प्रश्न, प्रश्न आणि प्रश्नच

मला ना, ही लहान मुले सिनेमात आली की काही प्रश्न हमखास पडतात. १. ती आता कधी हरवणार? (पूर्वी मुले जन्मल्या नंतर लगेच किंवा एक ७/८ वर्षांची झाली की हरवत असत.असे सिनेमे मोठी माणसे पाहत असत.नाही हरवली तर तो लहान मुलांचा सिनेमा असे समजून मोठी माणसे, लहान मुलांना तो सिनेमा बघायला परवानगी देत असत.) २. त्यांना आता कुठला रोग होणार? (ताप येणार, की ब्लड क्यान्सर?) ३. त्यांना आता कुठला अपघात होणार?(बोट बुडणार?की विमान अपघात? की गाडी उडवणार? गेली कित्येक दशके हे गाडीवाले लहान मुलांना आणि इतर मंडळीनी उडवत आहेत.म्हणून एक उप-प्रश्न असा पडतो की ह्या अशा सिनेमातून स्फूर्ती घेवून तर आज-काल गाडीवाले अपघात करत नसतील? ४. मोठे झाल्यावर कोण काय काय रूप धारण करणार? (म्हणजे अमिताभ,धर्मेंद्र,विनोद खन्ना हे पूर्ण आणि ऋषी कपूर अर्धा (एकूण साडे तीन).... माझे हिरो इथेच संपतात.) ५. कुठला व्यवसाय करणार? ६. एक चोर तर दुसरा पोलीस का? ७. एकदम धावता-धावता मोठे होणार? की मारामारी करून? ८. हे कितीही लहान असले तरी ह्यांना मोठ्या माणसांसारखी समज कशी काय असते? (म्हणजे हिरो-हिरोईन जवळ आले की हळूच बघत बसणे, पटकन अडचणीत येणारे प्रश्न विचारणे. इत्यादी) ९. व्हिलन कितीही ताकदवान असला तरी हे त्याला का घाबरत नाहीत? १०. भर मारामारीत पळून जायचे (आपला बचाव करायचे) सोडून हळूच व्हिलनला हाताने दगड किंवा गलोल घेवून खडे का मारतात? मला ह्या १० मिनिटात जेव्हढे आठवले तेव्हढे लिहिले... तुम्हाला अजून सुचत असतील तर सांगा....