फ्रायडे रात्र असल्याने आमचा पास.

माझा धागा (भिकार सावकार)का उडवला गेला त्याच कोड अजुन सुट्त नाय मला ,अन हे काय नविन... ;)

पहिल्या कोड्याचे उत्तर ३ नंबरची आकृती आहे. कर्णानुसार जुळते. चौथ्या कोड्याचे उत्तर ७ नंबरची आकृती असू शकते.

मला भेटायला आलेल्या दोन ९ वी तील शाळकरी विद्यार्थ्यांबरोबर बसून ही कोडी सोडवायचा प्रयत्न केला आहे, बरोबर असतील त्याचं श्रेय त्या दोघांचं; एक आहे साब्रिना इबारा (Sabrina Ibarra) आणि सॅम वू (या आडनावाचा उच्चार असा का ते सांगणं मला कठीण आहे!) (Sam Ng): १. या आकृतीत ३ मूळ आकार आहेत, लहर, टोक आणि त्रिकोण (Wave, Peak, Triangle: WPT). वरून खाली येतांना तिन्ही कॉलम मध्ये WPT हा क्रम कायम रहातो. प्रत्येक आकाराची तीन रुपं आहेतः टोक नसलेला आकार, तळ नसलेला आकार आणि टोक आणि तळ दोन्ही असलेला आकार (ज्याला आपण 'साधारण' आकार म्हणुयात). तर 'लहर' (wave) या प्रकारातला 'साधारण' आकार अनुपस्थित आहे, आणि तो आहे टोक आणि तळ दोन्ही असलेला आकार (पर्यायांपैकी क्र. ५ चं चित्र). २. आडवं किंवा उभं गेलं तर आकार एकाच क्रमाने बदलतातः चौकोन, रेषा, फुल्या. या क्रमाने विचार केला तर मोकळ्या ठिकाणची आकृती असणार रेषांची. आता प्रत्येक स्थानावरील आकृतींची संख्या पाहिली तर डावीकडून उजवीकडे ती खालील क्रमाने बदलते: पहिली रांग - ३, ४, ५; दुसरी रांग - ५,३, ४; तिसरी रांग - ४, ५, ?. म्हणजे ? या ठिकाणी तीन रेषा असलेली, म्हणजे पर्यायांपैकी क्र. ८ ची आकृती असणार. ३. प्रत्येक ओळीत डावीकडून उजवीकडे जाताना पहिल्या दोन आकृती एकमेकांवर ठेवल्या, आणि त्यांतील समान गोष्टी काढून टाकल्या तर उरतो तो आकार म्हणजे तिसरी आकृती (उदाहरणार्थ, पहिल्या रांगेतील चित्र १ हे चित्र २ वर ठेवले, आणि त्यातील समान गोष्टी [भरलेले थेंब] काढून टाकल्या तर उरतो तो आकार म्हणजे तिसरा आकार.) तिसर्‍या ओळीत या नियमाने पाहिल्यास तिसर्‍या मोकळ्या जागी असेल ती आकृती म्हणजे चौकोनात आधिकचं चिन्ह, म्हणजे पर्यायांपैकी आकृती क्र. २. ४. हे आम्हाला सर्वात अवघड कोडं वाटलं, पण या पठ्ठ्यांनी ते बरोबर सोडवलं आहे असं मला वाटतं: या कोड्यात दोन क्रम (patterns) आहेत, म्हणून दोन वेगळी कोडी सोडवली आहेत. पहिल्यात बघा फक्त बिंदूंकडे आणि त्यांना छेदून जाणार्‍या रेषांकडे. आकृतीतील इतर सर्व आकार पुसून टाकले तर खालील क्रम दिसतो: पहिलं घर दुसरं घर तिसरं घर १ ली रांगः (बिंदू) (रेष+बिंदू) (रेष+बिंदू) २ री रांग (रेष+बिंदू) (२ रेषा+ बिंदू) (रेष+बिंदू) ३ री रांग (रेष+बिंदू) (रेष+बिंदू) (?) म्हणजे अखेरच्या रांगेतील मोकळ्या जागच्या आकृतीत एक तर (बिंदू) असेल किंवा (दोन रेषा+बिंदू) असतील (म्हणजे पर्याय १ किंवा ४) आता दुसर्‍या प्रकार कोडं सोडवून पाहू: वरील तिसर्‍या कोड्यातील पद्धतीप्रमाणे डावीकडून उजवीकडे जातांना पहिल्या दोन आकृती एकमेकांवर ठेवल्या, आणि त्यांतील फक्त बाह्य समान गोष्टी काढून टाकल्या तर उरतो तो आकार म्हणजे तिसरी आकृती (उदाहरणार्थ, पहिल्या रांगेतील चित्र १ हे चित्र २ वर ठेवले, आणि त्यातील बाह्य समान गोष्टी [डावीकडची उभी रेषा] काढून टाकली तर उरतो तो आकार म्हणजे तिसरा आकार.) या पद्धतीने विचार केला तर पर्यायांपैकी क्र. १ ची आकृती हीच मोकळ्या जागी बसेल. ५. लंबगोलाच्या बाहेरील थेंब म्हणजे (+) आणि आतील थेंब म्हणजे (-) अशा क्रमाने बेरजेचा विचार करून तिसर्‍या आकृती पाहिली तर

• पहिल्या ओळीत डावीकडून उजवीकडे जातांना (+३) + (-४) = (-१) अशी (आत १ थेंब असलेला लंबगोल) आकृती दिसते,
• दुसर्‍या ओळीत (+२) + (+१)= (+३) (बाहेर ३ थेंब असलेला लंबगोल),
• तर तिसर्‍या ओळीत (+५) + (-३) या क्रमाने शेवटची आकृती (+२) (बाहेर २ थेंब असलेला लंबगोल) अशी असायला हवी.
म्हणजे पर्याय क्र. ५. बरोबर आहे का?

मला वाटले की मिपावरती कोण काय कोडी घालतो त्यावरुन त्याचा बुद्ध्यांक कसा ओळखावा ते सांगत आहात का काय. असो...

च्यायला मिपा आता तर्कक्रिडेच्या मार्गाने जाणार काय?

पण, एकही सुटले नाही..