अननसाचा मुरांबा

चिकू,संत्र,मोसंब,द्राक्ष या फळांपेक्षा हटके दिसणारं चवीला आंबट गोड पण मधूनच खाजर असं फळ; अननस! मला कायम या फळाविषयी वेगळंच आकर्षण वाटतं. मुळात शेतामधला त्याचा look खूप attractive असतो. अख्ख्या झुडपाच्या बरोबर मध्ये अननस उगवतो. बऱ्याच जणांना त्याच्या खाजऱ्या चवीमुळे तो आवडत नाही. लहानपणी अननस पाहून नाक मुरडलं तर तो खाण्याचा एक फायदा हमखास कानावर पडे. तो म्हणजे असा की अननस खाल्याने पोटात केस वगैरे गेला असेल तर तो विरघळून जातो. दक्षिण अमेरिकेमध्ये जन्मलेलं हे फळ कित्तीतरी juices, mocktails मध्ये सर्रास वापरलं जातं. आपण सुद्धा अननसाचा रायता, हलवा किंवा cake, jam, मुरांबे असे विविध पदार्थ करतो. Pineapple raita म्हणजे तर माझ्या college group चा weak point होता. Party कुणाचीही असो हि dish order झालीच पाहिजे. तर आज pineapple, म्हणजेच, अननसाचा मुरांबा मी तुमच्या सोबत शेअर करणार आहे. झटपट होणारा असा हा गोड गोड अननसाचा मुरांबा :) साहित्य: १ वाटी अननसाचे काप ३/४ वाटी साखर १ चिमूट citric acid कृती: १. प्रथम एका भांड्यामध्ये अननसाचे तुकडे घ्यावेत व cooker मध्ये एक शिट्टी काढून वाफवावेत. २. एका पातेलीत साखर भिजेल इतके पाणी घ्यावे व त्याचा पक्का पाक करावा. साधारण मधाएवढा घट्ट झाला पाहिजे. ३. नंतर त्या पाकात citric acid घालावे. वाफवून घेतलेल्या फोडी घालून ढवळावे. फोडी घातल्यानंतर त्यातील पाण्याच्या अंशामुळे पाक थोडा पांतळ होईल. हे मिश्रण gas वर ठेवून परत घट्ट होईपर्यंत उकळवावे. काही महत्वाचे: १. मुरांबा गार झाल्यावर घट्ट होतो त्यामुळे उकळवताना त्यानुसार पांतळ ठेवावा. २. हा मुरांबा जास्त दिवस टिकत नाही. त्यामुळे तो कमी प्रमाणात करावा. तसेच हा मुरांबा fridge मध्येच ठेवावा. ३ . याला पूर्णपणे pineaaple चा flavour ठेवण्यासाठी यात वेलची, केशर घातलेले नाही.