Skip to main content

कोबीची भजी.

लेखक ज्योति प्रकाश यांनी सोमवार, 11/03/2013 15:46 या दिवशी प्रकाशित केले.
साहित्यः-१)बारीक चिरलेला कोबी. २)बारीक चिरलेला कांदा कोबीच्या अर्धा. ३)बारीक तुकडे केलेली हिरवी मिरची. ४)आलं-लसूण पेस्ट. ५)बेसन्(चण्याचे पीठ) ६)हळद. ७)लाल मिरची पूड. ८)मीठ. ९)तळण्यासाठी तेल. कृती :-वरील सर्व साहित्य एकत्र करावे.जरुरीपुरते पाणी घालून भिजवून घ्यावे.जास्त पातळ करु नये. कढईत तेल तापत ठेवावे.चांगले तापले की पिठाची छोटी-छोटी भजी तेलात सोडावी व तळून काढावी.(तेल चांगले तापले की गॅस मध्यम करावा). सॉस व गरम गरम चहा अथवा कॉफी बरोबर खायला द्यावी.
वाचने 8428
प्रतिक्रिया 9

प्रतिक्रिया

कच्ची कैरी मंगळवार, 12/03/2013 07:55
आज संध्याकाळी करुन बघते :)

Mrunalini मंगळवार, 12/03/2013 13:34
चांगली आहे पाकृ.. मी कोथिंबीरच्या वड्यांसारख्या कोबीच्या वड्या करते.. त्या पण मस्त लागतात.

मदनबाण मंगळवार, 12/03/2013 20:54
खाउन बघायला हवे...

कवितानागेश शुक्रवार, 15/03/2013 13:36
यात आले-लसूण घालण्या ऐवजी अख्खे धणे आणि मिरीचे दाणे थोडे ठेचून घातले तरी छान चव येते.

दिपक.कुवेत शनिवार, 16/03/2013 16:00
भजी आणि चहा लगेच उचलुन खावसं वाटतय....मस्त आणि सोपी पाकॄ

पैसा शनिवार, 16/03/2013 16:03
कोबीचा एवढा चांगला पदार्थ होतो यावर पटकन विश्वास बसणार नाही!

चिंतामणी रविवार, 17/03/2013 23:16
"भजी" ऐवजी "भाजी" असे वाचत होतो. असो. भजी कुठलिही असली तरी गरम गरम खाण्यात मजा असते. आता करुन खाल्ल्याशिवाय समाधान होणार नाही.