Skip to main content

रॉयल एन्फिल्ड - चौकशी

लेखक माकड यांनी शनिवार, 26/10/2013 23:09 या दिवशी प्रकाशित केले.
नमस्कार!!! रॉयल एन्फिल्ड या विषयावर कोणाला माहिती असल्यास सांगणे. मी सुद्धा रॉयल एन्फिल्ड विकत घेण्याचं ठरवला आहे. तरी क्लासिक ३५०, standard ३५० किंवा thunderbird ३५० यामध्ये चांगला पर्याय सुचवावा. दैनंदिन वापरासाठी आणि tours साठी कोणते मॉडेल्स योग्य आहेत? एकंदरीच रॉयल एन्फिल्डला लागणारा maintenance, handling या बद्दल काही अनुभव असल्यास सांगावेत हि विनंती. धन्यवाद!
वाचने 26890
प्रतिक्रिया 82

प्रतिक्रिया

धर्मराजमुटके शनिवार, 26/10/2013 23:48
भारतीय माणूस जेव्हा गाडी घेतो तेव्हा तो मायलेज किती मिळतो याचा विचार करतो. तो जरी पैसा बचत आणि बजेटला महत्त्व देत असला तरी अप्रत्य़क्षपणे तेल बचत मोहिमेला मोठा पाठींबा देत असतो. मला परवडते मग मी हार्ले डेवीडसन देखील घेईन पण वेगाने संपत जाणार्‍या तेलसाठ्यांचे काय ? म्हणून जास्तीत जास्त मायलेज देणार्‍या गाड्या वापराव्यात असे माझे मत. अर्थात निर्णय घेण्याचे स्वातंत्र्य तुम्हाला आहेच. (नाहितरी सल्ले हे फाट्यावर मारण्यासाठीच असतात.) मी तर असे म्ह्णेल की अशा प्रकारच्या गाड्यांच्या उत्पादकांना मायलेज वाढविण्यासाठी प्रोत्साहन द्यावे / नियम बनवावेत.

जिन्क्स रविवार, 27/10/2013 00:10
मी गेली ४ वर्षे रॉयल एन्फिल्ड वापरत आहे. दैनंदिन वापर तर आहेच, पण त्याच बरोबर वेळ मिळेल तशा कारगील - लडाख, ट्रान्स सह्याद्री अशा लांबच्या फेर्या देखील झाल्या आहेत. रॉयल एन्फिल्ड चालवण्यात जे सूख आहे ते शब्दात सांगता यायच नाही. ४ वर्षे - ६०००० की मी चालवुन ही अजिबात कंटाळा आलेला नाही. प्रोस् : १) नवीन twin-spark एंजीन. ६०००० की मी नंतरही ४५ की मी प्रती लिटर. २) शहरात ही आरामात चालवता येयिल असे डिसाइन. रहदारीत ही अतिशय सहजतेने चालते (वजन जास्त अस्ल्यामुळे रहदारीत सतत पाय टेकवायची गरज भासत नाही) ३) तरुण पिढीला अकर्शित करेल असे डिसाइन्स (नाहितर पुर्वी रॉयल एन्फिल्ड एकतर पोलिसांकडे तरी असायच्या नाहितर चोरांकडे ). कॉन्स : १) थोडाफार खर्चिक मामला आहे. २) प्रत्येक ३००० की मी नंतर servicing करावीच लागते (प्रत्येकवेळी oil बदलावे लागते. ३५० सी सी च्या गाडी मधे साधारण पणे ३ लिटर oil बसते. ६५० रु प्रती लिटर आहे oil) ३) इतर वहानांना येणार नाही अशा अडचणी रॉयल एन्फिल्ड सोबत येतात. क्लच केबल तुटणे, oil गळणे, अवघड जागीच bolt सतत ढिल्ला होणे इ. इ.

शैलेन्द्र रविवार, 27/10/2013 00:54
रॉयल एन्फिल्ड घ्यायची ठरवलीय तर आता तीच घ्या, इतर काहीही घेतलत तर रस्त्याने एखादी एन्फील्ड गेली की काळजात कळ उठेल..

