नव्कविता आपल्याला कळत नैत!

मी ही कविता अशी वाचली
-------

गाव तिथे चावडी
चावडी तिथे वावडी |

गोर्‍या गोर्‍या हातात
सखु भरते बांगडी |

लगबगीने चालताना
सांडली तीची बुगडी |

-------

पायवाटेच्या धुळीने
माखली हिरवी साडी |

डोईवरती पदर घेता
डोळ्यात टोचली काडी |

उन्हाची काहीली
काळजास घरं पाडी |

--------

ओरडून ओरडून कोणी
देतो पहा दवंडी |

गुलाल, बुक्का उधळीत
दंडवत घाली बेगडी |

आंधळ्याच्या हातात
होती एक तागडी |

----------

पण नवलच घडले
पडली दाजीबाची माडी |

सांगोवांगीचीच कहाणी
ऐकते सारी वाडी |

गाव बोले चांगभलं
नवस देवाचा फेडी |

-------------

कशी , कुठे, कधी, कुणी
जोडली कडीला कडी |

रंगला कलगी-तुरा
मिरवते पुणेरी पगडी |
-------

आता बघ काय कथा आहे ती?

नाहीतर
-------

लगबगीने चालताना
सांडली तीची बुगडी |

डोईवरती पदर घेता
डोळ्यात टोचली काडी |

उन्हाची काहीली
काळजास घरं पाडी |

ओरडून ओरडून कोणी
देतो पहा दवंडी |

आंधळ्याच्या हातात
होती एक तागडी |

सांगोवांगीचीच कहाणी
ऐकते सारी वाडी |

रंगला कलगी-तुरा
मिरवते पुणेरी पगडी |

------

एवढ्या ओळीतही पुरा अर्थ लागतो का बघ!