Skip to main content

ताम्हिणी घाट

लेखक प्रचेतस यांनी गुरुवार, 16/08/2012 11:41 या दिवशी प्रकाशित केले.
काल सकाळी ऑफिसमध्ये ध्वजवंदन करून हिंजवडी-माण-घोटावडे-अंबडवेट-पौड मार्गे मुळशी ताम्हिणीत भटकंती करून आलो. त्यादरम्यान टिपलेले काही फोटो. १. चाचिवली गावाजवळून दिसणारा मुळशी जलाशय २. दावडीचे उपकेंद्र ३. मुळशी जलाशय ४. ताम्हिणी घाटाकडे सळसळणारा चिंब रस्ता ५. ६. प्लस व्हॅली ताम्हिणी घाटाकडे जाताना निवे गावाच्या थोडे पुढे एक फाटा उजवीकडे लोणावळ्याकडे वळतो. त्या रस्त्यावर ३/४ किमी अंतरावर नितांतसुंदर अशी एक दरी आहे. ७. कोसळत्या जलधारा ८. ९. १०. ११. ही दरी म्हणजे कुंडलिका नदीचा उगम १२. १३. १४. दरीच्या काठावरचे पठार १५. १६. कुंडलिका दरीच्या थोडे पुढेच असणारा पिंपरी जलाशय १७. पिंपरी जलाशय व पाठीमागील सिनेर खिंड १८. १९. हाच ओढा पुढे धबधब्याच्या रूपाने कुंडलिका दरीत कोसळतो. २०. पिंपरी तलावापासून दिसणारे आकाशावेरी घुसलेले सुळके २१. २२. झाडीभरल्या वाटा २३. परतीच्या वाटेवर २४. २५. २६. २७. भाताची खाचरं २८....... २९. ताम्हीणी घाट आणि कुंडलिका दरीकडे जाणारा रस्ता दर्शवणारा गूगल नकाशा
View Larger Map
वाचने 24531
प्रतिक्रिया 64

प्रतिक्रिया

कपिलमुनी गुरुवार, 16/08/2012 11:51
लैच भारी फोटो आहेत .. प्रवासाच्या रस्त्याचा गूगल मॅप द्यायचा होतास ... आम्हाला बरा पडला असता ..पुढच्या ट्रिपला ;)

लीलाधर गुरुवार, 16/08/2012 11:58
घन घन माला नभी दाटल्या, कोसळती धारा, कोसळती धारा ! असेच म्हणावे लागेल ओ वल्लीदा १ नंबर आले आहेत हो फोटो :)

गवि गुरुवार, 16/08/2012 12:11
झक्कास. ताम्हिणी घाटातून पहिल्यांदाच प्रवास या मे महिन्यात केला तेव्हा मधला काही सदहरित जंगलाचा भाग वगळला तर रखरखाट होता. पावसाळ्यात एकदम ट्रान्स्फर सीन दिसतो आहे. सुंदर...

उदय के'सागर गुरुवार, 16/08/2012 12:19
व्वा... काय छान वाटलं फोटो पाहून ...:) मागच्या वर्षी पावसाळ्यात ताम्हीणी ला गेलेलो... सगळ्या आठवणी जाग्या झाल्या आणि हे फोटो पाहून ह्या वर्षी जाण्याचं पक्कं करतोय :)

michmadhura गुरुवार, 16/08/2012 12:40
धुक्याने पांघरलेले दरीखोर्याचे फोटो, एकदम बेस्ट.

५० फक्त गुरुवार, 16/08/2012 12:45
फोटो मस्त, अवांतर - आमच्या क्षेत्रात फुकटची घुसखोरी खपवुन घेतली जाणार नाही, फोटो क्र. २ मध्ये उपकेंद्र कुठं आहे सिद्ध करा नाहीतर नाव बदला, फोटोचं. तुमच्या माहितीसाठी दावडीला जे उपकेंद्र आहे तिथंपर्यंत सामान्यपणे कुणीही पोहोचु शकत नाही, टाटा पॉवर म्हणजे महाराष्ट्र शासन नव्हे, कुणालाही कुठंही येउ द्यायला.

गवि गुरुवार, 16/08/2012 12:49
मला या घाटात अगदी रस्त्याला लागून टाटाचे असंख्य सोलर पेनेल्सचे मोठे प्लॉट्स दिसले. तेच का पॉवर स्टेशन? की ते आणि काही? टाटा पॉवर: अमुक मेगवॅटचा सोलर पॉवर प्रोजेक्ट असं तिथे लिहिलं होतं.

