स्ट्फ्ड ब्रॉकोली पराठे

साहित्यः नेहमीप्रमाणे पोळ्यांचे/ चपात्यांचे कणिक जसे तेल, मीठ घालून भिजवून घेतो तसे भिजवून घेणे. छोटा गड्डा ब्रॉकोली - फक्त तुरे किसून घेणे १ टेस्पून किसलेले आले १ टेस्पून बारीक चिरलेली हिरवी मिरची (मिरचीऐवजी लाल तिखट आवडीप्रमाणे कमी-जास्तं घालू शकता) १ टेस्पून भाजलेली जीरेपूड १ टेस्पून धणेपूड १ टेस्पून अनारदाना पावडर (तूम्ही आमचूर पावडर ही वापरु शकता) मीठ चवीप्रमाणे बारीक चिरलेली कोथींबीर पराठ्यांना वरुन लावायाला तूप / बटर पाकृ: भांड्यात तेल गरम करून त्यात आले व हिरवी मिरची परतून घ्या. त्यात ब्रॉकोलीचा कीस घालून एकत्र करुन घ्या. जीरेपूड, धणेपूड व अनारदाना पावडर घालून एकत्र करून, झाकून एक-दोन वाफा काढून घ्या. त्यात बारीक चिरलेली कोथींबीर व मीठ घालून पुन्हा २-३ मिनिटे शिजवा. मिश्रण जरा गार होऊ द्या. कणकेचा लिंबापेक्षा जरा मोठा गोळा घेऊन, छोटी पोळी लाटून घ्या. त्यात ब्रॉकोलीचे सारण भरुन सर्वं बाजूंनी बंद करून, कोरडे पीठ लावून हलक्या हाताने गोल पराठा लाटावा. पराठा जरा जाडसरच लाटावा. नॉन-स्टीक तव्यावर पराठा तूप किंवा बटर लावून दोन्ही बाजूंनी शेकून घ्यावा. लाकडी उलथण्याने हलके दाबून सगळीकडून नीट शेकावे. गरम- गरम ब्रॉकोली पराठा रायता, आंब्याच्या लोणच्याबरोबर सर्व्ह करा आणी हो बटर मारके बरं का :). तूम्ही अशा पध्दतीने फ्लॉवर्, मुळ्याचे पराठे ही करु शकता.