Skip to main content

कोळ-पोहे

लेखक दिपक.कुवेत यांनी सोमवार, 06/05/2013 11:21 या दिवशी प्रकाशित केले.
kolpohe साहित्यः १. एका नारळाचं घट्ट दुध २. चिंचेचा कोळ - पाव वाटि ३. हिरवी मिरची, कोथिंबीर आणि आलं पेस्ट - ३ चमचे ४. तुप, जीरं, हिंग - फोडणीसाठि ५. चवीनुसार गुळ, मीठ ६. पोहे - जाड किंवा पातळ ७. पोह्याचा पापड किंवा मिरगुंड कॄती: १. नारळाच्या घट्ट दुधात चिंचेचा कोळ, हिरवी मिरची/कोथिंबीर/आलं पेस्ट, चवीनुसार गूळ व मीठ घालुन एकजीव करा २. तुप, हिंग - जिर्‍याची फोडणी तयार कोळाला द्या ३. पोहे किंचीत पाण्याचे हबके मारुन भिजवुन घ्या ४. सर्विंग डिश मधे पोहे घालुन त्यावर तयार कोळ घाला ५. वरुन भाजलेला किंवा तळलेला पोह्याच्या पापडाचा/मिरगुंडाचा चुरा करुन आंबट-गोड-तिखट असे कोळ-पोहे सर्व करा
वाचने 15328
प्रतिक्रिया 44

प्रतिक्रिया

विसोबा खेचर सोमवार, 06/05/2013 11:26
अगदी तुमच्याआमच्या घरातली एक सुरेख पाकृ..धन्यवाद दिपकराव.. या पाकृचा जन्म पेणमध्ये झाला (पोहे पेणचे आणि नारळाचं दूध अलिबागचं!) आणि तेथून पुढे ती रत्नांग्री, देवगडच्या प्रवासाला निघाली अशी पुराणात एक कथा आहे.. :) तात्या.

पिलीयन रायडर सोमवार, 06/05/2013 11:28
वा वा वा.... मनातलं असं मि.पा वर आलं की काय आनंद होतो...!! केव्हा पासुन मला अन्न हे पुर्णब्रह्म.. मध्ये "पोहे" सिरिज सुरु करा असं सांगायचं होतं..मागे एका धाग्यावर लोकांनी वेगवेगळ्या पोह्यांची काय वर्णनं केली होती..!! आता कराच बरं...

गवि सोमवार, 06/05/2013 11:29
आजीची आठवण करुन देणारी आणखी एक पाककृती. खूप खूप धन्यवाद.

ज्ञानोबाचे पैजार सोमवार, 06/05/2013 11:34
मस्त, या बरोबर भरलेली मिरची तळुन चुरली तर अजुन मजा येते. आज संध्याकाळी कोळाचे पोहे खाणारच.

अक्षया सोमवार, 06/05/2013 11:54
मिरगुंड म्हणजे..पोह्याचा पापडच फक्त आकार वेगळा

गवि सोमवार, 06/05/2013 12:09
शिवाय आपल्याच एका ठाणे कट्ट्याच्या वृत्तांतातला खाली दिलेला फोटो पहा. थाळीच्या शेजारी सोलकडीच्या बाजूला ताटलीत आहेत ती मिरगुंडे. A

महेश नामजोशि सोमवार, 06/05/2013 11:41
वा !! काय छान पाककृती दिली आहे. अगदी लहानपणची आठवण झाली. आजी आम्हाला दडपे पोहे करून द्यायची. एकतर झटकन व्हायचे व विशेष साहित्य लागायचे नाहि. त्या काळात स्टोवने सैपाक व्हायचा. त्यामुळे स्टोववर काही चालू असतांना भूक लागली तर चटकन होण्यासारखा हाच पदार्थ असे. त्या काळात पेण पनवेलहून पोहे यायचे, काय चव असायची त्या पोह्यांना. आताहि पोहे आमच्याकडे बर्याच वेळा होतात. पण दडपे पोहे नाही. शिवाय आताच्या पोह्याना ती चवही लागत नाहि. कारण काय माहित नाही. नवीन पाककृतीबद्दल धन्यवाद. महेश नामजोशी

प्रभाकर पेठकर सोमवार, 06/05/2013 13:47
'कोळाचे पोहे' वेगळे आणि 'दडपे पोहे' वेगळे.

