Skip to main content

काही मोहक रानफुले

लेखक श्रिया यांनी मंगळवार, 02/04/2013 10:13 या दिवशी प्रकाशित केले.

पावसाळा सुरू झाला कि आजूबाजूचा परिसर विविध छटांचा हिरवा रंग लेवू लागतो.
मग अवचित येतो श्रावण, रिमझिम पाऊस अन उन-पावसाचा लपंडाव घेऊन!
विविध रंगांची रानफुले माळरानांत, पठारांवर, डोंगरांच्या कुशीत बहरून येतात आणि मन मोहरून जाते.
त्यांच्या आकारांत सुद्धा किती वैविध्य! अगदी नखाएवढी छोटुकलीपण असतात काही फुलं.

हा अविष्कार आणि फुलांचा रंगीबेरंगी सोहळा बघण्यासाठी भटकंती करायला मनापासून आवडतं.
अगदी खूप लांबच जायला पाहिजे असेच काही नाही. सकाळी लवकर घरातून निघालं आणि एखाद्या जवळच्या घाटरस्त्याची वाट धरली तरी हा बहर बघायला मिळतो.
हिरव्यागार गवताच्या पात्यांवर, वेलींवर वार्‍याबरोबर डोलणारी निळी,जांभळी,लाल,पिवळी,गुलाबी,पांढरी फुले बघताना, टिपताना अगदी दोन-तीन तास कुठे निघून जातात कळतही नाही.

ह्याच मोसमात फुलणार्‍या काही रानफुलांचे हे फोटो.
(बर्‍याच फुलांची नावं माहित आहेत, काही फुलांची नावं माहीत नाहीत)

१.नभाळी (Cyanotis Cristata)ह्या फुलांचे ताटवे दूरवर पसरलेले असतात.

Nabhali

२.लाल गोधडी (Narrowleaf Indigo)

indigo

३.कानपेट (Commelina)

kanpet

४.चिरे हबॆअमरी (Habenaria Rariflora)

chire

५.नाव माहित नाही.

unknown

६.घाणेरी (Lantana)

tantani

७.घाणेरी (लाल)

tantani

८.घाणेरी (पिवळी)

tantani

९.सोनकडी (Pentanema Indicum)

sonkadi

१०.नाव माहित नाही.(Anisomeles?)

unknown

११.पिवळी पुंगळी (Obscure Morning glory )

yellow

१२.विष्णूक्रांत (Dwarf Morning glory)

dwarf

१३.संकासूर (Peacock Flower / Caesalpinia Pulcherrima)

peacock

१४.हि फूले खूपच सुंदर दिसतात.

flower

१५. याचेही नाव कळले नाही.

unknown

लेखनविषय:
वाचने 23300
प्रतिक्रिया 34

प्रतिक्रिया

साळसकर मंगळवार, 02/04/2013 10:22

छान.. सकाळी सकाळी प्रसन्न वाटले... संकासूर.. राक्षसासारखे नाव.. पण आवडली फुले त्याची..

यंदाच्या पावसाळ्यात देखील कोकणात एक राऊंड मारून यायला हवे... वर्षभराची प्रसन्नता चारच दिवसात जमा होते..

अभ्या.. मंगळवार, 02/04/2013 11:02

छान छान श्रीया.
मस्त आलेत फोटो. बोके पण आलाय की काही ठिकाणी ;)

सस्नेह मंगळवार, 02/04/2013 11:23

शाळेतली कविता आठवली..
रंगरंगुल्या सनसानुल्या गवतफुला रे गवतफुला,
असा कसा रे मला लागला सांग तुझा रे तुझा लळा..
(गवतफुलांचा लळा असणारी) स्नेहांकिता

अस्मी मंगळवार, 02/04/2013 13:19

एकदम सुरेख आलेत सगळे फोटो. लाल घाणेरी, संकासूर, विष्णुकांत ही अगदी घराजवळ असलेली फुलं...अगदी ओळखीची :)

अनन्न्या मंगळवार, 02/04/2013 16:45

यातील बरीचशी फुले पाहिली आहेत पण नावे माहित नाहीत सर्वांची!!

