✍ मराठी साहित्य, संस्कृती आणि लेखनाचे व्यासपीठ

सामना जगज्जेतेपदाचा - आनंद वि. बोरिस - भाग ३

चतुरंग यांनी
 ·  लेख
लेख
लेखनविषय (Tags)
क्रीडा
लेखनप्रकार (Writing Type)
आस्वाद
लेख
प्रतिभा
विश्वविजेतेपदासंबंधी लिहिलेल्या आधीच्या दोन्ही भागाचे दुवे http://www.misalpav.com/node/21605 http://www.misalpav.com/node/21686 http://www.chessdom.com/news-2011/world-chess-championship-2012 या संकेतस्थळावर पट आणि चालींचे विश्लेषण दिसते. http://moscow2012.fide.com/en/ या ठिकाणी डावाचेच थेट प्रक्षेपण होत असल्याने डाव आणि खेळाडू बघता येतात. परंतु मध्येच प्रायोजकांचे काही कार्यक्रम सुरु होऊन रसभंग होतो. पण खेळाडू बघता येणे ही मौज काही वेगळीच असल्याने हे संस्थळही जरुर बघावे. तिसर्‍या भागात नवव्या डावापासून सुरुवात करायची आहे. आनंद आणी बोरिस दोघांची गुणसंख्या समसमान आहे. उरलेल्या चार डावात दोघांकडे दोन दोन वेळा पांढरी मोहोरी असणार आहेत. कालच्या डावात आनंदने बाजी मारुन आक्रमक झाल्याचे दाखवून दिले आहेच, बोरिस तर पहिल्यापासून शड्डू ठोकूनच खेळतोय त्यामुळे उरलेले चारही डाव रंगतदार होतील अशी आशा आहे. -चतुरंग
💬 प्रतिसाद (105)

प्रतिक्रिया

रमताराम
Fri, 05/25/2012 - 09:15 नवीन
अजून राजा एफ-१ ला सरकलेला नाही इकडे दुर्लक्षच झाले की. :) सतराव्या खेळीबाबत एकदम सहमत. उंट ए पट्टी आणण्याने फारतर हत्ती बी-१ मधे आणून मग बी प्यादे पुढे सरकवता आले असते, पण यातून मोठी मोहरी पुढे जाण्यास काही फारशी मदत होत नाही. तिथला डेड-लॉक लगेच फुटला असता तरी बोरिसचा काळा उंट परत बाहेर येऊन पटाच्या वरच्या बाजूला मध्यावर परत १४ व्या खेळीनंतरची स्थितीच निर्माण झाली असती. एकच फायदा, आता मी दुर्लक्षलेला राजा कोटात गेलेला असल्याने घोड्याने सी प्याद्यावर हल्ला करता आला असता. आता पांढरा उंट मदतीला येऊ शकत नसल्याने राजाला पुढे येऊन प्याद्याला संरक्षण द्यावे लागले असते. मग कदाचित आनंद मागच्या घोड्याने सी पट्ट्यातील पुढच्या प्याद्यावर मोर्चा लावू शकला असता. पण हे काही फार फायदेशीर झाले नसते, कारण बोरिसने घोडे एक्स्चेंज करून स्थिती परत बरोबरीत आणली असती. त्यामु़ळे मुळातच उंट ए-३ ही खेळी काही फारसे साधणारी नव्हतीच. :( मला तरी त्यामागचे लॉजिक लक्षात आले नाही.
↩ प्रतिसाद: चतुरंग

भडकमकर मास्तर
गुरुवार, 05/24/2012 - 18:55 नवीन
१२ डावांच्या अखेरीस जर ६-६ गुणांची बरोबरी असेल तर ३० मे रोजी टाय ब्रेकर खेळला जाईल. त्यात २५ मिनिटांचे ४ डाव खेळले जातील प्रत्येक दोन डावांच्या मध्ये १० मिनिटांची विश्रांती असेल. तरीही निर्णय झाला नाही तर ५ मिनिटांचे २ डाव एकूण ५ वेळा (म्हणजे एकूण १० डाव) खेळले जातील, तरीही निर्णय झाला नाही तर 'सडन डेथ' डाव होईल. हम्म्म्म्म्म्म्म

रमताराम
Fri, 05/25/2012 - 09:52 नवीन
हा टायब्रेकर हा आचरट प्रकार आहे. अरे बारा डाव खेळूनही तो चॅलेंजर लेकाचा हरवू शकला नाही तर त्या माजी विजेत्याला विजेतेपद राखण्याचा हक्क हवा असे मला वाटते. त्याने ते आधीच मिळवले आहे. ते हिरावून घेण्यासाठी निर्विवाद श्रेष्ठत्व सिद्ध व्हायला हवे चॅलेंजरचे. तसे होत नसेल तर हे टायब्रेकर म्हणजे रडीचा डाव खेळून म्हणजे चॅलेंजरला संधीमागून संधी देण्याचा प्रकार आहे.
↩ प्रतिसाद: भडकमकर मास्तर

चतुरंग
Fri, 05/25/2012 - 18:09 नवीन
हा टायब्रेकर प्रकार पसंत नाहीये. त्यापेक्षा पूर्वी २४ डावांचा सामना असे तसा १६ डावांचा सामना ठेवावा कारण आता प्रायोजक, प्रेक्षक सर्वांनाच २४ -२४ डावांइतका प्रदीर्घ वेळ देणे शक्य नसावे. १६ डावांमधे जर आव्हानवीर काही करु शकत नसला तर आधीच्या खेळाडूनेच जेतेपद राकह्ले असे जाहीर करावे. (अवांतर - २४ डावांची व्यवस्था येण्याआधी पहिल्यांदा सहा डाव जिंकणारा खेळाडू विजेता घोषित होई. अनिर्णित डाव धरले जात नसत. हा एक कसोटी बघणारा प्रकार असतो. कार्पोव्-कास्पारोव सामना तब्बल ५ महिने आणि ४८ डाव चालला शेवटी ५-३ असा कार्पोवच्या बाजूने स्कोर असताना सामनाधिकार्‍यांनी सामना थांबवण्याचा निर्णय घेतला, आणि कार्पोव विजेता घोषित झाला, त्यांच्या मते प्रदीर्घ ताणाने खेळाडूंच्या तब्बेती बिघडलेल्या होत्या (कार्पोवचे वजन तब्बल १० किलोने कमी झाले होते, परंतु कास्पारोव टुणटुणीत होता!). या वादग्रस्त निर्णयाने कास्परोव चवताळला. त्याच्यामते सोविएत यूनियनला त्यांचे वर्चस्व मोडीत निघत आलेले बघवत नव्हते. कारण कास्पारोव नागरिकत्वाने रशियन असला तरी अर्धा अर्मेनियन - अर्धा ज्यू असल्याने त्याला दुजाभाव केला जात असे.)
↩ प्रतिसाद: रमताराम

ऋषिकेश
Fri, 05/25/2012 - 09:03 नवीन
भाग ४ प्लीज :) लिहित नसलो तरी तुमची प्रत्येक प्रतिक्रीया वाचून डाव समजून घ्यायचा प्रयत्न करतो आहे