प्रसाद गोडबोले रविवार, 27/10/2013 01:05
माझा सल्ला : अजुन थोडी कळ काढा , रॉयल एन्फिल्ड ने नवीन मॉडेल लॉन्च केलय ते कस वाटतय त्यावरुन ठरवा https://www.youtube.com/watch?v=Fu2YHvi81Wk

llपुण्याचे पेशवेll सोमवार, 28/10/2013 14:35
हापिसात यूट्यूब ब्लॉक्ड आहे. कोणते आहे नवीन मॉडेल ते जरा सांगा बरे. मी पण बघतो.

प्रसाद गोडबोले सोमवार, 28/10/2013 15:18
http://royalenfield.com/continentalgt/ हे युरोपात लॉन्च झालय , भारतात यायला अजुन किमान ५-६ महिने लागतील ... परसनली मला हे फार म्हणजे खुप म्हणजे लैच आवडलय मॉडेल !! पण हे नक्कीच दीड लाखाच्या वर असणार ... परत एकदा बजेट मुळे लोच्या :( अवांतर : "जोवर मिडल स्टॅन्डवर लावता येत नाही तोवर एन्फिल्ड घ्यायची नाही " अशी घरातुन सक्त ताकीद असल्याने नजिकच्या काळात रॉयल एन्फिड चालवायचा योग नाही आमच्या नशिबात :(

llपुण्याचे पेशवेll गुरुवार, 31/10/2013 10:15
मिड स्टॅडवर लावणं खूप सोपे आहे. स्टँडच्या बाजूला लावलेल्या दांडीवर जवळ जवळ उभेच रहायचे. मग लागते बरोबर. कॉन्टीनेंटल जीटी(कॅफे जीटी) आहे का ते मॉडेल?

विजुभाऊ गुरुवार, 31/10/2013 20:41
स्टँडच्या बाजूला लावलेल्या दांडीवर जवळ जवळ उभेच रहायचे. मग लागते बरोबर. पेशवे त्यासाठी वजनदार व्यक्तीमत्व लागतं

लोटीया_पठाण रविवार, 27/10/2013 13:56
रॉयल एन्फिल्डला पर्याय म्हणून अवेंजर सारख्या बाईक चा पण विचार करून पहा. बुलेट बुक केल्यानंतर पहावी लागणारी वाट अन तिच्यावर करावा लागणारा खर्च हे सर्व ध्यानात घेतल्यास अवेंजर हा त्या मानाने किफायतशीर पर्याय आहे.

लोटीया_पठाण रविवार, 27/10/2013 13:56
रॉयल एन्फिल्डला पर्याय म्हणून अवेंजर सारख्या बाईक चा पण विचार करून पहा. बुलेट बुक केल्यानंतर पहावी लागणारी वाट अन तिच्यावर करावा लागणारा खर्च हे सर्व ध्यानात घेतल्यास अवेंजर हा त्या मानाने किफायतशीर पर्याय आहे.

सुधीर मुतालीक रविवार, 27/10/2013 14:27
अहो, असे शौक करताना चर्चा करायची नसते. डायरेक्ट हात घालायचा ! घेऊन टाका !! बुलेट सारखी किक नाई मिळत कशात ! माझी ५०० सीसी आहे. धम्माल येते राव. photo 731b1e20-5cf5-411d-8c67-9620eb186777.jpg

शैलेन्द्र रविवार, 27/10/2013 17:36
बरोबर.. बुलेट ही श्रद्धा, धर्म व नशा आहे.. विश्लेषणाची नाही तर अनुभवायची गोष्ट आहे..

आसिफ रविवार, 27/10/2013 23:02
मी गेली चार वर्षे रॉयल एन्फिल्ड बुलेट वापरत आहे. ( १९९० मेड ). या चार वर्षात आलेले अनुभव खूप काही सांगून जातात. काही कटू( क्लच/ब्रेक केबल तुटणे , ऑईल लिक, गाडी तील पेट्रोल संपल्यावर उडणारी त्रेधा तिरपीट , महागडे स्पेअर पार्टस ,बुलेट चे काम करणारे कमी लोक त्यांचे भरमसाठ दर, आणि बरेच काही ) हे सर्व कटू अनुभव जुन्या मॉडेल्स च्या बाबतीत होते, नवीन मॉडेल्स साठी अधिक आकर्षक , वजनाने हलकी, वापरायला सोपी (डाव्या बाजूला गियर ), चांगली फ्युएल एफ़िशिएन्सी , कलर ऑप्शनस या सर्व जमेच्या बाजू आहेत. आणि चांगले अनुभव म्हणाल तर . . मेलोडी खाओ खुद जान जाओ . हे वाचा आसिफ , There is only one thing bigger than Bullet.. The pride of owning one !!

