नमस्कार मंडळी, सर्वांना दिपावलीच्या हार्दीक शुभेच्छा. हि दिवाळि सगळ्यांच्या सगळ्या ईच्छा / आकांक्षा सुफळ सपुर्ण करो. तर इतके दिवस मीपाचा नीयमीत वाचक होतो आणि इथे प्रकाशित होण्यार्या सर्व गोष्टींचा मनापासुन आनंद घेत होतो आणि राहिन. आता हा आनंद अजुन द्विगुणित करण्यासाठि मी सुरु केलेला हा छोटासा प्रयत्न. वाचताना काना, मात्रा, वेलांटया चुकलेल्या दिसतील...तेव्हा सांभाळुन घ्या. कोफ्ता करि....उपासाची साहित्यः १. कोफ्त्या साठि १. किसलेलं कच्च केळं - १ २. उकडलेला बटाटा - १ ३. कोथिंबिर, आलं, हिरवी मीरची पेस्ट - १ चमचा (पाणि न घालता वाटणे) ४. जीरं पुड - १/२ चमचा ५. राजगीरा / साबुदाणा पीठ - प्रत्येकि १ मोठा चमचा किंवा उपासाची भाजणी २ मोठे चमचे ६. चवीनुसार मीठ ७. ताक किंवा पाणि - गरजेप्रमाणे पीठ मळण्यासाठि ८. तळण्यासाठि तेल किंवा तुप २. ग्रेव्ही साठि: १. दाण्याचं कुट - २ मोठे चमचे २. ओलं खोबरं, कोथिंबिर, आलं, हिरवी मीरची पेस्ट - १/२ छोटि वाटि (मुलायम वाटुन घेणे) ३. तुप, जीरं - फोडणी साठि ४. चवीनुसार मीठ / साखर कृती: १. प्रथम एका मोठ्या बाउल मधे कोफ्त्यासाठि दिलेले सर्व साहित्य एकत्र करावे. गरजेप्रमाणे ताक किंवा पाणि घालुन गोळा मळावा. शक्यतो ताक / पाणि लागत नाही कारण केळ्याचा ओलसरपणा पुरतो. २. तयार पीठाचे मध्यम आकाराचे गोळे करुन मंद आचेवर तेलात किंवा तुपात तळावेत. कमी तेलकट / तुपकट करणयासाठि सानिका नि सांगीतल्याप्रमाणे आप्पे पात्राचा वापर करावा ३. आता ग्रेव्ही साठि एका कढईत तुप - जीर्याची फोडणी करावी ४. त्यात तयार केलेली पेस्ट (नंबर २ मधे दिलेली) टाकुन जरा वेळ परतावे ५. मग दाण्याचं कुट टाकुन पाणि घालावे. ग्रेव्ही कितपत घट्ट किंवा पातळ हवी आहे त्यानुसार पाण्याच प्रमाण ठरवणे ६. चवीनुसार मीठ / साखर घालुन मंद आचेवर एक ५ मीनटं ग्रेव्ही उकळु द्यावी आणि गॅस बंद करावा ७. बाउल मधे तयार कोफ्ते ठेउन वरुन ग्रेव्ही घालावी गरमा गरम कोफ्ता करी वरी तांदुळाचा भात, वरुन साजुक तुपाची धार, लिंबाचं लोणचं आणि भाजलेला / तळलेला बटाट्याच्या पापडा सोबत सर्व करावी... टिपा: १. कोथिंबिरिमुळे ग्रेव्ही ला छान हिरवा रंग येतो पण माझ्या मते उपासाला कोथिंबिर वापरत नाही पण जर चालत असेल तर कोथिंबीर एवजी खायचा रंग घालु शकतो...जाणकारांनी प्रकाश टाकावा. २. केळि उकडुहि शकतो पण मळताना मीश्रण एकजीव होइल हे पहावे म्हणजे तळताना कोफ्ते फुटणार नाहित ३. दाण्याच्या कुटामुळे ग्रेव्ही लवकर आळु शकते म्हणुन गरज असल्यास वाढते वेळि थोडे पाणि घालुन ग्रेव्हि सारखि करावी ४. कोफ्ते अगदि आयत्या वेळेस घालावे म्हणजे त्याचा लगदा होणार नाही ५. नुसते कोफ्तेहि नारळाच्या चटणि सोबत छान लागतात चला तर मग...करा आणि कळवा! शुभेच्छा!