५० फक्त गुरुवार, 16/08/2012 16:43
@ गवि, नाही, ते उपकेंद्र नाही ,तो सोलर पॉवर जनरेशन प्रोजेक्ट आहे टाटाचा. दावडीला टाटाचा भिरा पॉवर जनरेशनचा पाण्याचा इनटेक आहे. त्या साठीचं उपकेंद्र आहे तिथं. पहिल्या फोटोत दिसतात ते प्रचंड टॉवर टाटाची स्वताची वीज, टाटाच्या माले गावातील गेस्ट हाउसला आणण्यासाठी टाकलेल्या लाईनचे आहेत.

सुहास झेले गुरुवार, 16/08/2012 13:21
लई लई भारी फोटो आहेत. पावसात ताम्हिणी घाट म्हणजे स्वर्गानुभव. काल अवचितगडावर होतो, तिथून कुंडलिका जबरदस्त दिसते :) :)

मन१ गुरुवार, 16/08/2012 13:35
मस्तच. कधी मधी वाटेल तेव्हा, लहर येइल तेव्हा मीही असाच ताम्हिनी घाटात पोचायचो. पण अर्थात तुम्हा मंडाळींसारखे गड किल्ले अजिबातच पाहिलेले नाहीत, ट्रेकिंग म्हणावं तसं कधीच केलं नाही. नुसतं जायचो. आणि पायी भटाकत सुटायचो. कुठंही....कसंही....... अल्लाद अल्लाद एक नशा चढायची हवेची. त्याच धुंदीत काहिसं हल्कं हल्कं वाटयला लागलं की परतीला लागायचो. बहुतेकदा सोबत फारसे कुणीच नसायचे. कॅमेरा तर कधीच नेला नाही. स्वतःला शब्दःश अगणित क्षण देता यायचे. लव्हली.

अत्रुप्त आत्मा गुरुवार, 16/08/2012 14:50
अनेकदा..अनेकवेळी...आणी हरएक ऋतुमधे या घाटातून गेलेलो आहे...पण पावसाळ्यातली मजा काहि और असते. वल्ली...फोटू मस्त आलेत हो... अ-वांतर---- बाइक रिफ्रेश केलीत काय..? ;-)

चौकटराजा गुरुवार, 16/08/2012 15:08
सह्य गिरी दावितसे झाडे, आणिक नाना वल्ली कुंडलिकेच्या उगमाची निर्झरे ,सापडली एका किल्ली गावकरी एकूणात खरेचि ,फार हिंडतो हल्ली कारे गुपचुप जात फिरतोसी , उत्तर द्रे रे वल्ली ! काय राव त्या पिल्यन सीटला हक्काचं माणूस आणा नायतर म्हातुर्‍याला तरी बोलवा !

मदनबाण गुरुवार, 16/08/2012 15:18
आहाहा... सगळ कसं हिरव गार ! :) त्या ए़कट्याच चरणार्‍या वासराकडे लक्ष गेल,गावाकडे गेलो तर,किंवा शहरात जेव्हा चुकुन एखादे वासरु दिसले तर त्याला हात लावुन गोंजारायला मला फार फार आवडते... त्यांचा गळ्यावरुन हात फिरवताना फार मस्त वाटत ! कसं अगदी कोवळ पाडस ! :) ते प्रेमाने चाटतात तेव्हा त्यांच्या जिभेचा खरखरीत स्पर्श देखील चित्ताला शांतता देउन जातो. :)

प्रभाकर पेठकर गुरुवार, 16/08/2012 16:16
ताम्हिणी घाट मस्तच आहे. पावसाळ्यातील भटकंती अतिशय आल्हाददायक. नयनरम्य निसर्गचित्रं. स्वातंत्र्य दिनी निसर्गाच्या,पशू-पक्ष्यांच्या सानिध्यात जितका 'स्वातंत्र्याचा' अनुभव येतो तितका शहरात येत नाही. छायाचित्रण कलेतील एक वाचलेले वाक्य आहे: Nature never deceives. निसर्ग कधी फसवत नाही. नवशिक्या छायाचित्रकाराने छायाचित्रणाला सुरुवात सुंदर निसर्गापासून करावी. येणारी सुंदर छायाचित्रं छायाचित्रकाराचा हुरूप वाढवितात. स्वानुभव.