भटक्य आणि उनाड रविवार, 27/10/2013 23:49
ही वापरा आणी मजा करा...

मदनबाण सोमवार, 28/10/2013 11:00
काय दिवस आले आहेत.... माकड सुद्धा रॉयल एन्फिल्ड ची चौकशी करायला लागले आहे ! ;) असो... पेट्रोलचे दर लक्षात ठेवुन आणि मायलेज काय मिळते याचा विचार करुन हवी ती निवड करावी. जाता जाता :- हिंदुस्थानात अजुन श्वास घेण्यासाठी लागणार्‍या हवेवर टॅक्स कसा बसवला गेला नाही ? असा प्रश्न हल्ली मला भेडसावु लागला आहे.

कपिलमुनी सोमवार, 28/10/2013 13:24
क्लासिक ३५०, standard ३५० किंवा thunderbird ३५० आणि ईलेक्ट्रा .. सर्वांच इंजिन सेम आहे ..फरक आहे तो वजन , आणि स्टायलिंग मधे .. standard ३५० ला डिस्क नाही , बटण स्टार्ट नाही.. क्लासिक ची उंची बरीच कमी आहे .. स्प्लिट सीट आहे . ईलेक्ट्राची उंची चांगली आहे ..तुम्ही ६ फूट असाल तर ही जास्त कंफर्टेबल वाटते.. थंडरबर्ड ही क्रूजर प्रकारामधली बाईक आहे ..सध्याचे नवीन मॉडेल मधे बरेच चांगले चेंज केले आहेत .. maintenance, handling : जिन्क्स यांनी बरेच पॉईंट कव्हर केले आहेत .. सध्याच्या गाड्या बॅटरी ओरीएंटेड फार आहेत ..त्यामुळे वायरींग , बॅटरी चा खर्च जास्त आहे .. चेन सॉकेट ..चेन ल्युब न वापरल्यास ते खराब होते .. स्पेयर पार्ट महाग आहेत .. बाकी सायलेन्सर बदलता येतो ( ९०% बदलतातच) हॉर्न बदलतात. त्याचाही खर्च आहे.. बाकी .. चलाओ तो जानो !!

सार्थबोध सोमवार, 28/10/2013 14:17
आमच्या मित्राची आहे हि गाडी काही मुद्दे:- किक मारताना काळजी घ्यावी उलट दाब येउन गुढगा दुखावू शकतो. चालवताना मस्त वाटते पण गाडी बंद पडली कि ढकलणे अशक्य आणि किमती गाडी रस्त्यात सोडून कुणी दुरुस्तीसाठी शोधणे धोक्याचे . गाडीच्या चाकाबरोबर ढकलणारा पण पंचर होतो. पहिले फुकट सर्विसिंग सोडले तर नंतरचे सर्विसिंगचा खर्च जास्त वाटतो. बाकी इंधन तर पिते गाडी…

माकड मंगळवार, 29/10/2013 11:21
धन्यवाद!!! @मदनबाण - हल्ली पेट्रोल चे दर लक्ष्यात घेत असल्या चौकश्या फक्त माकडच करू शकतात!

मुक्त विहारि मंगळवार, 29/10/2013 11:24
गाडी घ्या, मग आम्हाला त्याचे पेढे द्या आणि मग धन्यवाद म्हणा..

रोहन अजय संसारे मंगळवार, 29/10/2013 11:59
राव रोयाल घ्याची ठरवले आहेत तर आता मागे बघू नक. या सारखी गाडी नाही जगात. सुख मणजे की हे हि गाडी सांगून जाते. आणि खर्चाचे मानल तर थोडा जास्त आहे पण रोयाल घेणारा याचा विचार करत नाही एवडे खरे

मनराव मंगळवार, 29/10/2013 12:22
रॉयल गाडी घेण्यासाठी अशी चौकशी नसती करायची..........जी आवडते ति डायरेक्ट घेऊन टाकायची असते........ खर्चाची तयारी ठेवा म्हणजे झालं............. हत्ती पाळला कि त्याच्या खाण्या पिण्या कडे बघावच लागतं

