Skip to main content

भ्रमण जर्मनी.. ००

लेखक यसवायजी यांनी सोमवार, 09/12/2013 23:21 या दिवशी प्रकाशित केले.
-------------------------------------------------------------------------- भ्रमण जर्मनी.. ०० भ्रमण जर्मनी.. ०१ - म्युनिक भ्रमण जर्मनी.. ०२ - साल्झबर्ग (ऑस्ट्रिया) भ्रमण जर्मनी.. ०३ - नॉयश्वानस्टाईन कॅसल भ्रमण जर्मनी.. ०४ - कलोन -------------------------------------------------------------------------- जर्मनी.. BMW,फोक्सवॅगन, 'मर्सी' वाली जर्मनी.. FC Bayern Munich च्या 'जर्सी' वाली जर्मनी.. ब्लॅक फॉरेस्ट,हॅमबर्ग, कूकू क्लॉक'वाली जर्मनी.. रोमँटीक रोडवरच्या वॉक वाली जर्मनी.. बर्लीन, फ्रँकफर्ट, म्युनीक 'ओक्टोबर्-फेस्ट' म्हणजे जर्मनी.. जगात भारी अशी, 'बियर अ‍ॅट इट्स बेस्ट' म्हणजे जर्मनी.. हिटलर, नाझी,अन महायुद्धातली 'आग' म्हणजे जर्मनी.. राख...., पुन्हा पेटलेला 'चिराग' म्हणजे जर्मनी.. Exhibitions , ख्रिसमस मार्केटच्या 'धूम' वाली जर्मनी.. टेक्नॉलॉजीकल, इकॉनॉमीकल 'बूम' म्हणजे जर्मनी.. (बास आता.. न्हाईतर तेल हितच संपायचं.. :D ) तर... ऑन-साईट जाणं (आम्हा बिगर ऐटीवाल्यांच्या) नशीबात नाही, आणी स्वखर्चाने परदेशी जायची (अजुनतरी) ऐपत नाही.. ४-५ वर्ष चांगली 'घासवून' घेतल्यावर आमच्या सायबाला थोSSडी दया आली आणी म्हणाला, "जा पोरांनो.. करा मज्जा.." महिनाभर जर्मनीचा पोग्राम ठरला. आणी पहिल्यावहिल्या परदेशगमनाची तयारी चालु झाली. पुन्ह्यांदा 'अपुर्वाई' वाचुन काढलं.. पोटातले कावळे जादा ओरडाय लागले तर त्यांच्यापुरती कामाला येईल एवढी पाककला शिकुन घेतली. तशी भुक लागल्यास दिसलं ते खायची तयारी होतीच म्हणा.. MTR चे रेडी-टू-कुक, मॅगीची २५-३० पाकीटे, १ कुकर, प्रती-डोकी ४-५ किलो तांदुळ, ३ जीन्स, ५-६ टी-शर्ट यांनी बॅगा भरल्या.. १००० युरो कॅश आणी १००० चे डेबिट कार्ड थॉमस कुक कडुन घेतले. ९ जुन २०१३. पहाटे ५.५५ ची फ्लाईट. टर्कीश एअरलाईन (सस्तातली) न्युरेंबर्गला जायचं होतं. तिथं वैशाख वणवा चालु होता. मुंबई-इस्तांबुल-न्युरेंबर्ग असा प्रवास होता. भारतातल्या ४ टोकाची ४ टाळकी मुंबईत जमली. दिल्लीवाला म्हणाला, "याSSर.. ऑक्टोबरफेस्ट मै जाना चाहिए था याSSर.." म्या म्हटलं.. "फुकटात मिळालय.. गोड मानुन घे बाबा.." युरोप पहायला मिळणार याची उत्सुकता होतीच.. टिवल्या-बावल्या करत, सौंदर्य न्याहाळत ;) प्रवास चालु झाला.. मुंबई ते टर्की ७ तास लागले. जाताना 'गॉड मस्ट बी क्रेझी' पाह्यला. विमान इस्तांबुलला पोहोचलं.. आणी आहाहा.. युरोपचं पहिलं दर्शन घडलं.. १. 1 (2) २. 1 (1) टर्कीला trans-continental country (आशीया+युरोप) म्हणतात. समुद्रकाठचं इस्ताम्बुल पाहुन डोळ्याचं पारणं फिटलं.. ३ तास वेटींग टाईम होता. पेश्शल टर्कीश डिलाइट Lokum ची टेस्ट घेतली. कुणाकडेच 'चांगला' म्हणावा असा कॅमेरा नव्हता, पण तरी दिस्सल त्याचे फोटो काढायचं काम चालु होतं. संध्याकाळी ७ ला न्युरेंबर्गला पोहोचलो. घड्याळं (अर्थातच मोबाईलमधली) साडे-तीन तास मागे सरकवली.. आणी विमानतळाबाहेर पाय ठेवताच.. श्वास घेताच.. 'तो' feeeeeel आला.. जर्मन कलीग रिसिव्ह करायला आला होता.. आज 'आवडी'त बसायची हौस पुर्ण झाली. सुरुवात चांगली झाली :) .. ------------------------------- क्रमश: ? - तुम्ही म्हणाल तसं.. :) ------------------------------- जाताजाता.. इन्फो आणी 'सुद्द्लेकनात' काही चुका असतील तर सांगा.. दुरुस्त करायचा प्रयत्न करेनच.. -------------------------------
वाचने 18924
प्रतिक्रिया 38

प्रतिक्रिया

बॅटमॅन सोमवार, 09/12/2013 23:24
ओहो! मस्त सुरुवात हो यसवायजी. :) पुढील भागाच्या प्रतीक्षेत, जरा तेवढं सौंदर्याकडं लक्ष असू द्या म्हणजे झालं. येनो ;)

