आंबोशीचे (सुखांबाचे) लोणचे

साहित्यः एक वाटी सुकवलेल्या कैरीच्या फोडी, एक वाटी गूळ, पाव वाटी मोहरी, एक चमचा मेथी, मीठ चवीनुसार, तिखट दोन चमचे, पाणी, तेल पाव वाटी, हिंग, मोहरी, हळद फोडणीसाठी. कृती: प्रथम दोन-तीन वाट्या पाणी उकळावे. गॅस बंद करून या पाण्यात कैरीच्या फोडी घालून दहा मिनिटे झाकून ठेवावे.दहा मिनिटांनी फोडी पाण्यातून काढून चाळणीवर टाकाव्या. गूळ एका पातेल्यात घेऊन पाऊण वाटी पाणी घालून पाक करावा. गूळ विरघळला की गॅस बंद करावा. मोहरी पाणी घालून मिक्सरवर फेसून घ्यावी. मेथी तळून पावडर करावी. पाव वाटी तेलाची मोहरी, हिंग व हळद घालून फोडणी करावी. फोडणीत अर्धा चमचा तिखट घालावे, त्यामुळे छान रंग येतो. गुळाच्या पा़कात फेसलेली मोहरी, मेथी पावडर, तिखट, मीठ आणि तयार फोडणी मिसळावी. आता तयार मिश्रणात कैरीच्या फोडी मिसळाव्यात. दोन दिवसात लोणचे मस्त मुरते. चवीला एकदम तोंपासु!