मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

बदामी / सयामी हलवा

गणपा · · दिवाळी अंक
सर्व रसिक खवय्यांना दीपोत्सवाच्या मंगलदायी शुभेच्छा. मौका है दस्तूर भी, तो कुछ मीठा हो जाये? :) साहित्य : बदामी / सयामी हलवा ३ भाग साखर. १ भाग कॉर्नस्टार्च. १ भाग बटर. २-३ चमचे साजूक तूप. ४ भाग पाणी. बदाम. १/२ चमचा वेलची / जायफळ पूड. केसर. खायचा रंग (ऑप्शनल.) कृती : नॉनस्टिकच्या काढईत ३ भाग साखर आणि ३ भाग पाणी एकत्र करून मध्यम आचेवर ढवळत राहावे बदामी / सयामी हलवाबदामी / सयामी हलवा थोड्या कोमट पाण्यात केशर भिजत ठेवावा. १ भाग कॉर्नस्टार्चमध्ये १ भाग पाणी आणि भिजवलेले केशर टाकावं. बदामी / सयामी हलवाबदामी / सयामी हलवा साखरेच्या पाकाला उकळी यायला सुरुवात झाली (तळाला बुडबुडे दिसायला लागले) की त्यात कॉर्नस्टार्च टाकून ढवळावं. बदामी / सयामी हलवाबदामी / सयामी हलवा मिश्रण दाट होऊ लागलं की त्यात २ चमचे साजूक तूप घालून ढवळत राहावं. मध्यम आचेवर तूप मिश्रणात एकजीव झाल्यानंतर त्यात १ मोठा चमचा बटर टाकावं. बटर एकजीव झालं की पुन्हा १ चमचा बटर टाकावं. बदामी / सयामी हलवाबदामी / सयामी हलवा दरम्यान मिश्रणात हवेचे लहान लहान बुडबुडे तयार झालेले दिसतील. नंतर बदाम/काजू आदी सुक्या मेव्याचे तुकडे टाकून ढवळत राहावं. हे मिश्रण स्वत:हून कडा सोडायला लागेपर्यंत ढवळत राहावं. (साधारण दिलेल्या प्रमाणाला २०-२५ मिनिटे लागतात.) बदामी / सयामी हलवा ताटलीमध्ये हे मिश्रण काढून गार करत ठेवावं. (किमान १-२ तास.) बदामी / सयामी हलवा थंड झाल्यावर हव्या त्या आकारात तुकडे करावे. footer
वाचने 10703 वाचनखूण प्रतिक्रिया 18

रेवती Mon, 11/12/2012 - 07:00
दिवाळीला जे मिश्र मिठाईचे बॉक्सेस भेट म्हणून येतात त्यात मला वाटते हा प्रकार असतो. अश्याप्रकारे तो बनवला जातो ही माहिती अगदी नवीन आहे. आम्ही बरेच अंदाज लावून (दुसर्‍यांचे म्हणणे खोडून काढत) शेवटी हा प्रकार गव्हाच्या चिकात काहीतरी (माहित नसलेला) प्रकार मिसळून बनवला आहे असा निष्कर्ष काढला होता. आता तो अंदाजही साफ चुकला आहे. नवीन माहितीबद्दल धन्यवाद रे गणपा! फोटू आवडले. अवांतर: या हलव्यात तर्जनी खुपसून (विष्णूने सुदर्शन चक्र घेतल्यागत) झोपाळ्यावर झुलत ही मिठाई मी खात असे. ;)

सविता००१ Mon, 11/12/2012 - 15:15
गणपा, खरच भन्नाट पाककृती . बेस्टच. बाकी मी पण आत्तापर्यंत रेवतीताईशी सहमतच होते-रेसिपीबद्दल. आता केलाच पाहिजे हा हलवा लवकरात लवकर! :)

स्मिता. Mon, 11/12/2012 - 21:05
अहां, असा बनवतात तर हा हलवा!! तो कश्यापासून आणि कसा बनवत असतील याचं अनेक दिवसांपासून कुतूहल होतं, ते आज उलगडलं. याचे अंदाजे १सेमी आकाराचे क्युब्स करून त्यावर पिठीसाखर भुरभुरवून छान लागते. (पिठीसाखरेमुळे हात चिकट होत नाहीत हे महत्त्वाचं ;))

क्रान्ति Tue, 11/13/2012 - 00:11
आवडता हलवा कसा करतात ते आता कळलं. वरच्या सगळ्या प्रतिसादकांप्रमाणे मलाही तो कशाचा बनतो, हे माहित नव्हतंच. आता बनवून बघावा.

मीनल Tue, 11/13/2012 - 07:55
हा कसा काय करत असतील याचा विचार ही केला नव्हता. फक्त खायचे काम केले होते. आता करून पाहेन.

सानिकास्वप्निल Tue, 11/13/2012 - 17:01
बदामी हलवा खास दिवाळीच्या मिठायांमध्ये असणार हमखास पदार्थ किती आठवणी जोडल्या गेल्या आहेत ...लहानपणी ह्या हलव्यांवरून बहिणीशी होणारे लुटुपुटूचे भांडण आठवते :) पाकृ जबरदस्त आहेच पण शेवटचा फोटो अहाहा! क्या बात है

ज्योति प्रकाश गुरुवार, 11/15/2012 - 16:16
मला हा गव्हाच्या चिकाचा करतात हे माहीत होते,अश्याप्रकारे पण करतात हे आजच कळले.आवडीचा पदार्थ असल्याने नक्की करून पाहीन्.सोपी पाकृ दिल्याबद्दल धन्यवाद.

निनाद मुक्काम पोस्ट जर्मनी Fri, 11/16/2012 - 18:39
मस्तच दिवाळीला माझे काका काकू बेंकेत असल्यामुळे मिठाई चे डब्बे घरी यायचे. त्यात ही मिठाई आवर्जून असायची. एरवी वर्षभर ती खायची संधी फारशी येत नसे.ह्या मिठाई व दिवाळीचे समीकरण लहानपणी डोक्यात एकदम घट्ट होते. आता एकदा ती करून पहिली पाहिजे.

मदनबाण Fri, 11/16/2012 - 21:15
अच्छा असा बनतो काय हा पदार्थ ! मला तर या पदार्थाचे नाव "माहिमचा हलवा" असे असते असेच वाटत होते आत्ता पर्यंत ! :) बाकी "बदामी" आकार छान दिलास हो याला ! ;)

गवि Mon, 11/26/2012 - 12:08
माहीम हलवा वेगळा. पुलंनी वर्णन केल्याप्रमाणे: "अनेक कागदांत गुंडाळून आतमधे कागदाइतकाच पातळ माहीम हलवा मिळे." तो अपारदर्शक असतो आणि पातळ स्लाईससारखा असतो. A दोन्ही हलवे उत्तमच असतात. फक्त कोणत्या हलवायाकडून विकत घेतला याने जमीनअस्मानाचा फरक पडू शकतो (विशेषतः माहीम हलव्याच्या तलमपणात.) गणपाने दिलेली ही कृती आता घरी करुन पहायलाच हवी.

पैसा Fri, 11/16/2012 - 21:45
कुरियर चार्जेस देते, लवकरात लवकर पाठवून देणे.