सुबक व सुंदर वळणदार (कॅलिग्राफिक-स्टायलाइज्ड) देवनागरी फाँट्स् कोठे मिळतील?

मी एका पोस्टरवर काम करीत आहे. त्यातील सर्वच मजकूर मराठी असल्याने देवनागरी लिपी मध्ये आहे. तर याकरता मला विविध प्रकारच्या सुंदर वळणदार देवनागरी फाँट्स् ची आत्यंतिक गरज आहे. मी ओंकार जोशी यांच्या 'गमभन.कॉम' वर टंकन करुन तो मजकूर कॉपी करुन पाहिला पण रोजच्या वापरासाठी/लेखनासाठी 'गमभन' कितीही उपयोगी असला तरी पोस्टर साठी मात्र तेथील फाँट चालेल असे वाटले नाही. माझ्या मनातील फाँट्स् असे आहेत : - काही मराठी नाटकांच्या जाहिरातीत त्या नाटकाच्या नावासाठी वापरतात तसे मस्त देखणे विविध प्रकारचे फाँट्स् - कमल शेडगे वा अच्युत पालव वापरतात तसे (जरी ते हाताने काढत असले तरी त्याप्रकारचे) 'कॅलिग्राफिक' वा स्टायलाइज्ड' फाँट्स् - सुंदर वळणदार हस्तलिखिताचा भास होईल असे फाँट्स् तर आपल्या माहितीतील अशा वेगवेगळे देवनागरी फाँट्स् साठी वेबसाईट्स् सुचवल्यास मदत होईल. पोस्टरचे स्वरुप 'हौशीखातर' असे आहे (थोडक्यात व्यावसायिक नाही आहे) तेव्हा अर्थातच मोफत :) वा माफक-किमान दरात फाँट्स् उपलब्ध असतील तर उत्तम. - दिपोटी