श्रिया मंगळवार, 02/04/2013 19:55

प्रतिसादांबद्दल सर्वांचे खूप खूप धन्यवाद!
इथे फोटो डकवण्यासाठी स्पा आणि इस्पीकचा एक्का यांचे तत्पर आणि उपयुक्त मार्गदर्शन मिळाले, त्याबद्दल ह्या दोघांचे आभार मानते.

५० फक्त मंगळवार, 02/04/2013 23:49

फोटो मस्त आले आहेत, धन्यवाद.

आता मुदलाचं - आभारप्रदर्शन झालं, अल्पोपहाराची काय सोय आता.

श्रिया बुधवार, 03/04/2013 11:37

५० फक्त यांच्या सुचनेनुसार, सर्व उपस्थित मन्यवरांसाठी अल्पोपहाराची व्यवस्था केली आहे, तरी अल्पोपहार केल्याशिवाय कोणी जाऊ नये.:-)

aa

प्यारे१ शनिवार, 13/04/2013 14:10

लिमिटेड थाळी दिसते ही!
हा अल्पोपहार नव्हे हो! अल्पोपहार वेगळा ;)

-'श्रमपरिहारा'ची ओळख असलेला प्यारे

श्रीरंग_जोशी मंगळवार, 02/04/2013 23:58

फारच मनमोहक आहेत सर्वच फोटो.

आवडले.

हरकत नसल्यास नेमके कुठल्या ठिकाणी काढले ते ही लिहावे हि विनंती.

श्रिया बुधवार, 03/04/2013 11:04

ह्यातले बहुतेक फोटो सासवड व पुरंदर परिसरातील आहेत. ह्या परिसरात बरीच प्रेक्षणीय स्थळे आहेत. सासवडवरून वीर (धरण) कडे जाणारा रस्ता हि खूप छान आहे. काही फोटो तिथेही टिपलेले आहेत.
हा पुरंदर जवळचा एक फोटो,
purandar

श्रीरंग_जोशी गुरुवार, 04/04/2013 02:35

या परिसरात मी देखील बराच फिरलोय. पुरंदर वरून सासवडकडे जाणारा रस्ता छानच आहे.
तसेच सासवडकडून पुण्याला येताना दिवेघाटाच्या अगोदर मल्हारगड किल्ल्याचा परिसरही सुंदर आहे.

दिपक.कुवेत बुधवार, 03/04/2013 16:23

बघुन एकदम प्रसन्न वाटलं. खरचं निसर्ग किती रंगांची उधळण करत असतो. फोटो क्रं १३ ची फुले नेहमी दिसतात पण नाव आज कळले.....संकासूर सह्हिच!

अधिराज सोमवार, 08/04/2013 17:52

खूपच छान आहेत फुलांचे फोटो.

काही ओळी आठवल्या,
"मोसमात गवतावरही कसली कसली फुलं फुलतात,
रंगरुपासाठी काय ती पार्लर मध्ये जातात"

शुचि शुक्रवार, 12/04/2013 18:35

रंग रंगुल्या सान सानुल्या गवत फुला रे गवत फुला
असा कसा रे मला लागला सांग तुझा रे तुझा लळा
मित्रांसंगे माळावरती पतंग उडवीत फिरताना
तुला पाहीले गवतावरती डुलता डुलता झुलताना
विसरुन गेलो पतंग नभीच अन विसरुनी गेलो मित्रांना
पाहुन तुजला हरखुन गेलो अशा तुझ्या रे रंगकळा
हिरवी नाजुक रेशिम पाती दोन बाजुला सळसळती
नीळ निळुली एक पाकळी पराग पिवळे झगमगती
तळी पुन्हा अन गोजिरवाणी लाल पाकळी खुलती रे
उन्हा मधे हे रंग पहाता भान हरपुनी गेले रे
पहाटवेळी अभाळ येते लहान होउनी तुझ्याहुनी
निळ्या करानी तुला तुला भरविते दवमोत्यांची कणीकणी
वारा घेऊन रूप सानुले खेळ खेळतो झोपाळा
रात्रही इवली होउन म्हणते अंगाईचे गीत तुला
रंग रंगुल्या सान सानुल्या गवत फुला रे गवत फुला
असा कसा रे मला लागला सांग तुझारे तुझा लळा
– शांता शेळके