अभिजा मंगळवार, 29/10/2013 13:17
चौदा वर्ष बुलेट चालवली आहे. कंपनीने नवीन बुलेट अगदी पांचट करून टाकली आहे. झणझणीत मिसळीत दही घातल्यासारखी! फायरिंगची वाट लावली आहे. बुलेट म्हटले म्हणजे ४०च्या स्पीडला फायरिंग गब्बरसिंगचे हसणे हवे. न पेक्षा हीरो होंडा काय वाईट!? घेणार असाल तर स्टॅंडर्ड ३५० घ्या. ही सर्वकालीन उत्तम बुलेट आहे. थोडी अभिरुचीसंपन्न चकाचक ठेवली आणि व्यवस्थित कॅरी केली (म्हणजे चालवण्याची स्टाईल, बुलेट चालवताना परिधान करायची वेश/केशभूषा इ.) तर हार्लीडेव्हिडसन हिच्यासमोर मोलकरीण वाटावी इतके दार्शनिक मूल्य बुलेटमध्ये आहे. बुलेट ही केवळ सोय नसून एक ध्यास आहे. रोल्सरॉईसच घ्यायची तर मग पेट्रोल/मेंटेनन्सचा खर्च वगैरे क्षुद्र गोष्टींचा विचार करू नये. हॅप्पी बुलेटिंग! :-)

जिन्क्स मंगळवार, 29/10/2013 13:36
जुन्या बुलेट मधे ४०च्या स्पीडला गब्बरसिंगच्या हसण्याचा आवाज नक्किच यायचा. पण तोच स्पीड तुम्ही ६०-८० ल नेला की भुकंप होतोय की काय (vibrations) असा भास व्ह्याचा.तुम्ही रॉयल एन्फिल्ड कशासठी घेत अहात हे आधी ठरवा. बुलेट चा आवाज हा रॉयल एन्फिल्ड चा एकमेव strong point नाही. ३५०सीसी मधे २०बीएचपी एवढी ताकद देनारी दुचाकी भारतिय बाजारात रॉयल एन्फिल्ड ही एकमेव आहे. शहरात वापरनार असाल classic 350 ही चांगली आहे. खूप दूरच्या सफरींवर जानार असाल तर thunderbird सर्वोत्तम आहे. thunderbird चे एर्गोनोमिक्स हे माझ्या द्रुश्टिनी तिचा सर्वात चांगला गुण आहे. एका दिवसात १२-१४ तास चालवुनही तुम्हाला पाठ दुखी, मान दुखी असले त्रास होनार नाहित.

कपिलमुनी मंगळवार, 29/10/2013 13:36
डिस्क ब्रेक आणि बटण स्टार्ट नाही.. सध्याचे स्पीड पहता डिस्क ब्रेक आणि बॅक किक चा इस्शु असेल तर बटण स्टार्ट बरी पडते ..

गवि मंगळवार, 29/10/2013 13:43
"हाय कंबख्त तूने पीही नही" हे लॉजिक बिनतोड आहे.. सांगली कोल्हापूर भागात शुभ्र पायजमा सदरा किंवा धोतर जाकिटातले ऊस शेतकरी, तसेच पीएसआय लोक एकदम ऐटीत बुलेट घेऊन भकभकत जाताना पाहिले आहेत. रुबाबदार आहे ही बाईक.. शंकाच नाही.. पण.. पण .. मी काय म्हणतो.. म्हणजे शांतपणे विचार करा बरं का.. की साडेतीनशे किंवा पाचशे सीसी इतक्या आकाराचा सिलिंडर एका बाईकला कशापायी? शिवाय प्रचंड बोजड आणि कान फाडणारा आवाज करणारं धूड घेऊन गावात एकवेळ ठीक पण शहरभागात फिरणं म्हणजे नसता बोजा असं नाही वाटत का..? त्यापेक्षा हलकी, पंक्चर झाली तरी स्वतःच्या वजनाखाली टायरच्या चिरफळ्या न उडवणारी, बंद पडली तर मालकाची पुरती ऐट उतरवून त्याला कुत्र्याप्रमाणे हातभर जीभ काढून धापा टाकायला न लावणारी, कमी स्पीडवर चालवायला लागली की बद्धकोष्ठतेचा फील न देणारी अशी दीडेकशे सीसीची फ्युएल एफिशियंट बाईक का कमी वाटावी? बाकी काय ते शान वगैरे सर्व व्यक्तीवर असतं.. शानदार व्यक्ती रस्त्याने चालत गेली तरी शानदारच वाटते.. त्यासाठी पांढरा, सॉरी, काळा हत्ती कशाला बाळगायला हवा.. ?? शिवाय बुलेटवर दळणाची पिशवी ठेवायला फार्फार अडचण होते, पण ते एक असो.. ;) -(संसारी) गवि

