मी हे 7-8 वर्षांपूर्वी केले होते. कॉलेजला सुट्टी असायची तेव्हा. पण अजूनही जपून ठेवले आहे(कपाटात, वापरत नाही)साडीच्या चिंदया एका सरळ रेषेत कापून घ्यायच्या. त्याना गाठ मारून एकमेकाला जोडून घ्याव्या व बंडल तयार करून घ्यावे. घे मी स्वेटर विणायच्या सुयानी (मी आता मोजायचा प्रयत्न केला) पहिल्या स्टेपला 35 टाके घातले. पण कमी कसे केले ते आता आठवत नाही(मी जयवि ताईना विनंती करेन की plz आपण राऊंड करताना कसे करतो ते सांगावे) म्हणजे मलाही परत recall होईल. मी कॉटन च्या साडीचे ही पायपुसणे केले होते, ते तर खूपच सोपे आहे. ते करायची पद्धत सांगते पण आता त्याचा फोटो माझ्याकडे नाही. कॉटनची थोडी जुनी झालेली साडी आडव्या साइडने फाडावी. फाडलेल्या पट्टयंची वेणी घालतो तशी घालत जावी. या कामाला दोन जन तरी लागतात कारण आपण पुढे वेणी घालत असताना मागे त्या पट्ट्या एकमेकात गुंढालेल्या जातात. वेणी पूर्ण झाली की दोन्ही टोकही सुई दोर्‍याने शिवून टाकावी. सर्व वेण्या तयार झाल्या की चकली ज्या प्रमाणे करतो तसे आतून गोल गोल करत सुई दोर्‍याने शिवून टाकावे. झाले पायपुसणे तयार. ते तर खूपच छान दिसते. माझ्या कडची कॉटनची साडी थोडी जुनी झाली की करून फोटो टाकेन. आता लग्न झाल्यावर कधी कधी साडी नेसत असल्याने आताशा साडी फाडणे जिवावर येते.

मी वरच्या काही प्रतिसादात या बद्दल लिहिले आहे