माफक ईच्छा...मिपाधर्म वाढवावा......

अनुमोदन तुमच्या मताला आमचे ही ! राज जैन शुभ कर्मन ते कबहूं न डरो....!

आजपर्यंत सर्वच नव्हे, परंतु मिपावर निखळ प्रेम असणार्‍या मिपाकरांच्या साथीने मिपाधर्म वाढवण्याचा प्रयत्न केला. उद्याचं माहीत नाही! नुकतंच नीलकांतला भेटून मिपावर थोडा अधिक खर्च करून अजून काही चांगल्या सुधारणा करण्याबद्दल, सर्व्हरबद्दल वगैरे चर्चा केली. परंतु आता मन नाही. आहे ते मिपा ठीकच आहे! असो, नितिनराव, आपल्या अपुलकीबद्दल कृतज्ञ आहे... तात्या.

ईथे एवढी चिखलफेक नाही झालीये ..पण ती पुढे वाढु नये हीच आमची ईछा मी पण सहमत आहे तसा मी काही लेखक नाहि इतकेच काय मी प्रतिक्रिया पण खुप कमी लिहितो पण वाचन होते ( जनामनातले सोडून ते काय आपल्याला झेपत नाहि) काही जणांना मी चांगलाच ओळखतो जरी ते मला ओळखत नसले तरी त्यामुळे त्यांचे झालेले अधःपतन मन विषण्ण करुन जाते कदाचित वैयक्तिक समस्यांमुळे असे होत असावे अशी शंका वाटते (ते जी कामे करतात त्या कामाच्या स्वरुपाबद्दल तसेच जिथे काम करतात त्या बद्दल मला संपुर्ण माहिती असल्यामुळे हे विधान करु शकतो) तरी या डिप्रेशन मधुन अशा व्यक्ति सुखरुप सहिसलामत पुर्वीच्याच जोशात बाहेर याव्यात अशी परमेश्वराजवळ प्रार्थना करतो नाना

मिपाचा ,ईथल्या लिखाणांचा,ईथल्या टोपण नावांचा ,तात्याचा निस्सीम चाहता असेच म्हणतो (हागणदारीला वैतागलेला) सोकाजीराव

लिहिता येत नाही म्हणता, पण वर अगदी सुसूत्रतेने आणि मुद्देसूदपणे लिहिलंय की तुम्ही! :) तुम्ही माझं नांव घेऊन टीका केलीय तेंव्हा उत्तर देणं भागच आलं.... मिपाचा तुम्हाला जितका जिव्हाळा आहे तितकाच आम्हालाही आहे. आमची वाटचाल जर न्याहाळली तर मिपावर आम्ही विधायकच स्वतंत्र लिखाण केलेले आहे. मिपावरचं वातावरण जेंव्हा तणावपूर्ण होतं तेंव्हा तो ताण कमी करण्यासाठी (कविता हा आमचा प्रांत नसतांना) विडंबक कविताही प्रकाशित केलेल्या आहेत. लोकांच्या चेहर्‍यावर हसू फुटावं, चिडाचिड कमी व्हावी हाच त्यामागचा उद्देश आहे. तुम्हाला ठाऊक नसेल पण मिपामालकांना माहिती आहे की जेंव्हा वेळ पडली तेंव्हा मिपाची बाजू घेऊन भांडलेलोही आहोत. तेंव्हा आमच्या मिपाप्रेमाच्या पातिव्रत्याबद्दल शंका घेण्याचा कुणी प्रयत्न करू नये..... आमचं म्हणणं इतकंच की जर कुणाला मिपावर काय चाललंय हे आवडत नसेल तर काही नवीन दिशा द्यायचा प्रयत्न करा ना. त्यासाठी कोणी लेखक/ कवी असायची गरज नाही. इथे कोणीही पुल वा कुसुमाग्रज नाही. लेखन हा कुणाचाच पूर्णवेळ व्यवसाय नाही. तुम्ही संगीत, चित्र, शिल्प, अर्थकारण, राजकारण, समाजकारण कशाचीही चर्चा सुरु करू शकता! काहीच नसेल तर रोजच्या वर्तमानपत्रात वाचलेले किंवा तुमच्या दैनंदिन जीवनात तुम्हाला जाणवलेल्या जिव्हाळ्याच्या विषयांवर 'काथ्याकूट' मध्ये चर्चा सुरु करा..... काहीही करा पण या प्रोसेसमध्ये स्वतः सहभागी होऊन स्वतः काही नवी दिशा द्यायचा प्रयत्न करा. मी तुमचं दोन्ही बाहू पसरून स्वागत करतो...... पण तसं काहीहि न करता फक्त वाचनमात्र राहून अचानक एखादे दिवशी "हे काय चाललंय, आणि ते काय चाललंय" असे जाब विचारल्यासारखे वाटणारे वांझोटे प्रश्न उपस्थित करण्यात काय मतलब आहे? हृषिकेशने म्हटल्याप्रमाणे अशाने परिस्थिती सुधारत नाही तर आणखी चिघळते. नुसतेच नेहमी लिहिणार्‍या ऍक्टिव्ह मेंबर्सकडून हाय अपेक्षा आहेत असे म्हणत राहू नका, स्वतः या क्रियेत सहभागी व्हा. आपलं लिखाण मनासारखं वठत नाहिये अशी जर शंका असेल तर तुमच्या आवडत्या अशा मिपावरच्या कुठल्याही लेखक/ कवीला व्यनि करून ते पाठवा आणि सुधारणा मागवा. माझी खात्री आहे की इथला कोणताही लेखक/कवी आपल्या फेलो मिपाकराला आनंदाने मदत करेल. जर जास्तीतजास्त मिपाकरांनी लिहिण्याच्या प्रक्रियेत सहभागी व्हायचं ठरवलं तर चिखलफेक करणारं लिखाण आपोआपच मायनॉरिटीत जाणार नाही का?