कपिलमुनी मंगळवार, 29/10/2013 14:45
आवड आपली आपली दुसरा काय !! ऑफ रोडींग करायला ..लाँग टूर वर जायला एवढी आरामदायी गाडी दुसरी नाही.. बाकी शहराबद्दल तुमच्याशी सहमत .. जारे कोपर्‍यावरून दुध घेउन ये म्हणला की, स्कूटर, मोपेड बरी वाटते ..

प्रसाद गोडबोले मंगळवार, 29/10/2013 17:23
कसं आहे बुलेट च्या बाबतीत प्रॅक्टीकॅलिटीपेक्क्षाही क्रेझीनेस हाच ड्रायव्हंग फोर्स ठरतो . बुलेट ही 'राखायची' गाडी आहे , स्पेयर म्हणुन एक मोपेड 'ठेवावीच' अगदी अंगवस्त्र महावस्त्र इतका फरक आहे दोहोत ...अर्थात दोन्हीही हवेच ;)

विश्वनाथ मेहेंदळे शनिवार, 02/11/2013 14:42
जारे कोपर्‍यावरून दुध घेउन ये म्हणला की, स्कूटर, मोपेड बरी वाटते ..
तुम्ही पुण्याचे वाटते !!! मुंबैला लोक कोपर्यापर्यंत चालत जातात ;-)

बाबा पाटील मंगळवार, 29/10/2013 14:40
आमच्या पुणे जिल्ह्याच्या पुर्व भागात उस बागाईतदारांच एक गाव आहे,निवडनुकीच्यापुवी गावातले सगळे परवानाधारक बंदुकावाले २०-२५ बुलेट घेउन तालुक्याच्या पोलिस स्टेशनला धोतर फेटा घालुन बंदुका जमा करायला येतात .साला खरच बघण्यासारखा नजारा असतो,तालुक्याची आख्खी पेठ येड्यासारखी ही मिरवनुक बघत असते.

सुबोध खरे मंगळवार, 29/10/2013 20:30
ग वि शि सहमत एक तर आमच्या सारखा किरकोळ माणूस बुलेटवर बसला तर मी बुलेट चालवतोय का बुलेट मला चालवते हा प्रश्न पडतो. वर ते एवढे धूड घेऊन लांबच्या प्रवासाला गेलात तर एकतर पाठ हादरते आणि हाताला झिणझिण्या येतात. (तरी बरं आता ब्रेक उजवीकडे आला आहे). दोन चार वेळा मित्रांची चालवून पाहिली. शिवाय दर रविवारी काहीतरी खाट खूट करत बसायची कटकट कोण करणार? तुम्ही एक तर त्या पंथाचे/ संप्रदायाचे(CULT) चाकर असता किंवा नसता. म्हणजे बुलेट आवडते तरी किंवा नावडते तरी. मी दुसर्या प्रकारात मोडतो. माचो दिसण्यासाठी बुलेटच्या आधाराची गरज कधीच पडली नाही. माझ्याकडे होंडा युनिकोर्न साडे सहा वर्षापासून आहे.(त्याअगोदर हिरो होंडा होती १ ७ वर्षे आणि १.५ लाख कि मी चालवून फुकून टाकली) अजून तरी त्यावर कोणताही खर्च नाही. बैटरि सुद्धा साडे सहा वर्षात बदललेली नाही.मी कोणतीही सर्व्हीसिंग करून घेत नाही. इंजिनाचे तेल काळे झाले तर बदलतो. हवा, पेट्रोल वेळच्या वेळी भरतो आणि सुखेनैव चालवतो. वाटेल तितके अंतर चालवतो. इंजिनचा थरथराट नाही कि होर्न सोडून वाजणाऱ्या इतर सुट्या भागांचा आवाज नाही. कुठे तेल गळत नाही कि किक मारावी लागत नाही. मी इतक्या वर्षात फक्त दोन वेळा किक मारली आहे ती सुद्धा किक चालते कि नाही ते पाहण्यासाठी. ब्रेक मारला कि गाडी जागच्या जागी उभी राहते. शक्ती(पॉवर) हवी असेल तर के ती एम ड्युक ३९० घ्या ४ ३ हॉर्स पॉवर विथ ए बी एस(anti Lock braking system) वीस नि बावीस हॉर्स पॉवरची गणिते करू नका. http://www.ktm.com/naked-bike/390-duke-eu/highlights.html#.Um_NWHDz_IY तात्पर्य काय? बुलेट विकत घ्यायची असेल तर घ्या. (निष्फळ) चर्चा करू नका. एक तर तुम्हाला ती आवडेल किंवा नाही आवडणार.