डॉ सुहास म्हात्रे सोमवार, 06/05/2013 12:02
लहाणपणच्या आजोळच्या अनुभवांची आठवण ताजी केलीत.... बहूSSSSSSSSत मझा आ गया !

मुक्त विहारि सोमवार, 06/05/2013 12:21
झक्कास...

सानिकास्वप्निल सोमवार, 06/05/2013 12:25
कोळाचे पोहे अतिशय आवडता प्रकार मस्तचं :)

तर्री सोमवार, 06/05/2013 12:30
मधली वेळ नावाची एक खाण्याची वेळ आणि पदार्थ एके काळी असे. त्या पुरातन काळातली तशी ही साधीच डिश - पण येथे अगदी सन्मान पावली गेली हे पाहून बरे वाटले. झटपट आणि चवदार पदार्थ.

गौरीबाई गोवेकर सोमवार, 06/05/2013 12:53
फक्त मी हे पोहे तुम्ही लिहिल्याप्रमाणे ऐत्यावेळी न करता कोळातच भिजवून थोडा वेळ ठेवते. मुरल्यावर छान लागतात. आणि त्यात बारीक चिरलेला कांदाही घालते.

स्पंदना सोमवार, 06/05/2013 13:04
हे कधीच नाही खाल्ले. आणि नारळाचे दुध वापरुन त्यंना कोळाचे का म्हणतात? फार आंबट् असतात का? एकुण करुन पहायला हरकत नाही पण हल्ली तयार दुध मिळताना ते कोवळ्या नारळाच मिळालं एक दोनदा. बघु.

अत्रुप्त आत्मा सोमवार, 06/05/2013 13:54
पोहे प्रांतातला अजुन १ पारंपारिक प्रकार...येकदम झ्याक लागतात. :) @पोहे किंचीत पाण्याचे हबके मारुन भिजवुन घ्या>>> पण हे मात्र नाही, आमच्याकडे पोहे थोडेसे भाजुन कुर्कुरीत करतात आणी तसेच घेतात.

मॄदुला देसाई सोमवार, 06/05/2013 16:10
हा प्रकार एकदा केला होता पण येवढा खास वाटला नव्हता. फोटो बघुन तुमच्या पद्धतीने परत एकदा करुन बघेन. @ महेश बर्याच ठिकाणी पेणचे पोहे मिळतात. फार छान चव असते...खास करुन जिथे कोकणातले घरगुती पदार्थ मिळतात तिथे विचारुन बघा. कोथरुड मधे राहाणार्यांना कोकण एक्सपेसच्या गल्लीतल्या कोकण मेवात हे पोहे मिळतील.

jaypal सोमवार, 06/05/2013 19:39
सुपर्ब, जबराट

पैसा सोमवार, 06/05/2013 19:45
आवडती पाककृती! मिरगुंडे घालण्याएवढा पेशन्स नसतो. पण चांगली लागत असणार!

दिपक.कुवेत मंगळवार, 07/05/2013 11:34
हि पाकॄ करताना मला सुद्धा माझ्या आजीची प्रकर्षाने आठवण झाली. असो....सुट्टिला गेल्यावर आजीला करायलाच सांगतो तात्या: पोह्यांचा हा प्रवास माहित नव्हता. धन्यवाद...अधीक माहिती मीळाली. शुची: सडसडित/निमुळत्या बोटांचा आकार पाहता तो हात 'स्पावड्याचा' असावा असा अंदाज आहे. अंदाज चुअकल्यास गवि मार्गदर्शन करतीलच. गौरीबाई: कोळपोह्यात कांदा घालतात हे प्रथमच एकले. असतील...शेवटि पसंद अपनी अपनी :) अपर्णा: नारळाच्या दुधात चिंचेचा कोळ वापरतात म्हणुन कदाचीत कोळाचे पोहे म्हणत असतील. फार आंबट नाहि होत....जर चिंच प्रमाणात घातली तर