नितिनजी, अगदी प्रामाणिक आणि मनापासून लिहिलेलं आहे तुम्ही. पिडां काका म्हणतात त्याप्रमाणे अगदी सुसूत्रही लिहिलं आहे. आपल्या भावना अगदी निट पोचवल्या आहेत आपण. मिपाची सदस्य आणि हितचिंतक म्हणून मी माझ्या परीने चांगल्यात चांगले लेख , व्यक्तीचित्र, कविता अगदी मनापासून लिहित आले आहे. आणि कोणी कितीही टिका करो अथवा नावे ठेवो मी इथले लेखन थांबवणार नाही हे नक्की. कोणी काही वातावरण नासवणारे लेखन केले तर त्याला मी कधीही प्रतिसाद देऊन प्रोत्साहीत नाही केले आणि करणारही नाही. एका मर्यादेपर्यंत मजा असते नंतर अती तिथे माती होते हे मी पूर्णपणे जाणून आहे. जर जास्तीतजास्त मिपाकरांनी लिहिण्याच्या प्रक्रियेत सहभागी व्हायचं ठरवलं तर चिखलफेक करणारं लिखाण आपोआपच मायनॉरिटीत जाणार नाही का? हे मात्र खरं.. - (सर्वव्यापी)प्राजु http://praaju.blogspot.com/

इतिहासाची तमा नसे तर भविष्य तममय वाटतसे (इति कवी सर्किट) आजकाल येथे चिखलफेक, मिपाचे शत्रू, वगैरे असे अनेक वाक्प्रचार दिसताहेत. हे सर्व लोक, म्हणजे असे वाक्प्रचार दाखवणारे, आजवर वाचनमात्र होते असे दिसते. आजच मिपाच्या जीवनमूल्याविषयी आपापले दात पुढे दाखवू लागलेले आहेत असे दिसते. आणि पिडांकाकांचे नाव पुढे देताहेत. काकांचे नाव द्यावे नक्की. पण पिडांकाकांचे नाही. इतिहासाची तमा नाही, हे नक्कीच. कुठल्या काकांचे नाव द्यावे हे जर कळत नसेल, तर सोडा ना ! कळत नाही, हे स्पष्ट सांगा ! इथल्या अनेक काकांनी अनेक पुतण्यांना आजवर शहाणपणा (?) शिकवण्याचा प्रयत्न केला आहे. आता हे आले, एक पिडाकाकांचे पुतणे !!! हे असे लेख आणी प्रतिसाद जर मिपावर राहणार असतील, त्रा खरेच, मिपाचे अष्टप्रधानमंडळ झोपले आहे का ? हाच प्रश्न उरतो ! मिपाच्या जन्माचा उद्देश, हे अभिव्यक्ती स्वातंत्र्य, हे जर कुणालाही जाणून घेता आले, तर असे प्रतिसाद येणार नाहीत, हे नक्की. काय तात्या ? - सर्किट

या विषयावरील चर्चा आता थांबवण्यात आली आहे! पुरे झालं आता! सर्व मिपाप्रेमींचे आभार... यापुढील येथील सर्व प्रतिसाद उडवले जातील... तात्या.