पियुशा मंगळवार, 10/12/2013 14:52
चला यसवायजी पण उतरले मैदानात , अजुन फोटो टाकायचे की , ( मुन्नाभाइ ईश्टाईल ) ये तो " कमरा शुरु होने के पैलेच्च खतम हो गया ना मामु ;)

यसवायजी मंगळवार, 10/12/2013 22:33
@कमरा शुरु होने के पैलेच्च खतम >> पिवशे.. अगं ही मयसबा हाय.. हितं अस्सच अस्तय.. जपुन बाई.. न्हाईतर धडपडशील कुटंतर.. ;) अन हो.. फोटु टाकीनच की.. आता तु सांगीतलैस म्हंजे.. :D

प्रभाकर पेठकर मंगळवार, 10/12/2013 01:41
मस्तं सुरुवात. टर्कीची दोन्ही छायाचित्र अप्रतिम आहेत. लवकर लवकर पुढचे भाग टाका.

llपुण्याचे पेशवेll मंगळवार, 10/12/2013 09:51
वा वा छान. कविता चांगली जमलिये आणि लेखनाने पण पकड घेण्यास सुरुवात केलिये.

यसवायजी मंगळवार, 10/12/2013 18:17
आपण कुठला ब्राउझर वापरताय? मला वाटतय इतरांना दिसताहेत फोटो. (निदान पेठकर काकांची कमेंट बघुन असं वाटतय)

केदार-मिसळपाव मंगळवार, 10/12/2013 14:02
विलकोमेन इन डॉइचलांड.(जर्मनीत आपले स्वागत आहे) मस्त लिहा, शुभेच्छा.

राही मंगळवार, 10/12/2013 15:26
टेक-ऑफ मस्तच आहे. कविता आणि कथन दोन्ही छान. पुढला लेख वाचण्यासाठी उत्सुक.

राजेंद्र मेहेंदळे मंगळवार, 10/12/2013 15:56
या देशाला फक्त फ्रँकफर्ट्,म्युनिक वगैरे एअरपोर्ट् पुरतेच पाय लागलेत..आता तुमच्या लिखाणातुन सवडीने बघायला मिळेल...पुभाप्र

बॅटमॅन मंगळवार, 10/12/2013 16:01
ऑडीला अस्सल मराठी नाव आवडले. देहूचा वाणी या आवडीतून भंडारा डोंगरावर जातानाचे चित्र अंमळ डोळ्यांपुढे तरळले =))

अभ्या.. मंगळवार, 10/12/2013 18:44
ब्येस्ट हो एकदम. येउन्द्या अजुन. बाकी काय बी असुन्दे म्या जन्दगित एकडाव तरी जाणारच जर्मनीला. :) आन फकस्त हायडेलबर्ग पाहून येणार. आमा प्रिंटिंगवाल्याची काशी हरर्द्वार सगळे तिथच हाय म्हनत्यात.

यसवायजी मंगळवार, 10/12/2013 19:13
कसलं प्रिंटींग करतैसा तुमी? ओफ्सेट/फ्लेक्स/स्क्रीन का ठपाक्-ठपाकवालं ?

अभ्या.. मंगळवार, 10/12/2013 19:56
http://www.misalpav.com/node/24626 हे वाचला न्हाइसा जणू? सगल करतो बघा आपण. काय हाय का यंदा तुमचं?

यसवायजी मंगळवार, 10/12/2013 21:17
म्हाईती हुतं.. पन असंच आपलं मज्जा म्हनुन थपाक्-थपाक.. ;) @काय हाय का यंदा तुमचं? म्या कवाधरनं तय्यार हाय ओ.. पर च्यायला कोन शिरीयस घेतच न्हाई आपल्याला..

बॅटमॅन बुधवार, 11/12/2013 03:29
वाचलंय बे पण हैडेलबर्गात मूजम हाय ते ठौक न्हौतं. बाकी कै असलं तं सांगूच ;)

खेडूत बुधवार, 11/12/2013 00:30
यस्स. हायडेलबर्ग ला प्रिंटींग मुझीयम पण हाय. आता लई वर्ष झाली बगुन. पण झक्कास आहे. (फोटू आता पुण्याच्या घरात आहेत.) पण हायडेलबर्ग ची खरी ओळख आमाला तरी स्टेफी ग्राफ चं गाव म्हणून होती! मस्त सुंदर गाव आहे. एकदम स्टेफी सारखं! :) http://www.heidelberg.com/www/html/en/startpage

मधुरा देशपांडे बुधवार, 11/12/2013 03:19
हायडेलबर्ग नक्कीच सुंदर व प्रेक्षणीय आहे. माफ करा परंतु स्टेफी ग्राफ बद्दल च्या माहितीत छोटासा बदल. स्टेफी ग्राफ मुळची हायडेलबर्ग ची नाही. तिचा जन्म मानहाइम या शहरातील आहे आणि पुढे तेथून जवळच असलेल्या ब्रूल या छोट्या गावात तिचे बालपण गेले आहे. ही दोन्ही गावे हायडेलबर्ग च्या अगदीच जवळ आहेत त्यामुळे कदचित ती हायडेलबर्ग ची आहे असे झाले असावे.

यसवायजी बुधवार, 11/12/2013 16:22
सर्वांचे आभार.. कविता आवडली हे वाचुन बरं वाटलं. (टायपायला बसल्यावर १०-१५ मिंटात केलीय...) @ मधुरातै आणी केदार :- तुमची मदत लागेल. काही चुका असतील तर नक्की सांगा. पुढचा भाग शनी/रविवारी टाकतो. सध्या एग्झॅम चालु आहे, अभ्यास करतोय :) ..