गवि मंगळवार, 07/05/2013 12:10
शुची: सडसडित/निमुळत्या बोटांचा आकार पाहता तो हात 'स्पावड्याचा' असावा असा अंदाज आहे. अंदाज चुअकल्यास गवि मार्गदर्शन करतीलच.
त्या धाग्यातील इतर छायाचित्रे वर्णन वाचून फोरेन्सिक संशोधनाने या हाताचा मालक शोधणे हे मनोरंजक ठरेल आणि तसे बर्‍यापैकी शक्यही आहे. शोधा पाहू.. :) ये आदमी व्हेज थाली खा रहा है.. और उंगली में अंगूठी.. दया पता करो..!!! http://misalpav.com/node/17613

तुमचा अभिषेक मंगळवार, 07/05/2013 15:01
सहिये.. हे ना कधी ऐकले होते ना पहिले होते.. खाना तो दूर की बात.. आवडेल पण नक्की.. शेवटी पोहे आहेत भाई.. :)

अनन्न्या शनिवार, 11/05/2013 21:18
घरचे पोहे आणि ओलं खोबरं हे दोन घटक आणि त्यासोबत कधी लसूण चटणी, कधी फोडणीची मिरची, कधी कच्चा कांदा-कोथिंबिर, कधी तेलावर परतून साधे तिखट आणि मीठ, असे कितीतरी दड्प्या पोह्यांचे प्रकार संध्याकाळी शाळेतून आल्यावर केले जायचे. यात गूळ नारळ(ओलं खोबरं) पोहेही आवडीचे! दूध-गूळ पोहे, दही पोहे, कांदे पोहे, बटाटे पोहे आणि तुम्ही सांगितलेले कोळाचे पोहे! किती प्रकार असायचे पोह्यांचे कोकणात! तुमच्या या रेसिपीमुळे हे सारं आठवलं!

चिंतामणी रविवार, 12/05/2013 01:50
एक मामुली शंका. कुठले पोहे वापरायचे? पातळ की जाड?

सौंदाळा (verified= न पडताळणी केलेला) रविवार, 12/05/2013 11:27
आम्ही पातळ पोहे वापरतो आणि दडपे पोहे म्हणतो या पाकक्रुतीला. बाकी पोहे किंचीत पाण्याचे हबके मारुन भिजवुन घ्या ऐवजी पोहे किंचीत नारळ पाण्याचे हबके मारुन भिजवुन घ्या :) अजुन टेस्टी लगतात

सानिकास्वप्निल रविवार, 12/05/2013 15:27
कोळाचे पोहे आणी दडपे पोहे ह्यात फरक आहे दडपे पोह्यांसाठी पातळ पोहे घेऊन त्यात चिरलेला कांदा, मीठ, साखर, नारळाचे पाणी हबका मारण्यापुरतं किंवा नारळाचा चव, चिरलेली कोथींबीर, लिंबाचा रस एकत्र कालवून घेतात. त्यावर मोहरी, हींग, हळद, बारीक चिरलेली मिरचीची फोडणी, तळलेले शेंगदाणे घालून काहीवेळ दडपून ठेवतात. वर दिपकने दिले आहेत ते कोळाचे पोहे आहेत.

प्रभाकर पेठकर रविवार, 12/05/2013 16:30
होय, अगदी बरोबर. कांही जणं त्यात चोचलेली काकडीही घालतात. काकडीचे पाणी आणि बारीक चिरलेल्या कांद्याच्या वाफेने पातळ पोहे मऊ पडतात, खाण्यायोग्य होतात. नारळाचे पाणी हाही पर्याय मस्त आहे.

दिपक.कुवेत रविवार, 12/05/2013 14:03
@ चिंतामणी: पोहे जाड किंवा पातळ कोणतेहि वापरा. पाकॄ मधे तसं म्हटलं आहे @सौंदाळा: नारळ पाण्याची आयडिया मस्त. नेक्स्ट टाईम करेके चखेगा!