जिन्क्स बुधवार, 30/10/2013 15:15
बहुदा गवी आणि खरे साहेब हे दोघेही "मीड लाइफ क्राइसिस" चे शिकार झाले आहेत. पाठ हादरते आणि हाताला झिणझिण्या येतात मी बुलेट चालवतोय का बुलेट मला चालवते हा प्रश्न शहरभागात फिरणं म्हणजे नसता बोजा दळणाची पिशवी ठेवायला फार्फार अडचण होते ही सगळी त्याचीच तर लक्शणे आहेत ... हळुच आणि हलकेच घ्या ;)

सुबोध खरे बुधवार, 30/10/2013 18:51
म्हटलेच आहे एक तर बुलेट तुम्हाला आवडते किंवा नाही आवडत. ज्यांना आवडते ते तिची तरफदारी करणारच. म्हैस दुध किती देते विचारले तर तर दुधाचे काय पाहताय? तिचे चारित्र्य पहा. असे आहे. ह. घ्या.

llपुण्याचे पेशवेll गुरुवार, 31/10/2013 12:51
सहमत. २०-१५ वर्षापूर्वीची गोष्ट. आमच्या बाबांचा एक बुद्धीजिवी मित्र उंची ६ फूट व वजन ६०-६५ किलो मात्र असा, बुलेटवरून पुण्यातून युनिव्हर्सिटी रस्त्याने जात होता. तेव्हा पुण्यात बुलेट कमी असल्याने शक्यतो बुलेट मालक लोकांना माहीत असे. तिथल्या एका पेट्रोलपंपवाल्याने सदर बुलेटच्या मालकाला (म्हणजे मित्राच्या भावाला ) फोन करून सांगितले "अहो आत्ता तुमची बुलेट पंपावरून गेली आणि कोणीतरी बुलेटवरून फडकत चालला होता. "

विजुभाऊ बुधवार, 30/10/2013 15:23
माझी स्प्लेंडर गेली दहा वर्षे उत्तम सर्व्हीस देतेय. दोन तीन महिने वापरात नसेल तरीही पहिल्या कीकला स्टार्ट होते. मेन्टेन्स वगैरे फारसा नाही. बॅटरी एकदा बदलली. ती सुद्धा फार दिवस वापरात नसल्यामुळे. स्प्लेम्डर घेतल्यापासुन पाठीला त्रास होणे बम्द झाले. बुलेटची तुलना स्प्लेंडरशी करत नाही.पण मला सांगा दुचाकी घेवून तुम्ही १०० पेक्षा जास्त वेगाने किती वेळा चालवता? मला बुलेट आवडते. तो एक षौक आहे. पण प्रॅक्टकली बघायला गेलो तर त्यात धोके अधीक दिसतात. एखादा किरकोळ अ‍ॅक्सीडेन्ट झाला तर बुलेट चालवणाराचा पाय नक्की प्लास्टर मधे जातो

बॅटमॅन बुधवार, 30/10/2013 15:33
विजुभौ ते पुलावर गाडीशी अपघात झाल्यावरचे मिसफायरचे फट्ट फट्ट आवाज थांबलेत की आहेत अजूनही ;) =))

