्राचे वय ३७ झाले आहे . पूर्वी ३ मुलीनी नकार दिला म्हणून प्रेमभन्गा तून आलेल्या नैराश्यामुळे अधिक मुली पाहिल्या नाहीएत .तसेच इतर कोणी कुटुम्बीय देखिल लग्नासम्बन्धी मदत करण्यास उत्सुक नाहित ,...

तर काय करावे ?

म्हणजे आध्यात्मिक प्रगती साठी हिमालयात जावे कि मुली बघणे साठी वगैरे प्रयत्न सुरु ठेवावेत ? आणखी किती काळ?

मन१ सोमवार, 13/01/2014 00:14

सर्व वाचक, प्रतिसादकांचे मनःपूर्वक आभार.
गविकाकांनी प्रतिसादातूनही बॅटिंग भारी केलिये.
.
हे सदर सुरु ठेवता येइल.
तुम्हा मंडळींकडे असले काही प्रश्न असतील तर बिन्दिक्कत मला पाठवा.
त्यातल्या काहिंना गविंनी दिलेली उत्तरं प्रकाशित केली जातील.
(त्यासाठी नवा धागा काढायचा कीए ह्याच धाग्यात ती अ‍ॅड करायची हे अजून ठरलेले नाही.)
दर आठवड्याला (किंवा दर धागा प्रकाशित होतेवेळी) एक "विनर" प्रश्न असेल.
त्या आयडीच्या खरडवहित मोठ्या, ठळक फॉण्टमध्ये "गविकाकांच्या सल्ल्याचे भाग्यवान विजेते" असं लिहिल जाइल.
तर मग एण्ट्री पाठवत रहा. तुमच्या म्नातल्या शंका...उत्तरं गविकाकांची.
प्रश्न तुमच्या डोक्यातले,कल्पित असले, तरी चालतील. तुमच्या ऐकण्यात कुणा परिचिताचे असले, तरी चालतील.
किम्वा पेप्रात छापून येतात, त्यावरून प्रेरित होउन त्यास्टाइलवर लिहिले असले तरी चालतील.
चला मग सुरु होउ द्यात मिपाकरांच्या सुपीक डोक्यतील प्रश्न शेती.
.
.
आणि हो.....गविकाकांचे विशेष आभार.

श्रीरंग_जोशी सोमवार, 13/01/2014 06:16

गविकाका गविकाका, सर्वसामान्यांच्य हितासाठी गेल्या पाच दशकांपासून दिवसरात्र झटणार्‍या बारामतीच्या काकांना यंदा पंतप्रधानपदी बसवण्यासाठी काय करता येईल?

बारामतीच्या काकांखेरीज इतर कुणी मराठी माणूस भविष्यात भारताचा पंतप्रधान बनू शकेल अशी शक्यता आज तरी दिसत नाही.

विटेकर सोमवार, 13/01/2014 10:29

या धाग्याचे नाव " गविकाकांचा सल्ला " अस स्पष्ट असून्देखील अनेक प्राणिमात्रांनी सल्ले दिलेले आहेत. (त्यात मान्नीय संपादक सुद्धा आले !) तेव्हा सं म ने याची खबरदारी घ्यावी ही विणंती ! आणि अन्य प्रतिसाद उडवून धाग्याचे शुद्धीकरण करावे हा सल्ला !

छ्या .. मेली एक गोष्ट शिस्तित होत नाही मिपावर ! शिस्तच नाही आजिबात !

पैसा सोमवार, 13/01/2014 11:45

असल्या मौजमजेच्या धाग्यावर बाकी लोकांनी लिहूच नये असं तुमचं म्हणणं आहे का? मग इतर गंभीर धाग्यांवर अवांतर तर काहीच शिल्लक ठेवता कामा नये!

विटेकर सोमवार, 13/01/2014 12:00

मौजमजा???

लोक इथे शिरियशली काहीतरी विचारत आहेत , गविंसारखे मातब्बर त्यांचे शंका समाधान करत आहेत आणि समं ला इथे मौजमजा सुचते आहे ??????

लोक हो, आम्हाला "भाकर मिळत नसेल तर शिरापुरी खा "सुप्रसिद्ध झरिना वाक्याची आटव्ण झाली आणि ड्वोळे पाणावले !!
.
.
.
.
.
.

.

मा. केजरीवाल - या अन्यायाकडे लक्ष देतील काय ? ( हल्ली त्यांनी सर्व " अन्यायाचे " घाऊक कंत्राट घेतले आहे..म्हनून त्याना विचारत आहे !)

बॅटमॅन सोमवार, 13/01/2014 12:16

सुप्रसिद्ध झरिना वाक्याची आटव्ण झाली

रशियावाली झरिना नै हो, मेरी आंत्वानेत फ्रान्सची.

विटेकर सोमवार, 13/01/2014 12:21

ग्लतीची मिस्टेक झाली .. का कुणासठाउक ती झरीनाच माझ्या डोक्यात बसली आहे...
ही चूक मी दुसर्यांदा केली..
गविकाका-
चूक दुसर्यांदा का होते ? काही उपाय ?

शिद सोमवार, 13/01/2014 13:59

गविकाका - येथील पुरुष सदस्य स्त्री सदस्यांना "माझ्याशी मयत्रि कर्नर का?" असे का विचारतात? ;)