विडंबन

आमची प्रेरणा मिलिंद फणसे यांची सुरेख गझल नुसतेच बोलण्याचे, नुसतेच सांगण्याचे बापा समोर येती आवाज फाटण्याचे खोली कशी असावी सांगू नका मला हो असतात फायदे ही घरदार पसरण्याचे लपणे कठीण नसते प्याल्यावरी, कितीही असतात प्रश्न अवघड रेषेत चालण्याचे घडले कसे लपावे नजरेतुनी जगाच्या ? उरले न भान मजला थोबाड झाकण्याचे चुपचाप राबणारा नवराच दु:ख जाणे दिनरात बायकोच्या तालात नाचण्याचे करता कशास त्रागा वाचून "केशवा"ला असती विडंबने ही साहित्य हासण्याचे