बॅटमॅन बुधवार, 30/10/2013 16:37
अंमळ गल्लत करताहात शिद साहेब. दोन्हीही लुना महानच आहेत, पण एक म्हणजे मोटरकारलाही धडक देऊन पुलाखाली पाडू शकणारी तर एक ४००० रुपये (१९८३ सालचे) देऊन वर पोरीला लिफ्ट देऊन आपले दिल दरिया तर.......समंदर असल्याचे दाखविणारी. मूळ लुना विजुभौंची त्यावरून स्फुरलेली सायकल हे वाचा अन पहा काय ते =))

आदिजोशी बुधवार, 30/10/2013 16:12
अत्यंत बोजड, जुनाट टेक्नॉलॉजी, काहीच्या काही महाग, तुलनेने अत्यंत भिकार इंजिनिअरींग, प्रत्येक विकांताला गॅरेजची वारी. शाईन मारायला उत्तम गाडी. सांभाळायला पांढरा हत्ती. हत्ती इतकाच आहार. चाल पण हत्तीसारखी संथ आणि डुलत डुलत. 350 CC च्या इंजिनची पावर 20 BHP असली तरी गाडीचे वजन १९० किलो असल्याने पिक-अपची बोंब, लुना पण ओव्हरटेक करते सिग्नलला. बुलेट घेऊन पस्तावलेल्या काही मित्रांशी ओळख करून देतो, त्यांच्याशी बोला. तरीही खाज असेल तर घ्या. आणि दिड लाख घालायचेच असतील तर RD 350 घ्या. गुगल करा, बुलेटचा पोकळ माज उतरेल.

कपिलमुनी बुधवार, 30/10/2013 16:39
ही बुलेटची बहीण आहे ... स्पेयर पार्ट च्या नावाने बोंब असते ..

आदिजोशी बुधवार, 30/10/2013 17:43
RD 350 च्या आजूबाजूला उभी राहू शकेल अशी एकही बाईक आजही भारतात नाही. बाकी सगळ्या पानी कम चाय आहेत. स्पेअर पार्टचा लोचा आहेच. पण त्या वरही उपाय आहेतच. आणि RD 350 चालवण्यात मिळणारं सॅटिसफॅक्शन खरं खुरं आहे. बुलेट सारखं इमॅजिनरी नाही.

मालोजीराव बुधवार, 30/10/2013 19:14
स्प्लेंडर,सीबीझी,सीबीआर २५० ,रॉयल एन्फिल्ड, आरडी, वर्देंची(क्रुझर) …चालवल्यात स्प्लेंडर - टिकाऊ, भरपूर मायलेज, वाट्टेल तितक्या वापरासाठी बनवली जणू अशी , कळकट मळकट कामाला बळकट प्रकारातील सीबीझी - एकेकाळची सोल्लिड क्रेझ असलेली बाईक तरी रोजच्या वापरला उत्तम , स्टायलिशपण (हीच वापरतोय) सीबीआर २५० - जबरी पिकप तेव्हडीच सुरक्षितसुद्धा (इतर सर्वांच्या तुलनेत ABS असल्याने), क्लासी , मायलेज एकदम कमी रॉयल एन्फिल्ड - रुबाबदार , कमी स्पीडने चालवण्यातच जास्त मजा , जुनं मॉडेल होतं त्यामुळे त्रास जास्त झाला (पार्टस,ठराविक प्रॉब्लेम वारंवार येतात) मित्र मजेनी म्हणायचे "तुझी गाडी पंक्चर झाली तर तू कोण मी ओळखत नाही" :) पण तेच मित्र पोरी फिरवण्यासाठी हीच गाडी मागून न्यायचे आरडी- २-३ वेळाच चालवली असेल पण हिचा स्पीड कुठे जाऊन थांबतो काहीच अंदाज येत नाही…अफाट पॉवर , +१ टू आदी वर्देंची - मॉडीफ़ैड आहे त्यामुळे प्रचंड महागडी , लोकांच्या नजर खेचून घेणारी अर्थात शायनिंग साठीच असलेली प्रत्येक गाडीची आपलीआपली वैशिष्ठे आहेत त्यामुळे तुलना गैरलागू होते (आरडी आणि रॉयल एन्फिल्ड ची तुलना होते बर्याचदा त्यात बरेच रॉयल वाले आरडीला प्लस देतात :) )

आदिजोशी बुधवार, 30/10/2013 20:17
बरेच रॉयल वाले आरडीला प्लस देतात खरंय. कारण आपल्या बाळ्या असला तरी दुसर्‍याच्या कार्ट्याला जास्त मार्क आहेत हे सत्य कबूल करावंच लागतं.

llपुण्याचे पेशवेll गुरुवार, 31/10/2013 13:15
आरडी सध्या आहे का प्रॉडक्शन मधे? कितीला बसते? भारतात मिळते का? नवीन आरडी आणि जुनी आरडी यात काही फरक आहे का?