नि३सोलपुरकर गुरुवार, 16/08/2012 16:21
फोटो मस्त आलेत मित्रा. वल्ली - ताम्हिणी घाटातून खाली पाली गावात उतरायला मार्ग आहे वाटतो ?

प्रचेतस गुरुवार, 16/08/2012 22:09
पालीला जायचे म्हटले तर ताम्हिणी गाडीमार्गाने घाट उतरून माणगाव किंवा कोलाड ते वाकण फाटा. पायी जायचे असेल तर ताम्हिणी घाट-तैलबैला २० किमी-तिथून सवाष्णी किंवा वाघजाई घाटाने घाट उतरून बैरामपाडा-धोंडसे आणि तिथून पाली गाठता येईल पण दोन्ही खूप लांबचे पल्ले आहेत.

मी_आहे_ना गुरुवार, 16/08/2012 16:40
मस्त फोटो, आणि लोणावळ्याच्या मार्गाबद्दल माहिती दिल्याबद्दल धन्यवाद. पुढच्या ट्रिपला नक्कीच 'राईट' मारण्यात येइल :)

अक्षया गुरुवार, 16/08/2012 16:46
मस्तच आहेत सगळे फोटो.. :)

पैसा गुरुवार, 16/08/2012 17:34
कोणत्या फोटोला सर्वात छान म्हणू? सगळेच आवडले. पावसाने धुवून स्वच्छ झालेला रस्ता कधी कधी चांदीसारखा चकाकतो. अगदी तोच अनुभव या फोटोतला रस्ता पाहताना आला! मस्त! मस्त!! मस्त!!!

निशदे गुरुवार, 16/08/2012 18:55
एक फोटो आवडेपर्यंत पुढचा जास्त आवडतोय....... शेकडो आठवणी जाग्या केल्यात. कॉलेजमध्ये आणि नंतर असंख्य वेळा ताम्हिणीमध्ये गेलो आहे. सुंदर फोटो

गणामास्तर गुरुवार, 16/08/2012 19:24
मस्त फटू रे.. घाट सुरु होण्याआधी एक धबधबा आहे, तिकडे गेला नाहीस काय? आणि त्या माण गावा पुढच्या लेण्या पाहील्यास का?

प्रचेतस गुरुवार, 16/08/2012 22:12
अबे ताम्हिणी घाटात येणारे ७५% लोक त्या धबधब्यापाशी असतात. तिथेच जाम गर्दी असते. पुढे फारसे कोणी जात नाहीत. माणच्या लेण्या दिसल्या. लेण्या कसल्या, एक विहार आहे फक्त. जाईन आता लवकरच तिथे. @अत्रुप्त आत्मा: बाईक रिफ्रेश केली होती. :)

स्वच्छंदी_मनोज गुरुवार, 16/08/2012 21:36
मस्तच रे वल्ली...जबरदस्त फोटो. ताम्हीणी एरीया ट्रेक करायला जबरदस्तच आहे.. कैलासगड, सिनेरखिंड, अंधारबन, पिंपरीचा घाट, गाढवलोट घाट आणीक बरेच काही... ह्या भागातले दुर्लक्षित किल्ले आणी घाट वाटा हिंडायला मस्त मजा येते.. आम्ही पहिल्यांदा ४ वर्षांपुर्वी घनगडावरून बाईकने ह्याच एरीयात फिरून निव्याला गेलो होतो तेचा पासूनच ह्या एरीयाच्या प्रेमात पडलोय... अवांतरः हाच एरीया अजून ६-७ महीन्यांनी पुर्णपणे वेगळे रुप दाखवेल..

प्रा.डॉ.दिलीप बिरुटे गुरुवार, 16/08/2012 21:39
व्वा वल्लीशेठ. लंबर एक फोटो. -दिलीप बिरुटे

स्पा गुरुवार, 16/08/2012 22:37
फोटो लैच कहर आलेत वल्या . हिरवेगार ......... बायको पण नटून आलेली दिसतेय :D

प्रशांत गुरुवार, 16/08/2012 22:49
सगळे फोटो मस्तच...

