साहित्यः १ कोवळा दुधी २ टोमॅटो बारीक चिरलेले १ कांदा बारीक चिरलेला ३-१/२ टेस्पून बेसन १ टेस्पून काजू २-३ लसूण पाकळ्या आल्याचा छोटा तुकडा १/२ मिरची १/२ टीस्पून जीरे १ टीस्पून बारीक चिरलेली हिरवी मिरची १-१/२ टेस्पून लाल तिखट (आवडीप्रमाणे कमी - जास्त) १ टेस्पून धणेपूड १ टेस्पून पंजाबी गरम - मसाला (नसल्यास रोजचा गरम - मसाला वापरावा) मीठ चवीनुसार १ टीस्पून कसूरीमेथी बारीक चिरलेली कोथींबीर तेल पाकृ: प्रथम दुधीचे साल काढून किसून घ्या. हलकेच पिळून रस काढून घ्या. दुधीच्या किसात आता बेसन, थोडा गरम - मसाला, थोडे लाल तिखट, बारीक चिरलेली हिरवी मिरची, मीठ घालून कोफ्ते तयार करून घ्या. तुम्ही कोफ्ते डीप फ्राय करु शकता. मी आप्पेपात्रात कमी तेलात तळून घेतले आहे. मिक्सरच्या भांड्यात टोमॅटो, कांदा, आले + लसूण, मिरचीचा तुकडा आणी काजू घाला. थोडेच पाणी घालून मुलायम वाटून घ्या. कढईत तेल गरम करा व जीर्‍याची फोडणी करा. त्यात वाटलेला मसाला घालून चांगला परतून घ्या त्यात आता उरलेले लाल तिखट, गरम - मसाला, धणेपूड, मीठ, कसूरीमेथी चुरडून घाला व तेल सुटेपर्यंत परतून घ्या. त्यात दूधीचा रस व थोडे पाणी घालून १०-१५ मिनिटे मंद गॅसवर शिजू द्या. ( ग्रेव्ही कितपत दाट / पातळ हवी त्याप्रमाणे पाणी घाला.) सर्व्ह करायच्या ५ मिनिटे आधी गरम ग्रेव्हीत तयार कोफ्ते घाला. खूप आधीपासून घातले तर कोफ्ते मऊ होऊन फुटू शकतात. वरून कोथींबीर पेरा व नान, रोटीबरोबर दुधी कोफ्ता करी सर्व्ह करा :) दूधीचे कोफ्ते चटणीबरोबर ही नुसते खायला छान लागतात.