प्राँन्स घस्सी / गस्सी

साहित्य: ताजी कोळंबी साफ करून, काळा धागा काढून घेतलेली ३-४ टेस्पून खोवलेला ओला नारळ १ छोटा कांदा बारीक चिरलेला २-३ टेस्पून नारळाचे घट्ट दूध ३-४ लाल सुक्या मिरच्या (आवडीप्रमाणे कमी-जास्त) १ टेस्पून धणे १ टीस्पून जीरे ४ लसूण पाकळ्या १ टीस्पून काळीमिरीपूड (तुम्ही अख्खे मिरे वापरू शकता) १/४ टीस्पून मेथीदाणे १ टेस्पून चिंचेचा कोळ १/३ टीस्पून हळद मीठ चवीनुसार बारीक चिरलेली कोथींबीर पाकृ: एका पॅनमध्ये १ टेस्पून तेल गरम करुन त्यात लाल सुक्या मिरच्या, धणे, जीरे, मेथीदाणे, लसूण घालून परतून घ्या. (अख्खे मिरे वापरत असल्यास ते पण ह्यातच परतून घ्यावे) त्यात खोवलेला ओला नारळ व काळिमिरीपूड घालून नारळ हलक्या तांबूस रंगावर परतून घ्या. गार झाले की मिश्रण मिक्सरला थोडे पाणी घालून वाटून घ्या. दुसर्‍या पॅनमध्ये तेल गरम करुन कांदा गुलाबी रंगावर परतून घ्या. त्यात हळद व वाटलेला मसाला घालून तेल सुटेपर्यंत चांगले परतून घ्या. आवश्यकतेनुसार पाणी घालून उकळी काढा. आता त्यात कोळंब्या घालून, झाकून ४-५ मिनिटे शिजवावे. कोळंब्या शिजल्या कि त्यात चिंचेचा कोळ व नारळाचे दुध घालून आणखीन २-३ मिनिटे शिजवावे. बारीक चिरलेली कोथींबीर वरुन पेरावी व थोडेसे नारळाचे दुध घालून गरमा-गरम सर्व्ह करावे. ही प्राँन्स घस्सी / गस्सी तुम्ही साध्या भाताबरोबर, चपाती किंवा नीर डोश्याबरोबर सर्व्ह करावी.