अत्रुप्त आत्मा शुक्रवार, 17/08/2012 17:25
@फटू नं २७ मध्ये कोणीतरी आहे>>> या वरुन आंम्हाला...''कुणितरी आहे तिथे'' नावाचे नाटक अठवले... ;-) तिथे मध्य भागी १ हिरवट पुतळा दिसतोय.... हम्मम्मम्म.... काय असावं बरं ते? ;)

प्रचेतस सोमवार, 21/12/2015 18:04
गावडे सर मुद्दाम विचारायलेत. बाकी रस्ता एकदम साधा सोपा सरळ - पुणे-भूगाव -पिरंगुट- पौड- मुळशी धरण - माले- वारक- ताम्हिणी ताम्हिणी चे इथे मुळशीचं ब्याकवाटर हेयरपिन वळण घेतं. त्यापुढे दावडी मग निवे पार केलं उजवीकडे लोणावळा फाटा लागतो. तिथे पिंपरीचं लहानं धरण आहे आणि पलिकडे कुंडलिका दरी. ह्या फ़ाट्यावरुन न वळता सरळ गेल्यास कुंडलिका प्लस दरी आणि मुख्य ताम्हिणी घाट. मुख्य ताम्हिणी घाटात डोंगरवाडी आणि आदरवाडी आहेत. डोंगरवाडीत टाटा वीजप्रकल्प आहे. खाली भिऱ्याला जायला आधी हाईस (डोंगरउतारावरुन रुळांवरुन जाणारी ट्रोली) तिने एकदा भिऱ्याला उतरलो होतो. आता रस्ता झाल्याने हाईस बंद आहे. मात्र हे रूळ अजूनही दिसतात.

सस्नेह सोमवार, 21/12/2015 10:21
डोळे निवले फोटो पाहून. एकदम प्रसन्न !

स्वच्छंदी_मनोज शुक्रवार, 08/01/2016 18:11
हा धागा पुन: बोर्डावर आणल्याबद्दल अआ ह्यांचे आभार. ह्या २०१५ च्या पावसाळ्यात पण ह्या भागात ट्रेकींगला जाणे झाले पण गेल्या पावसाळ्यात मनासारखा पाऊस ट्रेक झाला नाहीच :(. उलट अंधारबन, हिरडी भागात ऐन पावसाळ्यान कमी पावसाने चक्क उन्हाने दमणूक केली :( तसेच गेल्या काही वर्षात इथे बरेच प्लॉटींग झालेय आणी ज्या रस्त्यावरून काही वर्षांपुर्वी एखाद दुसरी एस्टी, बैलगाडी किंवा गेला बाजार बाईक्स दिसायच्या तिथे आता सर्रास फॉर्च्युनर, ऑडी, बेंझ अश्या गाड्यांची वर्दळ वाढलीय. तसेही मुळशी बॅकवॉटर हा भाग अ‍ॅम्बीव्हॅली, लवासा या नंतर तिसरे प्लॅन्ड हीलस्टेशन मंजूर झालेच आहे आणी ह्या पट्ट्यातली बहुतांशी जमीन "महाराष्ट्र व्हॅली व्ह्यू" ह्या कंपनीनी खरेदी केलीय. त्यामुळे येत्या काही वर्षात हा भाग सामान्यांसाठी प्रतीबंधीत झाला तर आश्चर्य नको.

प्रचेतस शुक्रवार, 08/01/2016 18:31
अगदी खरंय. ह्या परिसराची आता वाट लागायला सुरु झालीय. ८/१० वर्षापूर्वी ताम्हिणी मार्गे निवे- पिंपरी - भांबर्डे - सालतर अगदी अनाघ्रात परिसर होता. आता मात्र तो रस्ता जवळपास ओळखू येईनासा झालाय.

स्वच्छंदी_मनोज सोमवार, 11/01/2016 14:38
त्याच दिशेने वाटचाल सुरु आहे. वरती मी म्हटलेली MAharashtra Valley View Pvt Ltd. ह्या कंपनी बोर्डावर सुनील तटकरे आहेत असे म्हटले जाते. खखोदेजा.

स्वच्छंदी_मनोज सोमवार, 11/01/2016 14:40
बिरुटे सर, नक्कीच जाण्यासारखा आहे हा भाग पण ह्याचे खरे सौंदर्य पावसाळ्यात. जुलै-ऑगस्ट मध्ये हा भाग म्हणजे अहाहा! फिशिंगबद्दल माहीत नाही.

प्रचेतस सोमवार, 11/01/2016 16:42
मुळशी तलाव टाटाच्या खाजगी मालकीचा असल्याने त्यात फ़िशिंग करू देत नाहीत. मला तरी इतक्या वर्षात एकही नाव जलाशयात दिसली नाही.