कपिलमुनी गुरुवार, 31/10/2013 15:25
http://www.bikes4sale.in/buy.php?st=Maharashtra&cp=Yamaha&ml=RD%20350 जुन्या दुचाकींच्या किंमतीचा अंदाज येण्यासाठी वरील दुव्यावर क्क्लिक करा

चिगो गुरुवार, 31/10/2013 16:28
च्यामारी.. अँटीक पीस म्हणून जास्त किंमत आहे का काय? १९८०च्या दशकातल्या बाईकची किंमत लाखोंमध्ये? असो. "शौक बडी चीज है" म्हणतात ब्वॉ..

llपुण्याचे पेशवेll गुरुवार, 31/10/2013 17:04
आत्ताच विकीवर वाचले की हीच आरडी भारतात राजदूत म्हणून विकली जात असे. अर्थात आरडी म्हणून पण वेगळी मॉडेले दिसत आहेत. पण चामारी या जुन्या अ‍ॅव्हरेज न देणार्‍या आरडी २.५ लाखाच्या घरात जात असतील तर एन्फील्ड १.३५ लाख म्हण्जे स्वस्तच म्हणायची.

आदिजोशी गुरुवार, 31/10/2013 17:59
आर.डी. म्हणजे राजदून नव्हे. राजदूत ही बाईक स्वतःच्या नावाने विकत असे यामाहा कडून लायसंस घेऊन. ही आरडी जेव्हा लाँच झाली तेव्हा ७०० सिसिच्या बाईक्सना रेस मधे धूळ चारल्याने जाएंट किलर म्हणून ओळखली जात होती. स्पेसिफिकेशन्स बघा म्हणजे किंमत इतकी का ते कळेल. आणि अ‍ॅव्हरेज वरून किंमत काढायची असेल सिडी १०० जगातली सगळ्यात महाग बाईक असायला हवी होती.

नानबा गुरुवार, 31/10/2013 09:37
स्मार्ट असाल तर चुकूनही घेऊ नकात. पदरी मनस्ताप, खिशाला सतत पडणारं भोक आणि त्रास यापलीकडे हे डबडं दुसरं काहीही देऊ शकत नाही. किंबहुना त्याची लायकीच तेवढी आहे. बुलेट चालवणार्‍यांचा तिला defend करण्याचा मुद्दा काय तर म्हणे अशी masculine आणि तगडी गाडी दुसरी नाही. आणि काय तर म्हणे संपूर्ण लोखंडी आणि वजनी आहे. त्यात काय सुख मिळतं त्यांनाच ठाऊक. तेजायला पण बाजूने गेली तर कानठळ्या बसवणार्‍या आवाजाने शिव्या नक्कीच मिळतात. दुसरा बुलेटचा भयंकर ताप म्हणजे कंपनं. १५०-२०० किमी सलग चालवून थांबलात की तळहात बधीर झालेले असतात. तेव्हा, त्या मार्गी न जाणे उत्तम. तरीही घेण्याची इच्छा असली, तर "होऊदेत खर्च"... :D

नानबा गुरुवार, 31/10/2013 10:50
हे डबडं चालवून थांबलं की पुढचा काही वेळ हात बधीरच झालेले असतात. नुसत्या झिणझिण्या येत राहतात. All thanks to the miserable riding experience of Royal Enfield...

मालोजीराव गुरुवार, 31/10/2013 17:18
सत्तरीची एनफिल्ड असावी, एनफिल्ड चा बुलेट हा १९४८ पासून सुरु झालेला जगातील सर्वात जास्त वेळ प्रोडक्शन मध्ये असलेला मोटारसायकल ब्रांड आहे _/\_