Skip to main content

तुझ्या माझ्यासवे कधी गायचा दाऊदही...!

लेखक उपटसुंभ यांनी गुरुवार, 18/09/2008 11:10 या दिवशी प्रकाशित केले.

(अबू सालेम तुरुंगात त्याच्या साथीदाराला ऐकवतो)

तुझ्या माझ्यासवे कधी गायचा दाऊदही..!
क्रिकेटला शारजाला पोचायचा दाऊदही..!

कळेना भारताला कराचीत की दुबईत तो,
कसा होता नि नव्हता व्हायचा दाऊदही..!

मधूनच जाग जेव्हा येई इंटरपोलला,
कशा जागा नव्या शोधायचा दाऊदही..!

कधी मर्डर, कधी मागायचा तो खंडणी.
कसे बाँबस्फ़ोटही घडवायचा दाऊदही..!

कशी भर पार्टीलाही आग माझी व्हायची,
जेव्हा मोनिकाला बिलगायचा दाऊदही..!

आता जेलामध्ये या फ़क्त आठवणी जुन्या.
कधी मरणे अशी ठरवायचा दाऊदही..!

-- अभिजीत दाते

मूळ गीत - तुझ्या माझ्यासवे कधी गायचा पाऊसही
कवी - संदीप खरे

लेखनविषय:
लेखनप्रकार
वाचने 2157
प्रतिक्रिया 5

प्रतिक्रिया

बेसनलाडू गुरुवार, 18/09/2008 11:51

विषय,मांडणी बरेचसे उत्तम;मात्र मूळ कवितेच्या तुलनेत येथे गतिरोधक जरा जास्त आहेतसे वाटले; चू भू द्या घ्या
(आस्वादक)बेसनलाडू

अरुण मनोहर गुरुवार, 18/09/2008 12:45
आता जेलामध्ये या फ़क्त आठवणी जुन्या.
कधी मरणे अशी ठरवायचा दाऊदही..!

तो असेही म्हणाला असेल........
कधी मरणे अशी ठरवायचा दाऊदही..!
इथे गुरूला मरण नाही शिक्षा होऊनही......